MARKU 10:27 - Jinghpaw Common Language Bible 2009

²⁷ Yesu gaw shanhte hpe azi yu nna, “Dai amu gaw masha n dang di lu ti mung, Karai Kasang gaw dang di lu nga ai, Karai Kasang gaw yawng mayawng hpe dang di lu nga ai,” ngu wu ai.

Jinghpaw Hanson Version Bible

²⁷ Yesu mahtang shanhte hpe mada yu nna, “Dai amu gaw masha n dang di lu timung, Karai Kasang gaw, n dang di lu ai n nga ai; kaning rai nme law, Karai Kasang gaw yawng mayawng hpe dang di lu ai.”

MARKU 10:27 ပူးပေါင်းရင်းမြစ်များ

2 HKAWHKAM 3:18

Elisha gaw matut nna, “Rai ti mung dai chyawm gaw dai Madu galaw na matu aloi sha re ai amu rai nga ai; Moba masha ni hpe dang kau na awng padang shi nanhte hpe mung jaw na ra ai.

2 HKAWHKAM 7:2

Hkawhkam wa a kasa wa gaw Elisha hpe, “Dai Madu shi nan nsi hpe kalang lata jahkrat jaw tim pyi, dai amu gaw byin lu na n rai nga ai!,” ngu nna tsun wu ai. Elisha gaw, “Dai lam byin wa na ra ai lam hpe nang mu na rai ndai; rai ti mung dai lusha hpe nang loi mi mung sha lu na ndai n rai,” ngu nna tsun htang wu ai.

YOBA 42:2

Madu e, nang gaw daru magam n-gun yawng hte hpring ai wa rai nna; nang ra ai lam magup hpe nang galaw lu nga ndai gaw ngai chye nngai.

YEREMIA 32:17

“Tsaw Htum ai Madu e, nang gaw na a daru magam n-gun hte lahpum hpe shada nna ginding aga hte sumsing lamu hpe hpan da nit dai; na a matu hpa mung grai yak la nga ai n rai.

YEREMIA 32:27

“Ngai gaw shinggyim masha yawng a Madu a Karai Kasang rai nga nngai. Nye a matu chyawm gaw hpa mung grai yak nga li ai n rai.

ZEHKARIA 8:6

“Dai gaw ya naw ngam nga ai masha amyu baw a matu n mai byin ai zawn rai nga ti mung nye a matu chyawm gaw mai byin nga ai.

MAHTE 19:26

Yesu shanhte hpe azi mada yu nna, “Masha a atsam hte kadai wa hpe mung hkye hkrang la na matu dang di lu ai n rai; Karai Kasang mahtang gaw yawng mayawng hpe dang di lu nga ai,” ngu wu ai.

MARKU 10:26

Dai lam a majaw sape ni gaw mau mak mat ma ai rai nna, “Shaloi gaw kadai wa mi hkye hkrang la ai hkrum lu na rai ta?,” ngu nna shada da san hkat nga ma ai.

LUKA 1:37

Kaning rai nme law, Karai Kasang n galaw lu ai lam hpa mung n nga ai,” ngu nna htan wu ai.

LUKA 18:27

Yesu gaw, “Masha n dang di lu ai lam ni hpe Karai Kasang dang di nga ai,” ngu nna htan mu ai.

HPILIPI 3:21

Shi gaw arai yawng mayawng hte hpe shi a npu e tawn da lu ai hpung shingkang daru magam atsam hte anhte a si chye ai hkum hkrang ni hpe galai kau nna shi a hpung shingkang rawng ai hkum hkrang hte bung hkra galai shachyaw ya na ra ai.

HEBRE 11:19

Isak hpe si ai kaw na Karai Kasang hkrung sharawt la lu na re ai ngu nna Abraham myit sawn wu ai hte maren, kaja wa Abraham gaw Isak hpe si ai kaw na bai lu la wu ai.

HEBRE 7:25

Dai rai nna shi gaw shi hpe manoi kam hpa let Karai Kasang kaw sit shang wa ai ni hpe galoi mung hkye mawai la na atsam rawng nga ai; hpa majaw nga yang, shi gaw shanhte a matu Karai Kasang kaw hpyi nem ya na, tut nawng e ahkrung nga ai.