MARKU 10:32 - Jinghpaw Common Language Bible 2009

³² Ya Yesu hte shi a sape ni gaw Yerusalem mare de lung wa ai lam e rai nga ma ai. Yesu gaw sape ni a shawng e sa wa nga ai; sape ni mahtang hkrit kahpra bu nga ma ai; hpang e hkan nang ai masha ni mung hkrit nga ma ai. Kalang mi bai sape shi lahkawng hte hpe kaga hkran di shaga la nhtawm, shi hta byin magang ra ai lam ni, shanhte hpe tsun dan mu ai.

Jinghpaw Hanson Version Bible

³² Shaloi, Yerusalem de lung wa na, shanhte lam e rai masai rai nna, Yesu gaw shanhte a shawng e sa wa nga ai: shanhte mahtang mau mat ma ai: hkan nang nga ai ni mung, hkrit kahpra nga ma ai. Dai shaloi, sape shi lahkawng hte hpe, shi bai shaga la nhtawm, shi hta byin magang ra ai amu a lam, shanhte hpe tsun mu ai gaw,

MARKU 10:32 ပူးပေါင်းရင်းမြစ်များ

ZEHKARIA 3:8

Dai rai nna Hkinjawng Kaba rai nga ai Yawshu e, madat u, shi a hkinjawng manang ni e, nanhte gaw htawm hpang du na ra ai aten a matu mai kaja ai a kumla rai nga myit dai; ngai gaw nye a shangun ma rai nga ai Lakung ngu shaga hkrum ai wa hpe madun dan na nngai!

MAHTE 11:25

Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

MAHTE 13:11

Yesu gaw, “Sumsing Lamu a Mungdan a makoi magap da ai sung htum ai lam ni hpe chye lu na ahkang nanhte hpe jaw da sai; rai ti mung kaga ni gaw dai ahkang n lu ma ai.

MARKU 1:27

Masha ni yawng mung mau mahka mat nna, “Ndai gaw hpa rai nga a ta? Sharin shaga ai lam ningnan lama mi rai nga a ni? Ndai masha wa hta n seng ai nat ni hpe hkang da ai lam ni jaw na daru magam ahkang aya nga nga ai rai nna, shanhte shi hpe madat mara nga ma ai,” nga nna shada da tsun ma ai.

MARKU 4:34

Ga shadawn hte n rai yang gaw shi shanhte hpe hpa mung n tsun dan yu ai rai ti mung shi a sape ni hte rau shanhte hkrai rai nga ai ten hta, lam shagu shanhte hpe lachyum hpyan dan mu ai.

LUKA 10:23

Dai hpang, Yesu gaw, sape ni hpang de kayin let, shanhte hpe hkrai tsun wu ai gaw, “Nanhte ya mu lu ai teng man ai lam ni hte, shi a mungdan hpe mu lu ai myi ni gaw a nga malit dai.

LUKA 19:28

Dai lam hpe tsun ngut jang, shanhte a shawng e Yerusalem mare de lung wa ai.

LUKA 9:51

Ya Yesu hpe lamu de shalun la na nhtoi du wa magang yang, Yerusalem mare de sa wa na matu myit daw dan da wu ai.

YAWHAN 11:16

Dai rai nna (Marun ngu ai) Htawma gaw, “Anhte yawng mung Sara hte rau si hkam na matu hkan nang saga,” ngu nna shi a sape manang ni hpe tsun mu ai.

YAWHAN 11:8

Sape ni gaw, “Sara e, lai wa sai gade garai n na yang sha dai yang na masha ni nang hpe nlung hte kabai sat na tam nga ma yang me, dai de bai naw wa na hkyen nga n ni?,” ngu mu ai.