MARKU 12:15 - Jinghpaw Common Language Bible 2009

¹⁵ Yesu gaw shanhte a myit magaw hpaji daw ai lam hpe mu chye ya mu ai rai nna, “Nanhte ngai hpe hpa rai mara tam mayu nga myit ta? Dai gumhpraw dengga lap mi ngai kaw la wa marit, ngai yu yu we ga,” ngu nna htan mu ai.

Jinghpaw Hanson Version Bible

¹⁵ anhte bang na rai kun? n bang na rai kun?” ngu nna shi hpe san mu ai. Shi mahtang shanhte a myit sawt ai lam chye nna, “Nanhte hpa rai ngai hpe chyam yu nga myit ta? Ngai yu yu we ga, dai gumhpraw lap mi ngai kaw la wa marit,” ngu nna shanhte hpe tsun mu ai.

MARKU 12:15 ပူးပေါင်းရင်းမြစ်များ

EZEKELA 17:2

Shi gaw, “Si chye ai masha wa e, Israela amyu masha ni hpe

MAHTE 20:2

Dai wa gaw, lani mi hta gumhpraw lap mi jaw na, ngu nna amu galaw ai ni hte bawng jahkut nhtawm, sabyi sun de shanhte hpe shangun dat mu ai.

MAHTE 22:18

Yesu mahtang, shanhte a n hkru n kaja ai hku maw mawn ai lam hpe chye ya mu ai majaw, “Sawt ai ni e nanhte ngai hpe hpa rai chyam yu nga myit ta?

MARKU 10:2

Shaloi Hparishe nkau mi Yesu kaw sa du nna, shi hpe mara rim lu hkra hpaji daw ai hku nna, “Anhte a tara hta, masha langai mi tinang a madu jan hpe jahka kau na ahkang jaw da a ni?, anhte hpe tsun dan mi,” nga nna shanhte san ma ai.

MARKU 12:14

Shanhte shi kaw du nna, “Sara e, nang gaw masha ni hpa myit nga ai hpe hpa zawn n nawn ai sha, teng man ai lam hpe nang tsun nga ndai hpe anhte chye nga ga ai. Nang gaw masha a myi nan n tau ai sha, masha a matu Karai Kasang a myit ra ai lam hpe teng man ai hku sharin shaga nga ndai. Kehta Hkawhkam kaw hkanse bang ai rai yang, anhte a tara hte nhtan shai a ni? Anhte bang na rai kun? N bang na rai kun? Anhte hpe tsun dan mi,” ngu nna tsun mu ai.

MARKU 12:16

Dai rai nna, shanhte la wa mu ai. Shi gaw, “Gade a sumla hte masat laika kap nga a ta?,” ngu nna san mu yang, shanhte gaw, “Kehta a sumla hte masat laika kap nga ai,” ngu nna shi hpe htan mu ai.

LUKA 20:23

Rai ti mung Yesu gaw, shanhte a myit magaw hpaji daw ai lam hpe mu chye ya mu ai rai nna shanhte hpe,

YAWHAN 21:17

Bai masum lang ngu na Yesu gaw, “Yawhan a kasha Simun e, nang ngai hpe tsaw ra nga n ni?,” ngu nna shi hpe san wu ai majaw, Petru myit yawn nna, “Madu e, nang gaw yawng mayawng hpe chye nga ndai ngai nang hpe tsaw ra nga nngai gaw, nang chye nga ndai!,” ngu nna htan wu ai. Yesu gaw, “Nye a sagu ni hpe bau rem nga u.

YAWHAN 8:6

Shanhte shing nga san ai gaw, shi hta mara shagun na lam mu lu hkra, shi hpe chyam dinglik yu ai rai nga ai. Rai ti mung Yesu gaw, ga de gum nna ga hta layung hte ka mahkret let nga nga ai.

KASA 5:9

Shaloi Petru gaw, “Madu a Wenyi hpe chyam yu na nan hpa majaw ndai hku myit hkrum myit ta? Yu u, na a madu wa hpe lup kau ai ni ya chyinghka lam de du wa mara ai rai nna nang hpe mung shanhte hpai kau na mara ai,” ngu wu ai.

1 KORINHTU 10:9

Shanhte nkau mi dai Madu hpe chyam dinglik nna lapu e kawa sat kau ai hkrum ma ai zawn, anhte mung Madu hpe chyam dinglik lu na n rai.

HEBRE 4:13

Karai Kasang n mu n chye hkra makoi magap da lu ai hpa mung n nga ai; yawng mayawng gaw shi a man e dan leng nga ai rai nna anhte galaw ai lam shagu shi hpe jahpan dan lu na rai nga ga ai.

SHINGRAN 2:23

Shi a hpang hkan nang ai ni hpe mung ngai sat kau na mawe ai. Dai shaloi ngai gaw, masha shagu a myit mang ai lam ni hte maw mawn ai lam ni hpe yawng chye ya ai Madu ngai rai nga nngai gaw, hpung ni chye lu na mara ai. Nanhte hta na langai hte langai hpe, tinang galaw sai amu hte maren ngai htang jaw na made ai.