MARKU 12:12 - Jinghpaw Common Language Bible 2009

¹² Yuda ningbaw ningla ni gaw, Yesu hpe rim la na shakut ma ai, hpa majaw nga yang, ndai ga shadawn gaw shanhte hpe sha-ang nna ngu jaw ai re hpe shanhte chye nga ma ai. Rai ti mung shanhte gaw shawa masha ni hpe hkrit da mu ai rai nna shi hpe kau da nna pru mat wa ma ai.

Jinghpaw Hanson Version Bible

¹² Dai majaw shanhte gaw shi hpe rim la na tam ma timung, shawa masha ni hpe hkrit da mu ai: kaning rai nme law, ndai ga shadawn hpe, shanhte a lam shi tsun nga ai gaw, shanhte chye na mu ai. Shaloi shanhte shi hpe kau da nna, pru mat wa ma ai.

MARKU 12:12 ပူးပေါင်းရင်းမြစ်များ

MAHTE 21:26

Bai, ‘Masha kaw na re,’ ngu yang, mung masha ni hpe anhte hkrit shara nga ga ai, hpa majaw nga yang, Yawhan myihtoi rai nga ai hpe yawng hte kam nga ma ai,” nga shajang ma ai.

MAHTE 22:22

Dai ga hpe na la ma yang, shanhte mau mat ma ai rai nna, shi kaw na pru nhtawm wa mat ma ai.

MARKU 11:18

Hkinjawng agyi ni hte tara sara ni, dai hpe na ma yang, shi hpe sat kau na lam tam ma ai. Shanhte gaw shi hpe hkrit da mu ai, hpa majaw nga yang, shawa masha ni yawng hte gaw, shi sharin shaga ai lam hpe mau mahka nga ma ai.

MARKU 11:32

Rai ti mung, ‘Masha kaw na re,” ngu na mung, shanhte gaw shawa masha ni hpe hkrit agam nga ma ai; hpa majaw nga yang, Yawhan myihtoi rai nga ai hpe masha shagu kaja wa kam nga ma ai.

LUKA 20:19

Dai ga shadawn hpe tara sara ni hte hkinjawng agyi ni hpe sha-ang nna tsun ai re hpe shanhte chye ma ai majaw, dai ahkying hta pyi shi hpe rim la na maw ma ai; rai ti mung shanhte shawa masha ni hpe hkrit da mu ai.

LUKA 20:6

Bai masha hta na re ai, ngu yang mung, ya nang e nga ai shawa masha ni yawng, anhte hpe nlung hte kabai sat na mara ai, hpa majaw nga yang, shanhte gaw, Yawhan gaw myihtoi re ai,” nga nna kam nga ma ai.

YAWHAN 7:25

Yerusalem mare na masha nkau mi gaw, “Sat kau na matu ahkang aya lu ai du salang ni tam nga ai wa gaw, ndai wa n rai ni?

YAWHAN 7:30

Shaloi shanhte gaw shi hpe rim la na maw ma ai, rai ti mung shi a ahkying garai n du lu ai majaw, gade e mung shi hpe n rim lu mu ai.

YAWHAN 7:44

Shanhte hta na nkau mi gaw shi hpe rim la mayu ma ti mung, kadai wa mung shi hpe n rim la lu mu ai.