MARKU 10:48 - Jinghpaw Common Language Bible 2009

⁴⁸ Masha law law wa shi atsin sha nga mat u ga, shi hpe jet kau mu ai. Rai ti mung shi gaw, Dawi a kasha e! ngai hpe matsan dum la e law,” ngu nna grau jahtau shaja wu ai.

Jinghpaw Hanson Version Bible

⁴⁸ Masha law law wa, shi atsin sha nga mat u ga, shi hpe jet kau mu ai. Shi mahtang, “Dawi a Kasha e, ngai hpe matsan dum la e law,” ngu nna grau jahtau shaja wu ai.

MARKU 10:48 ပူးပေါင်းရင်းမြစ်များ

SHAKAWN KUNGDAWN 62:12

O Madu e, nang na masha shagu hte hpe tinang galaw ai amu hte maren, shagrau kumhpa jaw ya nga u law.

YEREMIA 29:13

Nanhte gaw ngai hpe myit masin mahkra hte hkan tam myit dai majaw, ngai hpe mu tam na marin dai.

MAHTE 19:13

Masha nkau mi gaw, ma kaji ni a ntsa e lata mara da nna akyu hpyi ya mu ga nga nna, Yesu hpang de shanhte hpe woi sa mu ai. Sape ni mahtang shanhte hpe hkap daru kau mu ai.

MAHTE 20:31

Shawa masha ni gaw, shan atsin sha nga mat mu ga, daru jet kau mu ai; rai ti mung shan gaw, “Dawi a Kasha Wa e, an hpe matsan dum la mi law!,” ngu nna grau jahtau ma ai.

MAHTE 9:27

Yesu gaw dai shara kaw na sat sa wa yang, myi kyaw ai masha lahkawng shi kaw hkan nang let, “Dawi a Kasha e, an hpe matsan dum la mi,” nga nna jahtau ma ai.

MARKU 10:13

Masha nkau mi gaw ma kaji ni a ntsa e lata mara nna shaman ya mi ga nga nna shi hpang de woi sa ma ai. Rai ti mung sape ni mahtang shanhte hpe daru kau mu ai.

MARKU 5:35

Yesu ndai lam naw tsun nga yang, Yairu a nta na masha nkau mi sa du nna, “Na a shayi sha si mat sai. Dai sara hpe hpa rai naw shatsang nga na rai ta?,” ngu mu ai.

LUKA 18:39

Shawng e sa wa nga ai masha ni gaw, atsin sha nga na matu dai wa hpe jet kau mu ai. Rai ti mung, shi mahtang, “Dawi a kasha e, ngai hpe matsan dum la e law,” ngu nna grau jahtau shaja wu ai.

EHPESU 6:18

Karai Kasang kaw na karum ai lam lu la u ga, hpyi nem let akyu hpyi ai hta ndai lam yawng hte hpe agalaw nga mu. Ndai lam a majaw amaja nga mu; galoi mung myit shayaw asum hkum jaw myit; Karai Kasang a masha ni a matu tut tut akyu hpyi nga mu.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.