MARKU 1:6 - Jinghpaw Common Language Bible 2009

⁶ Yawhan gaw gawla-uk mun hte da ai hpun palawng bu hpun nna, shi a nshang e shanhpyi shingkyit kyit nga ai, shi a lusha gaw dinggam-yaw hte nam na lagat ntsin rai nga lu ai.

Jinghpaw Hanson Version Bible

⁶ Yawhan chyawm gaw, gawla-uk mun hte da ai hpun palawng hpe bu hpun nna, shi nshang e shanhpyi shingkyit kyit nga ai: dinggam-yaw hte nam na lagat jahku hpe shi lu sha nga ai.

MARKU 1:6 ပူးပေါင်းရင်းမြစ်များ

2 HKAWHKAM 1:8

Shanhte gaw, “Dai wa gaw yam nga ahpyi hte galaw ai palawng galu hpe hpun nhtawm shanhpyi shingkyit langai kyit da nga ai,” ngu nna htan mu ai. Shaloi hkawhkam wa gaw, “Dai gaw Elia n rai a hka!,” ngu nna tsun wu ai.

JAW JAU 11:22

Nanhte gaw dinggam-yaw, kadawn, kagrit kadawn ni hpe sha mai nga myit dai.

ZEHKARIA 13:4

Dai aten du jang, myihtoi kadai mung shi a shingran hta gumrawng lu na n rai; myihtoi langai zawn galaw lu na n rai, amyu masha ni hpe masu hkalem na nga, myihtoi hpun palawng hpun lu na n rai.

MAHTE 3:4

Dai Yawhan gaw, gawla-uk mun hte da ai nba hpe bu hpun nna shanhpyi shingkyit hpe nshang e kyit da nga ai. Shi a lusha gaw, dinggam-yaw hte nam na lagat ntsin rai nga lu ai.

MARKU 1:5

Yawhan hkaw tsun ai ga hpe madat la na matu Yerusalem mare hte Yuda mung hkan na masha ni law law pru sa wa ma ai. Shanhte gaw tinang a yubak mara ni hpe yin la ma ai rai nna, shi shanhte hpe Yawdan hka hta hkalup jaw mu ai.

MARKU 1:7

Shi gaw shawa masha ni hpe, “Nye a hpang e du sa na ra ai wa gaw, ngai hta grau kaba ai wa rai nga ai. Shi a kyepdin sumri ni hpe gum raw ya na pyi ngai n ging n dan nngai.