MARKU 11:1 - Jinghpaw Common Language Bible 2009

¹ Yesu hte sape ni gaw, Yerusalem de ni wa magang ma yang, Bethpage hte Behtani mare ni a makau na Tsanlun bum de du ma ai.

Jinghpaw Hanson Version Bible

¹ Ya shanhte gaw, Yerusalem hte, Tsanlun bum na Bethpage yan Behtani kahtawng hkan e ni wa ma yang, shi sape lahkawng shangun dat nna, tsun mu ai gaw,

MARKU 11:1 ပူးပေါင်းရင်းမြစ်များ

2 SAMUELA 15:30

Dawi mung yawn hkyen ai kumla hte shi a baw htinggrum nna kyepdin raw kau nhtawm hkrap let, Tsanlun Bum de lung wa wu ai. Shi a hpang hkan ai masha ni yawng mung shanhte a baw ni htinggrum nhtawm hkrap let shi kaw hkan nang nga ma ai.

ZEHKARIA 14:4

Dai aten hta, shi gaw Yerusalem mare a sinpraw maga na Tsanlun Bum ntsa e tsap nga na ra ai. Shaloi Tsanlun Bum gaw sinpraw maga kaw nna sinna maga du hkra ka-ang brang ga wa ai hte grai kaba ai kadit langai tai mat na ra ai; dai bum ka-ang hkup gaw dingdung maga de, de a ka-ang hkup gaw dingda maga de htawt sit mat na ra ai.

MAHTE 21:17

Yesu gaw, shanhte hpe kau da nna, dai mare na pru wa nhtawm, Behtani kahtawng de sa du nna, dai yang e, lani mi hkring manam kau da wu ai.

MAHTE 24:3

Yesu gaw Tsanlun Bum ntsa e dung nga yang, shi a sape ni hkrai shi kaw sit sa nna, “Dai hte gaw galoi me byin wa na rai ta? Nang bai du na aten hte mungkan ga htum mat na aten hpe madun dan ai hku nna hpa baw lamik kumla ni byin pru wa na ra ta? Anhte hpe tsun dan mi,” ngu mu ai.

MAHTE 26:30

Dai hpang mahkawn mangoi langai mi mahkawn nna, shanhte gaw Tsanlun bum de pru sa wa ma ai.

MARKU 11:2

Dai shaloi Yesu gaw, sape lahkawng hpe shawng de shangun dat nna matsun mu ai gaw, “Nan a shawng de na kahtawng de sa wa masu: nan dai mare de du ai hte rau kadai mung garai n jawn yu ai lawze kasha langai mi dun nga ai hpe, nan mu na myit dai; dai hpe raw nhtawm nang de dun wa marit,” ngu mu ai.

MARKU 13:3

Yesu gaw Tsanlun bum ntsa e Nawku Htingnu de man yawng let dung nga yang, Petru, Yaku, Yawhan hte Andre hte gaw shanhte hkrai shi kaw sit sa ma ai.

MARKU 14:13

Shaloi Yesu gaw shi a sape lahkawng hpe, “Dai mare de sa masu, ntsin di bu hpai ai la langai mi gaw nan hpe hkap tau la na ra ai.

MARKU 6:7

Shaloi dai sape shi lahkawng hte hpe shi shaga la nhtawm, marai lahkawng yep yep di nna shangun dat mu ai. N seng ai nat ni hpe dang kau lu na ahkang shi shanhte hpe jaw mu ai.

YAWHAN 8:1

Yesu chyawm gaw Tsanlun bum de pru mat wa ai.

KASA 1:12

Shaloi kasa ni gaw, Yerusalem mare hte deng mi (Mai mi a ka-ang hkup) sha tsan ai Tsanlun bum kaw nna Yerusalem de bai wa ma ai.