MARKU 11:28 - Jinghpaw Common Language Bible 2009

²⁸ “Nang gaw hpa ahkang hte ndai amu ni galaw n ta? Ndai ahkang nang hpe kadai jaw a ta?,” ngu nna san mu ai.

Jinghpaw Hanson Version Bible

²⁸ “Nang gaw hpa ahkang hte ndai amu ni hpe galaw nga n ta? Ndai hte hpe galaw lu na, ndai ahkang gaw, nang hpe kadai wa jaw n ta?” ngu nna tsun mu ai.

MARKU 11:28 ပူးပေါင်းရင်းမြစ်များ

PRU MAT 2:14

Dai masha wa gaw, “Anhte a up hkang du hte tara agyi tai ya na, nang hpe kadai san da a ta? Nang gaw Egutu masha wa hpe sat kau ai zawn, ngai hpe mung sat kau na n ni?,” ngu nna htan wu ai. Mawshe mung hkrit ai hte shi a kraw e, “Ngai galaw ai amu hpe amyu masha ni mu kau manu ai,” ngu nna tsun wu ai.

BU HKAWM 16:13

Ndai nam mali hta anhte hpe sat kau lu hkra nga, ngamu ngamai ai Egutu mung kaw na nang anhte hpe woi shapraw wa ai pyi n ram dum nga n ni? Ya mung anhte a ntsa e madu naw tai mayu nga n ni?

BU HKAWM 16:3

Shanhte gaw Mawshe yan Arun kaw sa hpawng let shan hpe, “Nan gaw nau wa lai manit dai! Dai shawa hpung yawng gaw dai Madu a matu rai nna, dai Madu mung anhte yawng hte rau rai nga ai. Dai rai yang, Mawshe nang gaw hpa majaw dai Madu a shawa hpung ting a ntsa e, tinang hkum hpe shagrau la mayu nga n ta?,” ngu nna tsun ma ai.

MARKU 11:27

Yesu hte sape ni gaw Yerusalem mare de kalang mi bai du wa ma ai. Ya Yesu Nawku Htingnu kata e htinglet hkawm nga yang, hkinjawng agyi ni, Tara sara ni hte agyi salang ni, shi hpang de sa du ma ai rai nna,

MARKU 11:29

Yesu gaw, “Ngai nanhte hpe ga san langai mi san yu made ga, nanhte ngai hpe mahtai jaw ai rai yang, hpa ahkang hte ndai hte hpe ngai galaw nga nngai, ngu ai lam ngai nanhte hpe tsun dan na made ai.

KASA 7:51

“Dai daram wa nanhte du ja nga myit hka! Nanhte a myit masin ni gaw Karai Kasang hpe dai daram wa n kam n sham nga malit hka! Karai Kasang a shingran mungga hpe na la na dai daram wa na lahpang nga myit hka! Nanhte gaw, nanhte a nji nwa ni galaw ai zawn Chyoi Pra ai Wenyi hpe nanhte galoi mung ninghkap nga myit hka!