MARKU 10:1 - Jinghpaw Common Language Bible 2009

¹ Dai hpang Yesu gaw dai shara na pru mat wa nna, Yuda mung de sa mat wa nhtawm, Yawdan hka hpe rap wu ai. Shawa masha wunawng wuwa shi hpang de sa hpawng nga ma ai rai nna galoi mung shi galaw nga ai hte maren shanhte hpe sharin shaga ya mu ai.

Jinghpaw Hanson Version Bible

¹ Dai kaw na shi rawt pru nna, Yuda mung ga jarit hte Yawdan hka wora hkran de du sa ai rai nna, masha wunawng wuwa shi hpang de bai sa hpawng ma ai majaw, shi htung nga ai hte maren, shanhte hpe bai sharin shaga ya mu ai.

MARKU 10:1 ပူးပေါင်းရင်းမြစ်များ

HPAJI NINGLI 12:9

Rai ti mung, Sumru Ninghkrin wa hpaji rawng nga ai majaw shi chye ai lam, mung masha ni hpe sharin achyin ya nga ai. Shi gaw ga shagawp ga ni hpe sawk yu nna teng man ai lam hpe ding man ai hku sawk manaw hpajang da nu ai.

YEREMIA 32:33

Shanhte gaw ngai hpe shingdu dat kau ma ai; ngai gaw shanhte hpe matut nna sharin achyin nga ti mung, shanhte n madat n mara ai hte sharin n hkam la nga ma ai.

MAHTE 26:55

Dai hpang Yesu gaw shawa masha ni hpe, “Damya hpe rim la ai zawn, ngai hpe rim la na, nanhte nhtu, dawhkrawng hte pru sa wa marin ni? Ngai shani shagu Nawku Htingnu hta e dung nna sharin shaga nga ai ten hta, nanhte ngai hpe n rim la manit dai.

MAHTE 4:23

Yesu gaw Galile mung ting hta kawan hkawm let, tara jawng ni hta sharin shaga nga nna, dai Mungdan a lam Kabu Gara Shiga ni hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MARKU 1:21

Yesu hte shi a sape ni Kaperna-um mare de sa du ma ai rai nna, hpang shani Bansa Nhtoi e Yesu gaw tara jawng de shang nna sharin shaga nga ai.

MARKU 10:2

Shaloi Hparishe nkau mi Yesu kaw sa du nna, shi hpe mara rim lu hkra hpaji daw ai hku nna, “Anhte a tara hta, masha langai mi tinang a madu jan hpe jahka kau na ahkang jaw da a ni?, anhte hpe tsun dan mi,” nga nna shanhte san ma ai.

MARKU 12:35

Yesu gaw Nawku Htingnu nhku kata e sharin shaga nga yang, shi shanhte hpe ga san san mu ai gaw, “Meshia gaw Dawi a aru arat kashu kasha rai na ra ai, nga nna Tara Sara ni hpa rai tsun lu nga ma ta?

MARKU 14:49

Shani shagu nanhte hte rau Nawku Htingnu e sharin shaga let nga nga yang, nanhte ngai hpe n rim la manit dai. Rai ti mung Chyum Laika ni hta ka da nga ai hte maren chyawm gaw dik wa lu na rai nga ai,” ngu nna tsun mu ai.

MARKU 2:13

Yesu gaw Galile nawng makau de bai pru sa mat wa ai. Shawa masha ni shi hpang de du sa ma ai rai nna shi shanhte hpe sharin shaga hpang mu ai.

MARKU 4:2

Shi gaw ga shadawn ni hpe lang nna lam law law hpe ning ngu nna sharin shaga mu ai:

MARKU 6:2

Bansa Nhtoi hta tara jawng e shi sharin shaga hpang nga ai. Dai yang e masha law law wa nga nga ma ai rai nna, shi a sharin shaga ai lam hpe na lu ai ni yawng mau mahka mat ma ai. Ndai wa gaw, “Dai hpaji atsam hpe kanang na lu la wu ai kun? Shi lu ai hpaji machye machyang gaw hpa baw hpaji rai nga a ta? Shi gaw lamik kumla ni hpe gara hku galaw lu ai kun?

MARKU 6:34

Yesu li kaw na pru lung wa yang, masha wunawng kaba hpe shi mu mada wu ai shaloi shanhte gaw sagu rem ai wa n lawm ai sagu ni zawn rai nga ma ai majaw shi a myit masin hta shanhte hpe matsan dum ai myit hte hpring nga lu ai; dai rai nna shi shanhte hpe lam law law sharin shaga hpang wu ai.

MARKU 6:6

Dai masha ni hta makam masham n nga ai majaw, shi grai mau nga ai. Dai hpang, grup yin hkan na kahtawng ni hta e, shi kawan hkawm nna, masha ni hpe sharin shaga nga ai.

YAWHAN 10:40

Yesu gaw Yawdan hka wora hkran na shawng de Yawhan hkalup jaw ai shara de bai rap sa wa nna, dai yang e, sa nga nga ai.

YAWHAN 11:7

Dai hpang shi gaw, “Anhte Yuda mung de bai sa saga,” nga nna sape ni hpe tsun mu ai.

YAWHAN 18:20

Yesu gaw, “Ngai galoi mung masha yawng mayawng a man e, dan dan leng leng hkaw tsun ni ai, Yuda masha ni nlang zuphpawng ai tara jawng ni hta mung, Nawku Htingnu hta mung, ngai sharin shaga ni ai. Makoi magap nna ngai hpa mung n hkaw n tsun nngai.