MARKU 10:47 - Jinghpaw Common Language Bible 2009

⁴⁷ Shi gaw Nazaret wa Yesu nga nga ai hpe na wu yang, “Dawi a Kasha Yesu e! Ngai hpe matsan dum la e law,” ngu nna hpyi jahtau wu ai.

Jinghpaw Hanson Version Bible

⁴⁷ Nazaret wa Yesu nga nga ai hpe, shi na wu yang, “Dawi a Kasha Yesu e, ngai hpe matsan dum la e law,” ngu nna hpyi jahtau wu ai.

MARKU 10:47 ပူးပေါင်းရင်းမြစ်များ

ESAIA 11:1

Dawi a hkawhkam amyu matu gaw kran kadawng kau hkrum ai hpun hte bung nga ai; rai ti mung ndu kaw nna nnaw nnan prut lung wa ai zawn hkawhkam nnan langai mi gaw Dawi a matu mara ni kaw na paw pru wa na ra ai.

MAHTE 1:1

Ndai gaw Abraham a aru arat rai nga ai Dawi a matu mara Yesu Hkristu a labau gawn ai hta lawm ai kaji kawa ni a mying jahpan rai nga ai.

MAHTE 12:23

Dai majaw shawa masha ni mau mahka nna, “Ndai wa gaw Dawi a Kasha rai nga a hka!,” nga nna tsun shajang ma ai.

MAHTE 15:22

Dai buga shara e nga ai Hkanan amyu numsha langai mi, shi kaw sit sa nna, “Dawi a Kasha Madu e, ngai hpe matsan dum e law; nye a shayi sha nat e zingri nna grai machyi sawng nga ai,” nga nna jahtau let tsun wu ai.

MAHTE 2:23

Nazaret ngu ai mare hta dum nta hte rai anga nga ai. Dai rai nna, “Shi hpe Nazaret wa ngu na maru ai,” nga nna myihtoi ni tsun ai ga gaw dik wa sai.

MAHTE 20:30

Shaloi myi kyaw ai masha lahkawng dai lam makau e dung nga ma ai rai nna, Yesu lai sa wa ai hpe na ma yang, shanhte gaw, “Dawi a Kasha Wa e, an hpe matsan dum la mi law!,” ngu nna jahtau ma ai.

MAHTE 21:11

Shawa masha ni mahtang, “Ndai wa gaw, Galile mung Nazaret mare na Yesu ngu ai myihtoi wa rai nga ai,” nga nna htan ma ai.

MAHTE 21:9

Yesu a shawng e sa wa ai ni hte hpang e hkan nang ai masha wunawng ni gaw, “Dawi a Kasha a hpung shingkang hpe shakawn mu! Madu a mying nsang hte du sa ai wa gaw a nga ai law! Karai Kasang a hpung shingkang hpe shakawn kungdawn nga mu law!,” nga nna jahtau garu ma ai.

MAHTE 26:71

Bai nta jan de pru wa yang, nchyang numsha kaga shi hpe mu nna, “Ndai wa mung Nazaret na Yesu hte rau kanawn ai wa rai nga ai,” ngu wu ai.

MAHTE 9:27

Yesu gaw dai shara kaw na sat sa wa yang, myi kyaw ai masha lahkawng shi kaw hkan nang let, “Dawi a Kasha e, an hpe matsan dum la mi,” nga nna jahtau ma ai.

MARKU 1:24

Dai wa gaw, “Nazaret wa Yesu e, anhte nang hte hpa seng ga ta? Anhte hpe jahten kau na matu nang sa du n ni? Nang kadai re ai hpe ngai chye nga nngai, nang gaw Karai Kasang a Chyoi Pra ai Wa rai nga ndai!,” nga nna marawn jahtau ai.

LUKA 4:16

Shaloi shi nga kaba wa ai Nazaret mare de du wa ai; shi a htung hte maren, Yuda Bansa shani e dai tara jawng de shi sa nna laika hti na rawt wu ai.

YAWHAN 1:46

Nahtanela gaw, “Nazaret mare na arai kaja lama mi pru lu a ni?,” ngu nna htan wu ai. Hpilip gaw “She sa yu rit,” ngu nna htan wu ai.

YAWHAN 19:19

Pilat mung masat shamying laika ka la nhtawm, wudang hta shakap tawn da wu ai. Dai ka da ai gaw, “Yuda ni a hkawhkam Nazaret wa Yesu,” ngu ai rai lu ai.

YAWHAN 7:41

Bai nkau mi gaw, “Ndai wa gaw Hkristu nan rai nga ai,” nga ma ai. Rai ti mung nkau mi gaw, “Ataw, Hkristu wa mi Galile mung na pru wa a ni?

YAWHAN 7:52

Shaloi shanhte gaw, “Nang mung Galile mung na masha rai nga n ni? Chyum Laika hpe sawk hti yu u, shaloi Galile mung kaw nna kadai myihtoi mung n paw pru yu ai hpe nang mu na rin dai,” ngu nna shi hpe htan mu ai.

KASA 6:14

Nazaret na Yesu ngu ai wa gaw, Nawku Htingnu hpe hpya kau nna anhte hpe Mawshe jaw da ai Tara a htung hking ni hpe galai kau na rai nga ai nga nna ndai wa shi nan tsun ai ga anhte na saga ai,” ngu nna tsun mu ai.

SHINGRAN 22:16

“Ngai Yesu gaw, Hpung kata hta nga nga ai nanhte hpe ndai lam ni tsun shana sakse hkam ya u ga, ngu nna nye a lamu kasa hpe ngai shangun dat nngai. Ngai gaw Dawi a lakung kaw na yu hkrat wa ai wa re. Htoi tu ai jahpawt manap na nhtoi gintawng rai nngai.