MARKU 11:8 - Jinghpaw Common Language Bible 2009

⁸ Masha law law wa, tinang a hpun nba ni hpe lam ntsa e hpyan nep ya nga yang, nkau mi gaw nam na hpun lakung lakying ni kran la nna dai lam e hkan nep ma ai.

Jinghpaw Hanson Version Bible

⁸ Masha law law wa, tinang a hpun nba ni hpe lam hta e nep ya ma ai: kaga hte gaw, nam na hpun lakung lakying kran la nna, dai lam e hkan nep ma ai.

MARKU 11:8 ပူးပေါင်းရင်းမြစ်များ

2 HKAWHKAM 9:13

Yehu a du manang ni gaw kalang lata shanhte a palawng galu ni hpe raw la nna Yehu wa tsap na matu lakang baw e nep da nhtawm pahtau ni hpe dum let, “Yehu gaw hkawhkam rai nga sai law!,” ngu nna jahtau tsun ma ai.

JAW JAU 23:40

Dai shani e, nanhte a hpun hta na kaja htum ai namsi nkau mi hpe mung, namhtan hpun lakung ni, alap kap ai hpun lakung ni hpe la nhtawm dai Madu nanhte a Karai Kasang hpe shagrau sha-a na nawku htung hte seng ai poi hpe galaw hpang na rai myit dai.

MAHTE 21:8

Dai masha wunawng kaba ni gaw, shanhte a hpun nba ni hpe dai lam ntsa e hpyan nep da ma ai; kaga hte gaw, hpun lakung lakying ni kran la nna dai lam hkan nep ma ai.

MARKU 11:7

Shan gaw dai lawze kasha hpe Yesu hpang de dun wa mu ai rai nna, de a ntsa e shanhte a hpun nba ni mara nhtawm, dai hta e Yesu lung jawn nga ai.

MARKU 11:9

Shawng e sa wa nga ai ni hte hpang e hkan nang ai masha ni gaw, “Karai Kasang a hpung shingkang hpe shakawn kungdawn mu law! Madu a mying ningsang hte du sa ai wa gaw a nga u ga law!