MARKU 12:17 - Jinghpaw Common Language Bible 2009

¹⁷ Yesu gaw, “Kaja sai, shaloi rai jang gaw, Kehta hte seng ai hpe gaw Kehta hpe jaw mu, Karai Kasang hte seng ai hpe gaw, Karai Kasang hpe jaw mu,” ngu nna shanhte hpe tsun mu ai. Shanhte mahtang shi a lam grai mau mat nga ma ai.

Jinghpaw Hanson Version Bible

¹⁷ Dai rai nna Yesu gaw, “Kehta hte seng ai hpe gaw, Kehta hpe ya mu; Karai Kasang hte seng ai hpe mung Karai Kasang hpe ya mu,” ngu nna shanhte hpe tsun mu ai. Shanhte mahtang, shi a lam grai mau mat nga ma ai.

MARKU 12:17 ပူးပေါင်းရင်းမြစ်များ

GA SHAGAWP 23:26

Sha e, atsawm sha madat la u; nye a asak hkrun lam gaw na a matu kasi tai shangun u.

GA SHAGAWP 24:21

Ngai sha e, dai Madu hpe hkrit kamyin nga u; hkawhkam wa hpe shagrau sha-a nga u, shanhte hte nhtan shai nna gumle gumlau ai masha ni hte hkum kanawn et;

MALAHKI 1:6

Chyahtum Chyalai N-gun rawng ai dai Madu gaw hkinjawng ni hpe, “Kasha gaw shi a kawa hpe shagrau hkungga ai; shangun ma wa gaw shi a madu hpe shagrau hkungga nga ai. Ngai gaw na a nwa rai nga nngai-hpa majaw nang ngai hpe n shagrau hkungga a ni? Ngai gaw na a madu rai nga nngai-hpa majaw nang ngai hpe n hkungga a ni? Nang gaw ngai hpe n kaw n law di nga ndai, shing rai tim, nang gaw, “Anhte nang hpe kaning rai n kaw n law di kau saga ta?,” nga nna san myit dai.

MAHTE 22:21

Shanhte gaw, “Kehta a sumla hte masat laika kap nga ai,” ngu nna htan mu ai. Shaloi shi gaw, “Dai rai yang gaw, Kehta hte seng ai hpe gaw Kehta hpe ya mu; Karai Kasang hte seng ai hpe gaw, Karai Kasang hpe ya mu,” ngu nna shanhte hpe tsun mu ai.

MAHTE 22:22

Dai ga hpe na la ma yang, shanhte mau mat ma ai rai nna, shi kaw na pru nhtawm wa mat ma ai.

MAHTE 22:33

Shawa masha ni dai hpe na ma yang, shi a sharin shaga ai lam hpe mau mat ma ai.

MAHTE 22:46

Kadai wa mung, ga hkaw mi pyi shi hpe n htan lu ma ai hte dai shani kaw nna htawm hpang de kadai wa mung shi hpe hpa ga san ni mung n san wam mat ma ai.

MAHTE 8:10

Dai ga hpe Yesu na ai shaloi shi mau nna shi kaw hkan nang ai ni hpe, “Nanhte hpe ngai teng teng tsun made ga, Israela amyu hta pyi dai hte wa kam sham ai gaw langai mi muk n mu hkrup ga nngai.

MARKU 12:16

Dai rai nna, shanhte la wa mu ai. Shi gaw, “Gade a sumla hte masat laika kap nga a ta?,” ngu nna san mu yang, shanhte gaw, “Kehta a sumla hte masat laika kap nga ai,” ngu nna shi hpe htan mu ai.

MARKU 12:30

Dai Madu na a Karai Kasang hpe, na a myit kraw lawang mahkra hte, na a myit masin wenyi mahkra hte, na a myit mang mahkra hte, na n-gun lagaw mahkra hte, nang tsaw ra lu na ndai, nga ai ga gaw grau kaba ai ga rai nga ai.

LUKA 20:25

Dai majaw Yesu gaw, “Rai sa, dai rai yang gaw, hkawseng hte seng ai hpe hkawseng hpe jaw mu; Karai Kasang hte seng ai hpe Karai Kasang hpe jaw mu,” ngu nna shanhte hpe tsun mu ai.

ROMA 12:1

Dai re ai majaw hpu nau ni e, Karai Kasang gaw anhte a ntsa e tsaw ra matsan dum ai myit kaba rawng nga ai majaw shi a amu gun hpai na hte shi sharawng awng ai ahkrung nga ai hkungga tai na matu nanhte a hkum hkrang nawng ya na ngai nanhte hpe shadut jahkat dat made ai. Dai gaw nanhte nawng ya ang ai myit masin a teng man ai daw jau ai lam rai nga ai.

ROMA 13:7

Dai rai nna shanhte hpe nanhte jaw ang ai made jaw mu; nanhte jaw ra ai hkansi hte kang nga manga hte hpe jaw mu. Shanhte yawng hpe hkungga lara ai lam hte shagrau shareng ai lam galaw mu.

ROMA 6:13

Dai hta n-ga nanhte a hkum hkrang daw shan hpe mung n hkru n shawp ai hta asung jashawn na matu yubak hpe hkum ap ya myit. Shing rai na malai nanhte si ai kaw na hkrung rawt ai n re ai hku nna mung, ding hpring mai kaja ai lam ni hta jai lang hkam na matu mung tinang hkum hkrang hpe Karai Kasang kaw sak ya mu.

1 PETRU 2:17

Masha shagu hpe hkungga lara di mu; nanhte a kam sham ai hpu nau ni hpe tsaw ra nga mu. Karai Kasang hpe hkrit kamyin nga mu; hkawseng wa hpe mung hkungga lara di mu.