MARKU 12:14 - Jinghpaw Common Language Bible 2009

¹⁴ Shanhte shi kaw du nna, “Sara e, nang gaw masha ni hpa myit nga ai hpe hpa zawn n nawn ai sha, teng man ai lam hpe nang tsun nga ndai hpe anhte chye nga ga ai. Nang gaw masha a myi nan n tau ai sha, masha a matu Karai Kasang a myit ra ai lam hpe teng man ai hku sharin shaga nga ndai. Kehta Hkawhkam kaw hkanse bang ai rai yang, anhte a tara hte nhtan shai a ni? Anhte bang na rai kun? N bang na rai kun? Anhte hpe tsun dan mi,” ngu nna tsun mu ai.

Jinghpaw Hanson Version Bible

¹⁴ Shaloi shanhte du nna, “Sara e, nang tengman nga ndai hte, kadai hpe mung n agam nga ndai gaw anhte chye ga ai; masha a myi man hpe nang n tau yu ai sha, Karai Kasang a lam hpe tengman ai hku sharin shaga nga ndai. Kehta hkawhkam hpe hkanse mai bang ga ni?

MARKU 12:14 ပူးပေါင်းရင်းမြစ်များ

2 HKAWHKAM LABAU 18:13

Rai ti mung Mihkaia mahtang, “Ahkrung nga ai dai Madu hku nna sha nye a Karai Kasang ngai hpe tsun ai ga hpe tsun na nngai,” ngu nna htan wu ai.

2 HKAWHKAM LABAU 19:7

Dai Madu anhte a Karai Kasang gaw ru hka amu hta masu hkalem ai lam, myi man tau ai lam hte mayun kumhpa la ai lam ni hpe n yu sharang lu nga ai majaw dai Madu hpe shagrau sha-a nna sadi sahka hte galaw mu.

NEHEMIA 9:37

Anhte yubak galaw shut kau saga ai majaw anhte hpe nang up shangun ai hkawhkam ni mahtang mungdan kaw na shapraw ai sut rai lu la nga ma ai. Shanhte gaw anhte hte anhte a yam nga hpung ni hpe shanhte myit ra ai hku galaw ma ai, anhte gaw ja ja yawn hkyen ai hkrum shajang saga hka!”

SHAKAWN KUNGDAWN 120:2

Madu e, masu magaw ai masha ni hte hkalem hkalau chye ai masha ni a lata kaw nna ngai hpe hkye hkrang la e.

SHAKAWN KUNGDAWN 55:21

Shi a n-gup aga ni gaw htawbat hta grau manen nga ai; shi a myit masin kata hta n dawng ai myit rawng nga ai; shi tsun ai ga hkum ni gaw namman hta grau kya nga ti mung, dai ai nhtu zawn, gadoi di lu nga ai.

YEREMIA 42:20

nanhte galaw maw mawn nga ai si chye ai shut hpyit amu hpe sadi jaw nga nngai. Nanhte a matu dai Madu anhte a Karai Kasang hpe hpyi lajin ya na, nanhte ngai hpe hpyi nem shangun myit dai; shi hkang da ai lam shagu hpe nanhte galaw shatup na ga ai nga nna ga sadi tawn da myit dai.

MIHKA 3:8

Rai ti mung, nye a matu chyawm gaw, dai Madu ngai hpe shi a wenyi hte daru magam n-gun hte jahpring ya nna tara dara ai nyan hpaji hte Israela amyu masha ni shanhte a yubak lam ni hpe tsun dan lu ai share shagan ai myit ni jaw bang ya nga ai.

MAHTE 22:16

Dai hpang shanhte a sape ni nkau mi hte Herod a hpung kaw na masha nkau mi hpe Yesu hpang de shangun dat mu ai. Shanhte gaw, “Sara e, nang gaw teng man ai lam hpe sha tsun nga ndai hpe anhte chye ga ai. Nang gaw masha a myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai.

MAHTE 22:17

Dai rai nna nang myit ai hku anhte hpe tsun dan mi: Kehta Hkawhkam kaw hkanse mai bang a ni? N mai bang a ni? Tara hte nhtan shai a ni? Anhte hpe tsun dan mi,” ngu mu ai.

MARKU 12:13

Dai hpang shanhte gaw, Hparishe nkau mi hte Herod a hpung kaw na masha nkau mi hpe Yesu hpang de sa nna ga san ni hte mara rim na matu shangun dat mu ai.

MARKU 12:15

Yesu gaw shanhte a myit magaw hpaji daw ai lam hpe mu chye ya mu ai rai nna, “Nanhte ngai hpe hpa rai mara tam mayu nga myit ta? Dai gumhpraw dengga lap mi ngai kaw la wa marit, ngai yu yu we ga,” ngu nna htan mu ai.

MARKU 14:45

Yuda gaw du ai shaloi jang, Yesu kaw hkre rai sa nna, “Sara e!,” ngu nna shi hpe pup wu ai.

LUKA 20:22

Anhte gaw Roma hkawseng wa kaw hkanse mai bang ga ni? N mai bang ga ni? Bang yang anhte a jep ai Tara hte anhte a matu nhtan shai a ni?, tsun dan mi,” ngu nna shi hpe san yu mu ai.

LUKA 23:2

Shanhte gaw, “Ndai wa gaw, anhte a amyu hpe lam woi shadam ai hte, hkawseng kaw hkanse bang na lam hkum da nna, shi hkum dai hkawhkam rai nngai, nga nna tsun nga ai hpe anhte mu ga ai,” ngu nna shi hpe mara shagun mu ai.

YAWHAN 7:18

Tinang myit hte tsun ai wa gaw, tinang a arawng sadang tam ai wa rai nga ai. Rai ti mung shi hpe shangun dat ai wa a arawng sadang hpe tam ai wa chyawm gaw, teng man nga ai rai nna, shi hta n ding n man ai n rawng lu ai.

ROMA 13:6

Dai majaw mung, nanhte hkansi bang nga myit dai; hpa majaw nga yang, ahkang aya lu ai ni gaw tinang galaw ang ai lit ni hpe gun hpai ai shaloi Karai Kasang a matu magam bungli gun hpai ai ni tai nga ma ai.

2 KORINHTU 2:17

Anhte gaw kaga masha law law ni zawn, Karai Kasang a mungga hpe manu hpa ai gun rai hpe zawn dut mari ai lam n galaw ga ai. Rai ti mung anhte gaw Karai Kasang e shangun dat ai ni rai nna, Hkristu a shangun ma ni hku nna Karai Kasang a man e dai mungga hpe teng man san seng ai myit hte hkaw tsun ga ai.

2 KORINHTU 2:2

Hpa majaw nga yang, ngai nanhte hpe shayawn kau made yang gaw ngai hpe kabu myit pyaw shangun na masha kadai sha nga sana rai ta? Ngai myit shayawn kau ai ni sha ngam nga sana rai nga ai.

2 KORINHTU 4:1

Karai Kasang gaw shi a matsan dum ai myit a jaw e, anhte hpe ndai magam gun hpai na amu ap ya mani ai rai nna, anhte hta myit daw n-gun yawm ai lam n nga ai.

2 KORINHTU 5:11

Anhte gaw dai Madu hpe hkrit kang ai ngu ai hpa rai nga ai hpe chye ga ai majaw kaga masha ni hpe lau la lu na matu shakut shaja ga ai. Karai Kasang anhte a lam akri akrai chye nga ai, nanhte mung nanhte a myit masin ni hta nye a lam atsawm sha chye nga myit dai ngu nna ngai myit mada nga nngai.

2 KORINHTU 5:16

Dai re ai majaw, anhte gaw ya kaw nna kadai hpe mung masha a madang ni hpe hkan nna daw dan ai lam n galaw saga ai. Shawng daw de Hkristu hpe masha madang hku hkan nna sawn daw dan ai lam galaw lai wa saga ai, rai ti mung ya dai hku n galaw saga ai.

GALATI 1:10

Hpa majaw nga yang, ngai ning nga tsun ai gaw, masha a tau madi shadaw ai hpe lu la na matu shakut nga nngai kun? Dai hku n rai law! Ngai ra sharawng ai lam gaw Karai Kasang a myit hkrum ra sharawng ai lam sha rai nga ai. Ngai gaw masha a man e kajai gumhkawng hkra shakut nga a ni? ngai gaw masha a ra ai lam naw tam shakut nga a yang gaw, Hkristu a ali ama ngai rai na nngai n rai.

GALATI 2:6

Arawng lu ai ningbaw ningla n san ai ni - shanhte kaja wa ningbaw ningla ni re ai n re ai gaw nye a matu hpa laklai ahkyak n rai nga ai; hpa majaw nga yang Karai Kasang gaw shinggan lam mu mada ai hku yu nna n daw dan ai. Dai arawng lu ai n san ai ningbaw ningla ni gaw ngai hpe hpaji jaw ai lam ningnan hpa mi n nga ai.

TARA JAHPRANG 16:19

Tara jeyang ai lam hta n teng n man ai hku myi man tau ya ai lam madun lu na myit dai n rai; mayun kumhpa ni la sha lu na ma ai n rai; dai gaw hpaji rawng ai ni hte ding man ai ni a myi hpe shamak kau ya nhtawm shanhte a tara daw dan ai lam hpe shut kau shangun nga ai.

1 HTESALONI 2:4

Shing rai na malai anhte gaw Karai Kasang tsun shangun ai hte maren galoi mung atsun nga ga ai; hpa majaw nga yang, Karai Kasang gaw anhte hpe gingdan ai ni re ai lam jep sagawn mu chye lu sai rai nna, dai Kabu Gara Shiga hkaw tsun na matu kam da mani ai. Anhte gaw masha hpe sharawng awng shangun na shakut ga ai n rai, anhte a maw mawn ai myit hpe manaw jep yu ai Karai Kasang hpe sharawng awng shangun na matu she shakut ga ai.