MARKU 10:40 - Jinghpaw Common Language Bible 2009

⁴⁰ Rai ti mung nye a hkra maga hte pai maga de kadai dung lu na ngu nna lata san da na ahkang ngai n lu nngai. Dai gaw, Karai Kasang shi hkyen lajang da ya ai masha ni a matu she rai na rai nga ai,” ngu nna tsun mu ai.

Jinghpaw Hanson Version Bible

⁴⁰ rai timung, nye a hkra maga pai maga de dung nga lu na, ngai ahkang n jaw lu nngai; dai gaw, lajang da ya ai ni a matu mara sha, rai nga ai,” ngu nna shan hpe tsun mu ai.

MARKU 10:40 ပူးပေါင်းရင်းမြစ်များ

MAHTE 13:11

Yesu gaw, “Sumsing Lamu a Mungdan a makoi magap da ai sung htum ai lam ni hpe chye lu na ahkang nanhte hpe jaw da sai; rai ti mung kaga ni gaw dai ahkang n lu ma ai.

MAHTE 20:23

Bai Yesu gaw, “Nye a gawm hpe nanhte kaja wa lu na marin dai; rai ti mung, nye a hkra maga hte pai maga de kadai dung nga lu na ngu ai hpe gaw ngai lata la na ahkang n lu nngai: dai shara ni gaw nye a Wa lajang da ya ai ni a matu mara she rai nga ai,” ngu nna shanhte hpe tsun mu ai.

MAHTE 25:34

Shaloi dai Hkawhkam wa gaw, shi a hkra maga de nga ai ni hpe, ‘Nye a Wa kaw na shaman ya ai lu la ai ni e! Sa marit! Ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu.

YAWHAN 17:2

Hpa majaw nga yang, ngai nsha wa a lata de nang ap ya ai yawng mayawng hpe htani htana asak jaw n ga, nang gaw nsha wa hpe masha yawng mayawng a ntsa e up ai ahkang aya jaw ya nit dai.

YAWHAN 17:24

Wa e! Ginding aga garai n lat kaw nna nang ngai hpe tsaw ra nga ndai majaw, ngai e jaw ai nye a hpung shingkang hpe ngai e ap ya da ai masha ni mu lu mu ga, ngai nga ai shara hta shanhte hpe mung nga shangun mayu nngai.

KASA 1:7

Yesu gaw, “Wa gaw shi a ahkaw ahkang hte daw dan masat da ai aten ahkying ladaw hpe nanhte chye lu na ahkang n nga ai,” ngu nna tsun mu ai.

HEBRE 11:16

Ya chyawm gaw, dai hta grau ai sumsing lamu na buga mungdan hpe marit nga ma ai. Dai re ai majaw, Karai Kasang gaw shanhte a Karai Kasang re ai ngu na hpe kaya ma ai n rai, hpa majaw nga yang, Karai Kasang gaw shanhte a matu nga na shara langai mi lajang da ya manu ai.