MARKU 11:32 - Jinghpaw Common Language Bible 2009

³² Rai ti mung, ‘Masha kaw na re,” ngu na mung, shanhte gaw shawa masha ni hpe hkrit agam nga ma ai; hpa majaw nga yang, Yawhan myihtoi rai nga ai hpe masha shagu kaja wa kam nga ma ai.

Jinghpaw Hanson Version Bible

³² bai, ‘Masha hta na rai kun?’ anhte ngu gaw yang, mung masha ni hpe shanhte hkrit nga ma ai; kaning rai nme law, Yawhan myihtoi rai nga ai hpe, nlang hte gaw, gaja wa kam nga ma ai.

MARKU 11:32 ပူးပေါင်းရင်းမြစ်များ

MAHTE 11:9

Dai n rai yang gaw, hpa sa yu na pru sa myit ta? Myihtoi langai ngai hpe sa yu na matu rai ni? Rai sa; nanhte gaw myihtoi hta grau kaba ai wa hpe mu lu manit dai.

MAHTE 14:5

Herod gaw shi hpe sat kau mayu da wu ai rai ti mung, mung masha ni Yawhan hpe myihtoi zawn nawn da mu ai majaw, shanhte hpe hkrit da wu ai.

MAHTE 21:46

Dai majaw shanhte gaw, shi hpe rim la na lam tam ma ai. Rai ti mung Yesu hpe myihtoi rai nga ai ngu nna kam nga ai shawa masha ni hpe hkrit da mu ai.

MARKU 11:31

Shanhte shada da bawng ban dangrang hkat magang nna, “Anhte kaning ngu tsun na rai ta? ‘Karai Kasang kaw na re,” anhte ngu gaw yang, dai rai yang, ‘Nanhte Yawhan hpe hpa rai n kam myit ta?’ nga nna shi htan na ra ai.

MARKU 11:33

Dai rai nna, shanhte Yesu hpe htan let, “Anhte n chye gaw ai,” ngu nna tsun mu ai, Shaloi Yesu gaw, “Ndai amu ni hpe hpa ahkang hte ngai galaw nngai gaw, ngai mung nanhte hpe n tsun dan na nngai,” ngu nna shanhte hpe tsun mu ai.

MARKU 12:12

Yuda ningbaw ningla ni gaw, Yesu hpe rim la na shakut ma ai, hpa majaw nga yang, ndai ga shadawn gaw shanhte hpe sha-ang nna ngu jaw ai re hpe shanhte chye nga ma ai. Rai ti mung shanhte gaw shawa masha ni hpe hkrit da mu ai rai nna shi hpe kau da nna pru mat wa ma ai.

MARKU 6:20

Yawhan gaw, ding hpring ai hte chyoi pra ai wa rai nga ai hpe Herod chye wu ai majaw, shi hpe hkrit kamyin ai hte makawp maga nga ai. Herod gaw Yawhan a sharin shaga ai ga na lu ai ten shagu shi a myit hta grai ung ang shangun ai rai tim, shi a ga na la na grai ra nga ai.

LUKA 20:19

Dai ga shadawn hpe tara sara ni hte hkinjawng agyi ni hpe sha-ang nna tsun ai re hpe shanhte chye ma ai majaw, dai ahkying hta pyi shi hpe rim la na maw ma ai; rai ti mung shanhte shawa masha ni hpe hkrit da mu ai.

LUKA 22:2

Hkinjawng agyi ni hte Tara sara ni gaw, mung masha ni hpe hkrit da mu ai majaw, Yesu hpe kadai n chye ai sha sat kau na lam langai mi tam nga ma ai.

YAWHAN 10:41

Masha law law wa shi kaw sa du nna, “Yawhan gaw hpa mauhpa lamik kumla mung n galaw dan ai, rai ti mung ndai wa a lam Yawhan tsun matsun chyawm gaw teng man nga ai,” nga ma ai.

KASA 5:26

Dai rai nna hpyen du wa gaw shi a hpyen la ni hte sa nna kasa ni hpe bai sa woi la mu ai, rai ti mung aja awa n di wam mu ai, hpa majaw nga yang, shawa masha ni nlung hte kabai wa na hpe hkrit da mu ai.