MARKU 10:41 - Jinghpaw Common Language Bible 2009

⁴¹ Ya kaga sape ni marai shi, dai lam shiga na mu yang, Yaku yan Yawhan hpe masin pawt da mu ai.

Jinghpaw Hanson Version Bible

⁴¹ Ya, kaga sape shi, dai ga hpe na mu yang, shanhte Yaku yan Yawhan hpe myit na kahtet mu ai.

MARKU 10:41 ပူးပေါင်းရင်းမြစ်များ

GA SHAGAWP 13:10

Myit tsaw myit dap ai lam gaw ru yak tsin-yam hta lai nna, hpa hpe mung shabyin ya lu ai n rai; hpaji jaw ya na matu hpyi lajin ai lam gaw hpaji grau rawng nga ai.

MAHTE 20:24

Ndai lam hpe kaga ngam ai sape marai shi na mu yang shanhte dai shan nau hpe yu pawt da mu ai.

MARKU 10:42

Dai majaw Yesu gaw shanhte yawng hte hpe shaga la nna, “Maigan amyu ni a up hkang ai ni ngu nna sawn la hkrum ai masha ni gaw, mung masha ni a ntsa e daru magam hte reng sha nga ma ai hte, dai ningbaw ningla ni gaw atik anang re ai ahkang aya hpe jai lang nga ma ai hpe nanhte chye nga myit dai,

LUKA 22:24

Sape ni gaw, shanhte hta na kadai wa mahtang kaba htum nga ai kun? nga nna shada da tsun shajang pru wa ma ai.

LUKA 22:25

Yesu gaw shanhte hpe, “Tara mai gan ni a hkawhkam ni gaw, mung masha ni a ntsa e atsam hte up hkang lu ma ai. Daru magam ahkang aya lu ai ni mung, tinang a hkum hpe, ‘Amyu masha ni a jinghku ni ngu nna hkungga shagrau nga ma ai.’

ROMA 12:10

Nanhte shada da tsaw ra ai hta langai hte langai shinggyim nau na myit majing rawng nga mu, hkungga lara ai hta shada da shagrau hkat nga mu.

HPILIPI 2:3

Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu.

YAKU 4:5

“Anhte hta Karai Kasang bang da ya ai wenyi gaw hkrithpa laja lana re ai ra marin ai myit hte hpring chyat nga ai,” nga nna dai Chyum Laika tsun ai ga hta teng man ai lam n rawng ai ngu nna nanhte myit nga myit ni?