MARKU 10:43 - Jinghpaw Common Language Bible 2009

⁴³ Nanhte shada da hta chyawm gaw dai hku rai na n rai: nanhte hta na grau kaba ai wa tai mayu ai wa kadai rai ti mung, shi gaw kaga ni a shangun ma tai lu na rai nga ai.

Jinghpaw Hanson Version Bible

⁴³ Nanhte hta chyawm gaw, shing rai nga ai n rai: nanhte hta grau mayu ai wa kadai rai timung, nanhte a ali ama tai u ga:

MARKU 10:43 ပူးပေါင်းရင်းမြစ်များ

MARKU 10:42

Dai majaw Yesu gaw shanhte yawng hte hpe shaga la nna, “Maigan amyu ni a up hkang ai ni ngu nna sawn la hkrum ai masha ni gaw, mung masha ni a ntsa e daru magam hte reng sha nga ma ai hte, dai ningbaw ningla ni gaw atik anang re ai ahkang aya hpe jai lang nga ma ai hpe nanhte chye nga myit dai,

MARKU 10:44

Bai nna, nanhte hta na nambat langai masha tai mayu ai wa gaw yawng a mayam tai lu na rai nga ai.

MARKU 9:35

Shaloi Yesu dung nna, sape shi lahkawng hte hpe shaga la nhtawm, shanhte hpe, “Kadai rai ti mung, nambat langai shara hta nga mayu ai wa gaw yawng a hpang na wa hte, yawng a ali ama tai u ga,” ngu mu ai.

LUKA 14:11

Tinang hkum hpe shagrau shatsaw ai wa kadai mung, shagrit kau ai hkrum na ra ai; tinang hkum hpe shagrit ai wa kadai mung, shagrau shatsaw ai hkrum na ra ai,”

LUKA 18:14

Ngai nanhte hpe tsun made ga, Hparishe n re ai sha kang hta ai wa gaw Karai Kasang a man e, jaw ai hku galaw nna nta de wa lu nu ai. Hpa majaw nga yang, tinang hkum hpe shagrau ai wa kadai mung shagrit kau ai hkrum nna, tinang hkum hpe shagrit ai chyawm gaw shagrau ai hkrum na ra ai,” ngu mu ai.

LUKA 22:26

Rai ti mung, nanhte shada da gaw dai hku n mai rai ang ai. Nanhte hta kaba dik ai wa gaw, asak kaji dik ai wa zawn rai u ga; ningbaw tai ai wa gaw, shangun ma zawn rai u ga.

LUKA 9:48

“Ndai ma hpe nye a mying a majaw hkap la ai wa kadai mung, ngai e shangun dat ai wa hpe hkap la ai rai nga ai, dai rai nna, nanhte mahkra hta grau kaji ai wa gaw, grau kaba ai wa rai nga ai,” ngu mu ai.

YAWHAN 18:36

Yesu gaw, “Nye a mungdan ndai mungkan ga hte n seng li ai; nye a mungdan ndai mungkan ga hte seng ai rai yang gaw, ngai Yuda masha ni a lata de n shang hkra, nye a ali ama ni gasat na masai. Kaja wa nye a mungdan gaw ndai mungkan hte n seng li ai,” ngu nna htan wu ai.

ROMA 12:2

Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.

GALATI 5:13

Nanhte chyawm gaw hpu nau ni e, shanglawt ahkang lu la myit ga, nanhte hpe shaga la ai hkrum manit dai, rai ti mung dai shanglawt ahkang hpe jahpai nna hkum shan a ra marit ai lam tam na matu ginshan hkum shatai mu; shing rai na malai, nanhte gaw tsaw ra myit hte shada da daw jau hkat nga mu.