MARKU 10:51 - Jinghpaw Common Language Bible 2009

⁵¹ Yesu gaw shi hpe, “Ngai na a matu hpa di ya na nang ra n ta?,” ngu nna san mu ai. Myi kyaw ai wa gaw, “Sara e ngai myi bai mu mayu nngai law,” ngu nna htan wu ai.

Jinghpaw Hanson Version Bible

⁵¹ Shaloi Yesu shi hpe ga tsun nna, “Ngai nang hpe hpa di ya na, nang ra n ta?” ngu wu ai. Myi kyaw ai wa gaw, “Rabunai e, nye myi mu li ga law,” ngu nna shi hpe tsun wu ai.

MARKU 10:51 ပူးပေါင်းရင်းမြစ်များ

2 HKAWHKAM LABAU 1:7

Dai shana e, Karai Kasang gaw Shawlumon kaw dan pru nna, “Ngai nang hpe hpa jaw na ra sharawng nga n ta?,” ngu nna san wu ai.

MAHTE 23:7

Gat hkan e hkungga lara di shachyen ai hte, masha ni e, ‘Sara’ ngu nna shamying na hpe shanhte sharawng la ma ai.

MAHTE 23:8

Nanhte mahtang ‘Sara e’ ngu nna shamying na hpe hkum ra myit: hpa majaw nga yang, nanhte a sara gaw langai sha rai nga ai rai nna, nanhte yawng kahpu kanau ni rai nga myit dai.

MAHTE 6:8

Nanhte chyawm gaw shanhte hte hkum bung nga myit, nanhte a Kawa gaw nanhte garai n hpyi kaw nna pyi, nanhte hta hpa ra nga ai hpe chye ya nga chyalu rai nga ai.

MAHTE 7:7

“Hpyi mu, shaloi nanhte lu na myit dai; tam mu, shaloi nanhte mu lu na myit dai; akawk mu, shaloi nanhte a matu chyinghka hpaw ya na ra ai.

MARKU 10:36

Yesu gaw, “Ngai nan a matu hpa galaw ya na ra nga myit ta?,” ngu nna shan hpe san mu ai.

MARKU 10:50

Shi gaw shi a hpun nba raw kau da ai hte, gumlawt rawt nna Yesu hpang de sit sa wa ai.

YAWHAN 20:16

Yesu gaw, “Mari e,” ngu nna shaga wu ai. Shaloi shi mung kayin let, “Raboni!,” ngu nna Hebre ga hte htan wu ai. (Dai gaw ‘Sara’ nga ai rai nga ai.)

KASA 23:19

Shaloi hpyen du kaba gaw shi hpe lata dun nna, shim ai shara de she woi bang nhtawm, “Nang ngai hpe hpa tsun mayu n ta?,” ngu nna lagyim san yu wu ai.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.