MARKU 10:5 - Jinghpaw Common Language Bible 2009

⁵ Yesu gaw, “Nanhte hpe sharin ya na nanhte a myit ja la nga malit dai majaw, shi nanhte a matu ndai tara ka da nu ai.

Jinghpaw Hanson Version Bible

⁵ Yesu gaw, “Nanhte a myit ja nga malit dai majaw, ndai hkang da ai ga, shi nanhte a matu ka da nu ai.

MARKU 10:5 ပူးပေါင်းရင်းမြစ်များ

NEHEMIA 9:26

“Rai ti mung na a amyu masha ni gaw nang hpe gumlau hte na a ga n madat nga ma ai; shanhte gaw na a Tara hpe shingdu dat kau ma ai. Shanhte gaw sadi jaw ai myihtoi ni hpe mung, nang hpang de kayin wa na matu tsun ai ni hpe mung sat kau ma ai. Shanhte gaw nang hpe aten mi hte aten mi n kaw n law di ma ai,

MAHTE 19:8

Yesu gaw, “Nanhte hpe sharin shaga na matu myit ja ai hte yak la nga myit dai majaw, tinang a madu jan hpe jahka kau na ahkang, Mawshe nanhte hpe jaw da manit dai rai nga ai. Rai ti mung shawng ningpawt e hpan da ai aten hta shing n nga ai.

KASA 7:51

“Dai daram wa nanhte du ja nga myit hka! Nanhte a myit masin ni gaw Karai Kasang hpe dai daram wa n kam n sham nga malit hka! Karai Kasang a shingran mungga hpe na la na dai daram wa na lahpang nga myit hka! Nanhte gaw, nanhte a nji nwa ni galaw ai zawn Chyoi Pra ai Wenyi hpe nanhte galoi mung ninghkap nga myit hka!

TARA JAHPRANG 24:1

“Lasha langai ngai num hkungran la nna nga sha nhtawm, shi n yu htuk dum ai lam lama ma hpe mu tawn ai a majaw n ra sharawng mat wu ai rai yang, jahka ai laika ka jaw let shi a nta kaw na dat dat na rai wu ai.

TARA JAHPRANG 31:27

Shanhte kade wa mi myit ja nna gumlau ai myit rawng nga ma ai hpe ngai chye nga nngai. Ngai naw hkrung nga ai hte yang pyi, dai Madu hpe shanhte gumlau ma ai rai nna, ngai si mat wa ai hpang dai hta grau nna pyi shanhte gumlau na mara ai.

TARA JAHPRANG 9:6

Dai Madu gaw nanhte lu la ging ai majaw dai ga sau hte hpring nna ningru ningja ai lamu ga hpe jaw ya nga ai n rai nga ai hpe nanhte hkrak matsing da lu na rai myit dai. Dai hku n rai, nanhte gaw du ja ai amyu masha ni rai nga myit dai.