MARKU 1:5 - Jinghpaw Common Language Bible 2009

⁵ Yawhan hkaw tsun ai ga hpe madat la na matu Yerusalem mare hte Yuda mung hkan na masha ni law law pru sa wa ma ai. Shanhte gaw tinang a yubak mara ni hpe yin la ma ai rai nna, shi shanhte hpe Yawdan hka hta hkalup jaw mu ai.

Jinghpaw Hanson Version Bible

⁵ Dai rai nna, Yuda mung ting na ni hte, Yerusalem hkan na nlang hte gaw, shi hpang de pru sa wa nna, tinang a yubak hpe shapraw dan let, shi a lata hte Yawdan hka hta e baptisma hkam la ma ai.

MARKU 1:5 ပူးပေါင်းရင်းမြစ်များ

SHAKAWN KUNGDAWN 32:5

Shing rai, ngai gaw nye a yubak ni hpe nang kaw yin la ni ai; nye a shut hpyit ai mara ni hpe mung ngai makoi magap da nngai n rai. Dai lam ni hpe nang kaw mara yin la na ngai daw dan ni ai; nye a yubak yawng hte hpe nang dat kau ya nit dai.

GA SHAGAWP 28:13

Na a yubak mara ni hpe ip da na, nang shakut ai rai yang, asak hkrun lam hta, nang galoi mung awng dang na n rai; mara hpe yin la nna tawn kau jang, Karai Kasang nang hpe matsan dum ai myit madun dan na ra ai.

MAHTE 4:25

Shing rai, Galile mung hte Dekapoli mung, Yerusalem mare hte Yawdan hka wora hkran na masha wunawng wuwa kaba shi kaw hkan nang ma ai.

MARKU 1:4

Shing rai nam mali e Yawhan paw pru nna, hkalup jaw ai hte hkaw tsun nga ai. Shi gaw, “Nanhte a yubak mara ni kaw na kayin wa nna hkalup hkam la mu, shing rai yang Karai Kasang gaw nanhte a yubak mara ni hpe raw dat kau ya na ra ai,” ngu nna masha ni hpe tsun mu ai.

MARKU 1:6

Yawhan gaw gawla-uk mun hte da ai hpun palawng bu hpun nna, shi a nshang e shanhpyi shingkyit kyit nga ai, shi a lusha gaw dinggam-yaw hte nam na lagat ntsin rai nga lu ai.

YAWHAN 1:28

Ndai lam ni yawng gaw Yawhan hkalup jaw nga ai Yawdan hka a sinpraw hkran na Behtani kahtawng e byin ai rai nga ai.

YAWHAN 3:23

Yawhan mung Salim hte nau wa n tsan ai Enun ngu ai shara e hka n taw ntsang nga nga ai majaw, dai yang e hkalup jaw let nga nga ai. Masha ni mung Yawhan kaw sa nna hkalup hkam la shajang ma ai.

YAWHAN 5:35

Yawhan gaw pyengdin langai mi zawn tu grung ai hte htoi nga ai rai nna, nanhte gaw shi a nhtoi hta tawng marang mi kabu pyaw nga mayu myit dai.

KASA 19:18

Kam sham sai ni hta na law law mung sa nna tinang galaw shut ai lam ni hpe tawngban tsun dan ma ai.

KASA 2:38

Petru gaw shanhte hpe, “Nanhte langai hte langai tinang a yubak mara kaw na myit malai lu kayin wa nna nanhte a yubak raw dat kau ya u ga, nanhte hkum shagu Yesu Hkristu a mying nsang hta hkalup hkam la mu; shaloi Chyoi Pra ai Wenyi ngu ai Karai Kasang a kumhpaw kumhpa hpe nanhte lu la na marin dai.

YAKU 5:16

Nanhte shamai shatsai ai hkrum myit ga, nanhte a yubak mara ni hpe shada da shapraw dan nna, shada da a matu mara akyu hpyi ya nga mu. Ding hpring ai wa a akyu hpyi ai ga gaw shabyin lu ai atsam law law rawng nga ai.

YAWSHU 7:19

Yawshu gaw shi hpe, “Ngai sha e, dai Madu Israela a Karai Kasang a man, ndai yang e, teng man ai ga tsun nna mara yin la u. Nang kaning rai galaw kau nit dai lam, ya ngai hpe tsun dan e, ngai hpe dai lam ip da na hkum shakut et,” ngu nna tsun wu ai.