MARKU 1:7 - Jinghpaw Common Language Bible 2009

⁷ Shi gaw shawa masha ni hpe, “Nye a hpang e du sa na ra ai wa gaw, ngai hta grau kaba ai wa rai nga ai. Shi a kyepdin sumri ni hpe gum raw ya na pyi ngai n ging n dan nngai.

Jinghpaw Hanson Version Bible

⁷ Shaloi shi gaw, “Ngai hta n-gun grau rawng ai wa gaw, nye a hpang e du na ra ai: shi a kyepdin sumri hpe ngai gum raw na pyi ging nga nngai n rai.

MARKU 1:7 ပူးပေါင်းရင်းမြစ်များ

MAHTE 3:11

Nanhte myit malai lu sai lam madun na matu ngai nanhte hpe hka hta hkalup jaw made ai, rai ti mung, nye a hpang e du sa na ra ai wa gaw nanhte hpe Chyoi Pra ai Wenyi hta mung, wan hte mung hkalup jaw na myit dai. Shi gaw ngai hta grau galu kaba nga ai rai nna, shi a kyepdin gun na pyi ngai n ging n dan nngai.

MAHTE 3:14

Rai ti mung Yawhan gaw, Yesu a myit ai lam galai kau ya na matu, “Ngai mahtang she nang kaw nna hkalup hkam la na ra nga nngai, nang mahtang ngai kaw du sa rin ni?,” ngu nna shi hpe hkap ndang let tsun wu ai.

MARKU 1:6

Yawhan gaw gawla-uk mun hte da ai hpun palawng bu hpun nna, shi a nshang e shanhpyi shingkyit kyit nga ai, shi a lusha gaw dinggam-yaw hte nam na lagat ntsin rai nga lu ai.

MARKU 1:8

Ngai gaw nanhte hpe hka hta hkalup jaw made ai, rai ti mung shi gaw nanhte hpe Chyoi Pra ai Wenyi hta hkalup jaw na marin dai,” ngu nna hkaw tsun mu ai.

LUKA 3:16

Shing rai Yawhan gaw, “Ngai gaw nanhte hpe hka hte hkalup jaw made ai; rai ti mung, ngai hta atsam grau rawng ai wa gaw sa wa ra ai; shi a kyepdin sumri raw na pyi ngai n ging nngai. Shi gaw Chyoi Pra ai Wenyi hta mung, wan hta mung, nanhte hpe hkalup jaw na ra ai.

YAWHAN 1:27

Dai wa gaw nye a hpang e du sa ai wa rai nga ai; shi a kyepdin sumri hpe raw ya na pyi ngai n ging nngai,” ngu nna shanhte hpe htan mu ai.

KASA 13:25

Yawhan gaw shi galaw gunhpai ra ai magam amu ngut kre na aten ni wa ai shaloi Yawhan gaw shawa masha ni hpe, ‘Ngai kadai re ai nawn nga myit ta? Ngai gaw nanhte myit mada ala nga ai wa n rai nngai. Rai ti mung, madat mu! Shi gaw nye a hpang e du sa wa ra ai, dai wa a kyepdin sumri raw na pyi ngai n ging nngai.’

KASA 19:4

Shaloi Pawlu gaw, “Yawhan a hkalup lam gaw yubak mara kaw na myit malai lu ai ni a matu jaw ai she rai nna, shi a hpang e sa ai Yesu ngu ai wa hpe mahtang kam sham ra ai,” ngu nna Israela masha ni hpe tsun mu ai.

1 SAMUELA 25:41

Abigala gaw ga de dingnyawm dagup nhtawm, “Ngai gaw nye a madu a shangun ma ni a lagaw kashin na daram sha re ai shangun ma langai mi she rai nga nngai,” ngu nna tsun wu ai.