MARKU 10:38 - Jinghpaw Common Language Bible 2009

³⁸ Yesu gaw, “Nan hpa hpyi nga ai hpe, nan n chye nga myit dai, Ngai lu lu na rai nga ai nni nkri ngu ai gawm hpe nan lu lu na rai nga myit ni? Ngai hkam la na rai nga ai hkalup hpe nan hkam la lu na myit ni?,” ngu nna shan hpe san mu ai.

Jinghpaw Hanson Version Bible

³⁸ Yesu mahtang, “Nan hpa hpyi nga ai hpe, nan n chye myit dai. Ngai lu nga ai gawm hpe, nan lu lu na rai nga myit ni? ngai hkam la na baptisma hpe mung, nan hkam la lu na rai nga myit ni?” ngu nna shan hpe tsun mu ai.

MARKU 10:38 ပူးပေါင်းရင်းမြစ်များ

1 HKAWHKAM 2:22

Hkawhkam wa gaw, “Abishaga hpe jaw sha na lam, nang hpa majaw ngai hpe san n ta? Dai gaw magam tingnyang shi hpe ap ya na matu san ai lam sha rai nga ai; chyahtum chyalai tsun ga nga yang, shi gaw ngai hpu wa nan rai nga ai; hkinjawng Abiahta hte Yoab yan gaw shi a maga de nga ai yan rai nga ma ai!,” ngu nna tsun wu ai.

SHAKAWN KUNGDAWN 75:8

Dai Madu gaw shi a masin kahtet ai ngu ai nsa ja ai sabyi ntsin hte hpring nga ai gawm hpe shi a lata hta lang da nga ai. Dai ntsin hpe shi ru dat ai hte tara n lang ai ni yawng hte gaw dai hpe lu nga ma ai; shanhte gaw kahte mi pyi n ngam mat hkra lu kau nga ma ai.

ESAIA 51:22

dai Madu na a Karai Kasang gaw nang hpe makawp maga ai hte, “Nye a masin kahtet ai majaw nang hpe jaw ai gawm hpe ngai la kau nga nngai. Nang gaw nang hpe ndi nda byin shangun ai sabyi ntsin hpe galoi mung lu ra sana n rai.

YEREMIA 25:15

Dai Madu Israela a Karai Kasang gaw ngai hpe, “Ndai sabyi gawm hta nye a pawt sindawng ai hte jahpring da u. Dai hpe ngai nang hpe shangun dat ai masha amyu baw ni yawng hpang de la sa nna, dai gawm kaw na shanhte hpe lu shangun u.

YEREMIA 45:5

Nang gaw na hkum a matu laklai ai lam hkan tam nga n ni? Hkum hkan tam nga et. Ngai gaw shinggyim masha ni yawng a ntsa e tsin-yam tsindam shapraw na we ai, rai ti mung, nang gaw nang sa wa ai shara shagu hta, na a asak gaw yawm dik lawt lu na rin dai. Dai Madu ngai nan tsun ni ai.”

MAHTE 26:39

Shaloi, dai yang na shi loi mi lai sa nhtawm, ga de myi man gum dagup let akyu hpyi wu ai gaw, “Wa e, ndai n ni n kri ngu ai gawm hpe ngai kaw na shalai kau lu yang gaw, shalai kau ya e! Rai ti mung nye a myit n rai, na a myit she rai u ga,” ngu nna tsun wu ai.

MAHTE 3:6

Shanhte gaw tinang a yubak mara ni hpe shapraw shadan yin la ma ai majaw, Yawhan gaw shanhte hpe Yawdan hka hta hkalup jaw mu ai.

MARKU 14:36

“Wa e, nye a Wa e! Nang gaw yawng mayawng hpe dang di lu nga ndai; ndai nni nkri ngu ai gawm hpe ngai kaw na shalai kau ya rit. Rai ti mung, Ngai ra ai hku n rai, na a myit ra ai hku she rai u ga,” ngu nna akyu hpyi wu ai.

LUKA 12:50

Ngai hkam la na hkalup langai mi naw nga ai; dai garai n hkam hkam gaw, ngai nachying myit nni nkri hkrum nga nngai.

LUKA 22:42

“Wa e, nang ra n yang gaw, ndai nni nkri ngu ai gawm hpe ngai kaw na shalai kau ya e; rai ti mung ngai ra ai hku n rai, nang ra ai hku she rai u ga,” ngu nna hpyi wu ai.

YAWHAN 18:11

Yesu gaw, “Na a nhtu dai hpe n ga hta shawn bang kau u! Nye Wa ngai hpe jaw ai nni nkri ngu ai gawm hpe ngai n lu na re ngu nna nang myit da wu ni?,” ngu nna Petru hpe tsun wu ai.

ROMA 8:26

Dai hte maren dai Wenyi mung anhte a gawng kya ai lam hpe karum ya na matu du sa ai; hpa majaw nga yang anhte gara hku kaning ngu akyu hpyi mai na lam n chye ga ai; dai Wenyi nan anhte a n-gup aga hte n hkawn n tsun lu ai kraw kata e madai nga ai hte anhte a matu hpyi htinglu ya mi ai.

YAKU 4:3

Nanhte hpyi myit dai shaloi, nanhte n lu la myit dai; hpa majaw nga yang nanhte a kraw na maw mawn ai myit mahtang n kaja nga malit dai hte nanhte gaw nanhte pyaw daw lam hta jai lang na matu she hpyi nga myit dai.