MARKU 11:14 - Jinghpaw Common Language Bible 2009

¹⁴ Yesu gaw, “Prat dingsa e nang hta na asi hpe kadai mung n sha lu u ga,” ngu nna dai maihpang hpun hpe tsun kau wu ai. Shi a sape ni mung dai hpe na ma ai.

Jinghpaw Hanson Version Bible

¹⁴ “Prat dingsa e, nang hta na kadai mung asi n lusha mu ga,” ngu nna dai hpe tsun wu ai. Shi a sape ni mung dai hpe na nga ma ai.

MARKU 11:14 ပူးပေါင်းရင်းမြစ်များ

MAHTE 21:19

Shaloi lam makau e tu ai maihpang hpun langai mi hpe mu wu yang, dai de shi sa wu ai, rai ti mung dai hpun hta lap ni hta kaga hpa n mu wu ai. Dai majaw shi gaw, “Ya kaw nna prat dingsa e, nang hta asi bai n si n ga!,” ngu nna dai hpun hpe tsun wu ai. Maihpang hpun mung kalang ta shaloi jang hkraw nyip mat wa ai.

MAHTE 21:33

“Ga shadawn kaga langai mi hpe mung naw madat la mu. Kalang mi na sun madu langai mi gaw sabyi sun langai mi hkai sharam da nna, de a grup yin e nhpan kum da ai hte, dai hta e sabyi shup na htung htu da nhtawm, langchyi langai mi mung gap da nu ai. Dai hpang, sun galaw sha ai masha ni hpe shap ya nna kaga mungdan de bu hkawm sa mat wa ai.

MAHTE 21:44

(Dai nlung hta hkrat ai wa gaw achyen achya rai mat hkra daw hten na ra ai; gade a ntsa e mung dai nlung hkrat bun yang gaw dai wa gaw ayun ayaw mani mat na ra ai, ngu wu ai.)

MAHTE 3:10

Hpun ni hpe ru npawt kaw nna kran daw kau na matu ningwa hpe hkyen tawn da chyalu rai nna, asi kaja n si ai hpun shagu hpe kran daw kau nna, wan hta kabai bang kau na ra ai.

MAHTE 7:19

Ja ai asi n si ai hpun shagu hpe gaw kran daw kau nna, wan hta kabai bang kau ai hkrum ma ai.

MARKU 11:13

Shaloi tsan tsan kaw nna, alap ni hte ka-up nga ai maihpang hpun langai mi hpe shi mu hkrup nna, dai hta e asi ni lama lu la na myit mada let sit sa wa ai. Rai ti mung shi dai de du wa yang, mai hpang si si na aten n re ai majaw, alap sha shi mu wu ai.

MARKU 11:15

Ya shanhte Yerusalem de du ma yang, Yesu gaw Nawku Htingnu de shang nna, Nawku Htingnu kata e rai dut nga ai ni hte mari nga ai ni yawng hpe shaden shapraw kau mu ai. Gumhpraw byan sha ai ni a ku ni hte hkrudu dut ai ni a punghkum ni hpe kanawng kadawng galau kau ya mu ai.

YAWHAN 15:6

Ngai hta n jung n noi ai wa gaw shinggan de kabai kau ai hkrum nna hkraw mat wa ai lakung lakying zawn tai na ra ai. Masha ni mung shing re ai lakung lakying ni hpe magawn la nhtawm, wan hta kabai bang nna, hkru krawp mat ai kaw du wa lu ai.

2 PETRU 2:20

Lama rai nna masha ni gaw nanhte a hkye hkrang la ai Madu Yesu Hkristu hpe chye chyang ai a marang e mungkan ga a matsat shabat n-gun atsam kata na lawt lu sai hpang kalang mi bai matsat shabat lam e dang kau hkrum ai rai yang, dai ni a hpang na byin da gaw shawng na hta grau sawng mat wa sai.

SHINGRAN 22:11

N ding n hpring ai wa gaw, n ding n hpring ai hku naw hkan galaw nga u ga; n san n seng ai wa gaw n san n seng ai hku naw rai nga u ga; ding hpring ai wa gaw ding hpring ai hku naw nga u ga; chyoi pra ai wa gaw naw chyoi pra nga u ga.”