MARKU 12:1 - Jinghpaw Common Language Bible 2009

¹ Dai shaloi ga shadawn hte shanhte hpe tsun mu ai gaw, “Masha langai mi sabyi sun langai mi hkai sharam da nna, de a grup yin e nhpan kum da ai hte sabyi shup na matu htung htu da nna langchyi langai mi gap da wu ai. Dai hpang shi gaw sun shap galaw ai ni hpe boi ya da nna kaga mung de hkawm sa mat wa ai.

Jinghpaw Hanson Version Bible

¹ Dai shaloi ga shadawn hte hte shi shanhte hpe tsun hpang mu ai gaw, “Masha langai mi tsabyi sun hkai sharam da nna, grup yin e nhpan kum da ai hte tsabyi htung htu da nna, langchyi gap da nhtawm, sun galaw ai masha hpe boi ya da nna, kaga mung de sa nga mat ai.

MARKU 12:1 ပူးပေါင်းရင်းမြစ်များ

ESAIA 7:23

“Dai aten du ai shaloi, gumhpraw hkying mi hte ging ai sabyi ru hkying mi tu ai ja kat ai sabyi sun ni gaw ju sumwum hte ju hpun ni hte tu ka-up kau na ra ai.

YEREMIA 2:21

Ngai gaw nang hpe grai kaja htum ai nli tum kaw na sabyi ru hpe hkai da ni ai. Rai ti mung, nang hpa baw tai mat nga nit dai hpe yu yu u! Nang gaw yat mat nna manu n dan ai sabyi ru zawn rai nga ndai.

EZEKELA 20:49

Rai ti mung, ngai gaw, “Tsaw Htum ai Madu e, ngai hpe dai amu hkum galaw shangun et! Ngai gaw tut nawng e gumwai ga ni hpe tsun nngai nga nna, masha shagu tsun aput shatsang na jin jin rai nga ma ai,” ngu nna ninghkap htan kau we ai.

MAHTE 13:3

Shaloi, lam law law hpe ga shadawn ni hte shi shanhte hpe tsun mu ai gaw, “Kalang mi na masha langai mi gaw, nli gat na matu pru sa wa ai.

MAHTE 21:28

“Ya, nanhte kaning ngu myit da mu ta? Kalang mi na masha langai mi shadang sha lahkawng lu ai. Kasha alat hpang de shi sa nna, ‘Sha e, dai ni sabyi sun de bungli sa galaw su,’ ngu wu ai.

MAHTE 21:33

“Ga shadawn kaga langai mi hpe mung naw madat la mu. Kalang mi na sun madu langai mi gaw sabyi sun langai mi hkai sharam da nna, de a grup yin e nhpan kum da ai hte, dai hta e sabyi shup na htung htu da nhtawm, langchyi langai mi mung gap da nu ai. Dai hpang, sun galaw sha ai masha ni hpe shap ya nna kaga mungdan de bu hkawm sa mat wa ai.

MAHTE 21:34

Ya sabyi ngai ai ten du jang, shi lu la ang ai sabyi mangai a asi sa la na matu, sun galaw ai ni hpang de, shi mayam ni hpe shangun dat mu ai.

MAHTE 25:14

“Dai ten hta, sumsing lamu a Mungdan gaw, lang mi na masha langai mi bu hkawm na maw ai rai nna, mayam ni hpe shaga la nhtawm, shi arai ni shanhte hpe ap ya da ai shaloi byin ai lam hte bung na ra ai.

MARKU 11:33

Dai rai nna, shanhte Yesu hpe htan let, “Anhte n chye gaw ai,” ngu nna tsun mu ai, Shaloi Yesu gaw, “Ndai amu ni hpe hpa ahkang hte ngai galaw nngai gaw, ngai mung nanhte hpe n tsun dan na nngai,” ngu nna shanhte hpe tsun mu ai.

MARKU 13:34

Dai gaw, tsan ai ga de dum nta kaw na pru hkawm sa wa na masha langai mi, shi a nta hpe shangun ma ni a lata hta ap da nhtawm, shanhte langai hte langai galaw na bungli garan ya ngut jang, chyinghka sin ai wa hpe mung maja nga na matu hkang da ai hte bung nga ai.

MARKU 3:23

Shing rai Yesu shanhte hpe shaga la nna ga shadawn hku tsun mu ai gaw: ‘‘Satan gaw Satan hpe gara hku shaden kau lu na a ta?

MARKU 4:2

Shi gaw ga shadawn ni hpe lang nna lam law law hpe ning ngu nna sharin shaga mu ai:

LUKA 15:13

Dai hpang nhtoi gade n na yang, kasha kaji wa gaw, shi lu ai sut rai ni yawng dut kau nna lu ai gumhpraw gun nhtawm nta na pru mat wa ai. Shi gaw tsan ai mung de sa wa nna, dai shara e shi gumhpraw ni hpe majoi jai ai hte pyaw daw kadaw hkawm nna ginlut shamat kau wu ai.

LUKA 19:12

Dai majaw shi gaw, “Kalang mi na arawng lu ai masha langai mi nga ai. Shi gaw tsan ai mungdan langai mi de hkawhkam aya sa hkam la na sa wa na maw nga ai, dai hpang shi a nta buga de bai wa na hkyen nga ai.

LUKA 22:9

Dai yan gaw, “An hpe kanang e shachyip lajang da shangun mayu n ta?,” ngu nna shi hpe san mu ai.

LUKA 8:10

Shi gaw, “Karai Kasang a Mungdan a sung htum ai lam ni hpe chye na na ahkang nanhte hpe jaw da manit dai, masha gale ni chyawm gaw, yu layu e n mu mu ga, na lana e n chye na mu ga, ga shadawn hku ngai tsun nga nngai.

KASA 7:38

Nam mali e hpawng nga ai Israela amyu masha ni hte mung, anhte a ji wa ni hte mung, Sina bum e shingran jaw ai lamu kasa hte mung rau rai nga ai wa gaw shi nan rai nga ai. Anhte hpe bai htawn tsun na ap ya ai Karai Kasang kaw na asak hkrung ai mungga hkap la ai wa mung shi rai nga ai.