MARKU 10:37 - Jinghpaw Common Language Bible 2009

³⁷ Shan gaw, “Nang hpung shingkang hte na a mungdan tingnyang hta dung nna up nga lu ai shaloi, na a hkra maga de langai mi, pai maga de langai mi dung nga lu na ahkang jaw mi,” ngu nna shi hpe tsun mu ai.

Jinghpaw Hanson Version Bible

³⁷ Shan gaw, “Na a hpung shingkang hta e, na a hkra maga de langai mi, pai maga de langai mi, dung nga lu na ahkang an hpe jaw mi,” ngu nna shi hpe tsun mu ai.

MARKU 10:37 ပူးပေါင်းရင်းမြစ်များ

1 HKAWHKAM 22:19

Mihkaia gaw ning ngu nna matut tsun wu ai: “Dai Madu hpa tsun ai ga hpe ya madat u! Dai Madu gaw sumsing lamu na shi a tingnyang hta dung nga nna, shi a lamu kasa ni yawng mung shi a makau e tsap nga ma ai hpe ngai mu nngai.

SHAKAWN KUNGDAWN 110:1

Dai Madu gaw, “Na a gumlau hpyen ni hpe na a lagaw kabye lahkum ngai shatai kau ai aten du hkra, ndai nye a hkra maga de, dung nga u,” nga nna nye a Madu hkawhkam wa hpe tsun nga ai.

SHAKAWN KUNGDAWN 45:9

Na a hkawhkam htingnu na shayi sha ni hta hkawhkam ni a shayi sha ni mung lawm nga ma ai; na a tingnyang a hkra maga de, htoi kabrim ai ja hte mawn sumli da nga ai hkawhkam jan tsap nga ai.

MAHTE 19:28

Yesu gaw, “Ngai nanhte hpe teng teng tsun made ga, Mungkan Ga Ningnan bai shangai ai ban prat e, dai Masha Kasha gaw shi a hpung shingkang a tingnyang hta dung nga ai shaloi nanhte nye a sape ni shi lahkawng mung, tingnyang shi lahkawng hta dung lawm nna, Israela amyu shi lahkawng hpe up nga lu na marin dai.

MAHTE 25:31

“Dai Masha Kasha gaw lamu kasa ni nlang hte rau Hkawhkam hku nna du sa wa ai shaloi shi a hpung shingkang a tingnyang ntsa e dung nga nna,

MARKU 10:36

Yesu gaw, “Ngai nan a matu hpa galaw ya na ra nga myit ta?,” ngu nna shan hpe san mu ai.

MARKU 16:19

Shing rai Madu gaw, shanhte hpe ga tsun da ai hpang, sumsing lamu de shalun la ai hkrum nna, Karai Kasang a hkra maga de dung nga ai.

MARKU 8:38

Masha langai mi gaw, ndai Karai kata nna tara n nga, n hkru n kaja ai prat aten hta e, ngai hte ngai sharin shaga ai mungga hpe kaya nga a yang gaw, dai Masha Kasha gaw shi a Kawa a hpung shingkang dagraw nna chyoi pra ai lamu kasa ni hte nawng du sa wa yang, dai wa hpe kaya kau na ru ai,” ngu nna shanhte hpe tsun mu ai.

LUKA 24:26

Meshia gaw shi a hpung shingkang hta garai n shang ningngai yang, shing re ai nni nkri hpe hkam ra ai n rai ni?,” ngu nna tsun mu ai.

1 PETRU 1:11

Dai hkye hkrang la ai hte seng ai chyeju gaw gara aten aprat hta gara lai hku nna du sa na ra ai lam hpe tam shakut ma ai. Shanhte hta shanu nga ai Hkristu a Wenyi gaw dai aten hta Hkristu hkam na rai nga ai nni nkri lam hpe mung, shing rai hkam ngut ai hpang hkam la na rai nga ai hpung shingkang hpe mung tau hkrau nna madun dan da nga sai.