MARKU 11:12 - Jinghpaw Common Language Bible 2009

¹² Hpang shani, Yesu hte sape ni Behtani kahtawng kaw na nhtang pru wa ma yang, Yesu kawsi hkrum nga ai.

Jinghpaw Hanson Version Bible

¹² Hpang jahpawt e Behtani kahtawng na pru wa ma yang, shi kawsi hkrum nga ai.

MARKU 11:12 ပူးပေါင်းရင်းမြစ်များ

MAHTE 4:2

Ya shani mali shi ya, shana mali shi na tup, shi lusha gam ai hpang Yesu kawsi wu ai.

MARKU 11:13

Shaloi tsan tsan kaw nna, alap ni hte ka-up nga ai maihpang hpun langai mi hpe shi mu hkrup nna, dai hta e asi ni lama lu la na myit mada let sit sa wa ai. Rai ti mung shi dai de du wa yang, mai hpang si si na aten n re ai majaw, alap sha shi mu wu ai.

MARKU 11:20

Hpang jahpawt jau jau e, Yesu hte sape ni dai lam hku hkawm sa wa ma yang, maihpang hpun hpe shanhte mu ma ai. Dai hpun gaw npawt kaw nna hpun ting hkraw nyip si mat nga ai.

LUKA 4:2

Dai yang e nhtoi mali shi ya tup Nat e gunglau ai hkrum wu ai. Dai nhtoi hte laman e shi hpa mung n sha ai rai nna, dai hte ya lai jang, shi kawsi wu ai.

YAWHAN 19:28

Yesu gaw dai ahkying hta amu mahkra ngut sai hpe chye wu ai rai nna, dai Chyum Laika hta ka da ai hte maren shadik na matu, “Ngai hpang gara nngai,” ngu nna tsun wu ai.

HEBRE 2:17

Dai re ai majaw shi gaw, masha ni a yubak mara ni hpe raw dat kau ya lu na matu matsan dum chye ai kangka re ai hkinjawng agyi kaba tai ai hku nna Karai Kasang a magam bungli gun hpai lu u ga, lam shagu hta shi a kahpu kanau ni mu hkrum hkam sha nga ai lam ni hpe shanhte hte rau rum hkam sha nu ai.