MARKU 11:23 - Jinghpaw Common Language Bible 2009

²³ Ngai nanhte hpe teng teng tsun made ai gaw, kadai rai ti mung, tinang a myit masin hta kam shut ai myit n rawng ai sha, tinang tsun ai hte maren byin na ra ai ngu nna kam ai wa gaw, ndai bum hpe, ndai shara kaw na baw mat nna panglai de htawt bang mat u, ngu yang, shi tsun ai hte maren shabyin ya na ra ai.

Jinghpaw Hanson Version Bible

²³ nanhte hpe ngai teng teng tsun made ai gaw, kadai rai timung, ndai bum hpe, Nang baw mat nna nawng hta htawt bang mat u, nga nna kam shut ai myit n rawng ai sha, tinang tsun ai hte maren byin na ra ai, kamsham nga ai rai yang gaw dai lam byin na ra ai.

MARKU 11:23 ပူးပေါင်းရင်းမြစ်များ

SHAKAWN KUNGDAWN 37:4

Dai Madu hta na a kabu gara ai lam hpe tam la u; shi gaw na a myit ra sharawng ai lam hpe jaw ya na ra ai.

MAHTE 14:13

Yesu gaw Yawhan a lam shiga na jang, li jawn let dai yang kaw na pru mat wa nhtawm, shingran katsi ai shara de lagyim sa mat wa ai. Shawa masha ni dai na mu yang, shanhte gaw tinang a mare ni kaw na pru nna shi a hpang de hkarang hku hkan nang ma ai.

MAHTE 17:20

Yesu gaw, “Nanhte ai n kam myit dai majaw, n di lu myit dai; nanhte hpe ngai teng teng tsun made ai gaw, kam sham ai myit chyinghkrang tum daram nanhte hta rawng nga ai rai yang gaw, ndai bum hpe, ‘Nang kaw nna wora de htawt sit mat u!,’ ngu nna nanhte tsun mu yang, dai htawt sit mat na ra ai: nanhte n di lu na amu hpa mung n nga na re,” ngu nna shanhte hpe tsun mu ai.

MAHTE 21:21

Yesu gaw, “Ngai nanhte hpe teng teng tsun made ga, nanhte hta kam shut ai myit n lawm ai sha kam sham myit yang gaw, ndai maihpang hpun hpe ngai galaw ai zawn nanhte galaw lu na myit dai. Dai hta n ga, ndai bum hpe, ‘Nang baw mat nna, nawng hta e htawt bang mat u,’ ngu nna nanhte tsun mu yang dai byin na ra ai.

LUKA 17:6

Madu gaw, “Nanhte hta kam sham ai myit chyinghkrang tum langai daram rawng myit yang gaw, ndai labri hpun hpe, hpun e, aru hte nawng baw nna panglai e sa tu nga u law!,” ngu yang nanhte a ga madat na ra ai.

YAWHAN 14:13

Shing rai Kasha a marang e Kawa a hpung shingkang dan hkung u ga matu, nye a mying gang nna, nanhte hpyi mahpyi ngai madat ya na nngai.

YAWHAN 15:7

Nanhte ngai hta noi nga nna, nye ga mung nanhte hta noi nga ai rai yang gaw, nanhte hpa hpyi mayu yang hpyi mu, hpyi ai hte maren nanhte lu na myit dai.

1 KORINHTU 13:2

Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.