MARKU 10:2 - Jinghpaw Common Language Bible 2009

² Shaloi Hparishe nkau mi Yesu kaw sa du nna, shi hpe mara rim lu hkra hpaji daw ai hku nna, “Anhte a tara hta, masha langai mi tinang a madu jan hpe jahka kau na ahkang jaw da a ni?, anhte hpe tsun dan mi,” nga nna shanhte san ma ai.

Jinghpaw Hanson Version Bible

² Shaloi Hparishe ni sa du nna, shi hpe dinglik yu let, “Masha gaw tinang a madu jan hpe shabawn kau na, mai nga a ni?” ngu nna shi hpe san mu ai.

MARKU 10:2 ပူးပေါင်းရင်းမြစ်များ

MALAHKI 2:16

Dai Madu Israela a Karai Kasang gaw, “Ngai gaw num jahka ai hpe n dawng nngai. Nanhte hta na langai ngai tinang a madu jan hpe dai zawn n hkru ai amu galaw ai shaloi, dai hpe ngai n dawng nga nngai. Na a madu jan hta sadi dung nga na ngu nna, jaw ai na a ga sadi hpe nang teng teng hkum run kau et,” ngu nna hkang da wu ai.

MAHTE 15:12

Shaloi shi a sape ni shi kaw sit sa nna, “Ya tsun ai ga Hparishe ni na jang, shanhte myit na machyi ma ai hpe nang chye nga n ni?,” ngu nna shi hpe san mu ai.

MAHTE 16:1

Shaloi, Hparishe ni hte Saduke ni Yesu kaw sa du nna, shi hpe chyam dinglik yu let, Karai Kasang kaw na shangun dat ai wa re n re ai lam chye lu na matu lamik kumla madun dan mi ga, hpyi ma ai.

MAHTE 19:3

Hparishe nkau mi Yesu kaw sa du nna shi hpe mara rim na matu mahkam hkam ai hku maw let, “Hpa mara a majaw mi rai rai, masha langai mi tinang a madu jan hpe jahka kau na anhte a tara hta ahkang jaw da nga a ni?,” ngu nna san yu mu ai.

MAHTE 22:35

Shanhte hta na tara sara langai mi shi hpe ga san langai mi san ai hte mara tam lu hkra chyam yu na nga,

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

MAHTE 9:34

Rai ti mung Hparishe ni gaw, “Ndai gaw nat ni a agyi wa shi hpe n-gun atsam jaw ai majaw, nat ni hpe shaden kau lu nu ai,” nga ma ai.

MARKU 10:1

Dai hpang Yesu gaw dai shara na pru mat wa nna, Yuda mung de sa mat wa nhtawm, Yawdan hka hpe rap wu ai. Shawa masha wunawng wuwa shi hpang de sa hpawng nga ma ai rai nna galoi mung shi galaw nga ai hte maren shanhte hpe sharin shaga ya mu ai.

MARKU 10:3

Yesu gaw, “Mawshe nanhte hpe kaning nga nna hkang da a ta?,” ngu nna ga san hte htan mu ai.

MARKU 8:11

Hparishe nkau mi Yesu kaw sa nna shi hte ndang kalang hkat hpang ma ai. Shanhte shi hpe chyam yu mayu da mu ai rai nna, Karai Kasang gaw Yesu hta teng teng amu galaw nga ai lam sakse madun na matu lamu de na lamik kumla langai mi galaw dan na shanhte shi kaw hpyi ma ai.

MARKU 8:15

Yesu gaw shanhte hpe, “Nanhte gaw Hparishe ni a matsi hte Herod a matsi hpe sadi let koi gam nga mu,” ngu nna sadi jaw mu ai.

LUKA 11:39

Dai rai nna, Madu gaw, “Nanhte Hparishe ni gaw, nanhte a gawm hte ban hpe shinggan maga de sha kashin jasan nga myit dai, rai ti mung, nanhte a kata maga de gaw, kashun kashe re ai, nammak lawhpa mya lu mya sha ai myit, n hkru n shawp ai myit hte hpring chyat nga malit dai.

LUKA 16:14

Dai mahkra hpe Hparishe ni na ma yang, Yesu hpe asawng asang ngu mu ai, hpa majaw nga yang, shanhte gumhpraw marin ai ni rai nga ma ai.

LUKA 5:30

Hparishe nkau mi hte shanhte a hpung hta lawm ai tara sara nkau mi gaw, Yesu a sape ni hpe, “Nanhte hpa rai kang hta ai ni hte kaga yubak kap ai masha ni hte rau, lusha nga myit ta?,” ngu nna san mu ai.

LUKA 6:7

Tara sara nkau mi hte Hparishe nkau mi gaw, Madu hpe mara shagun lu hkra lam tam mayu ai majaw, Bansa Nhtoi hta dai wa hpe shamai ya na ra ai kun? nga nna shi hpe gyam yu nga ma ai.

LUKA 7:30

Rai ti mung, Hparishe ni hte Tara Sara ni chyawm gaw, shanhte a matu Karai Kasang a shatawng shada ai lam hpe n hkap la ma ai hta n-ga, Yawhan a lata hta hkalup n hkam la ma ai.

YAWHAN 11:47

Dai rai nna Hparishe ni hte hkinjawng agyi ni gaw, Yuda Tara hte seng ai kongsi hpawng shaga jahpawng nhtawm, “Ndai wa madun dan nga ai mauhpa lamik kumla nlang hte hpe mada yu mu! Anhte gaw hpa majaw hpa mung n di ai nga nga na rai ta?

YAWHAN 11:57

Dai shaloi e Hkinjawng Agyi ni hte Hparishe ni gaw Yesu hpe rim la lu hkra, “Kadai rai ti mung shi nga ai shara chye yang gaw tsun shana madun lu na,” nga nna hkang da ma ai.

YAWHAN 7:32

Ndai Yesu a lam hpe shawa masha ni tsun garu nga ma ai hpe Hparishe ni na ma yang, hkinjawng agyi ni hte Hparishe ni gaw shi hpe rim la na matu hpyen la nkau mi hpe shangun dat ma ai.

YAWHAN 7:48

Anhte a ningbaw ningla ni hte Hparishe ni hta na langai mi dai wa hpe kam sham na kadai nga ma ni?

YAWHAN 8:6

Shanhte shing nga san ai gaw, shi hta mara shagun na lam mu lu hkra, shi hpe chyam dinglik yu ai rai nga ai. Rai ti mung Yesu gaw, ga de gum nna ga hta layung hte ka mahkret let nga nga ai.

1 KORINHTU 10:9

Shanhte nkau mi dai Madu hpe chyam dinglik nna lapu e kawa sat kau ai hkrum ma ai zawn, anhte mung Madu hpe chyam dinglik lu na n rai.