MARKU 1:43 - Jinghpaw Common Language Bible 2009

⁴³ Dai hpang Yesu gaw dai wa hpe aja awa tsun htet nhtawm kalang ta tin tin wa kau shangun wu ai.

Jinghpaw Hanson Version Bible

⁴³ Shaloi shi gaw, De a lam, kadai hpe mung, ga hkaw mi pyi nang n tsun n ga, sadi nga u: pru wa nna, hkinjawng wa hpe na a hkum madun dan nhtawm, shanhte a matu sakse tai u ga, nang san pra ai a matu, Mawshe tawn da ai hte maren, hkungga wa nawng ya u,

MARKU 1:43 ပူးပေါင်းရင်းမြစ်များ

MAHTE 9:30

Shaloi shan a myi hpaw wa malu ai. Yesu chyawm gaw, “Kadai mung ndai hpe n chye lu mu ga sadi nga mu,” ngu nna shan hpe aja awa ginhtim da mu ai.

MARKU 1:42

Shaloi jang, dai wa hta kap ai manggang ana mai tsai mat nna shi asan apra rai mat ai.

MARKU 1:44

Shi hpe shing nga tsun ngut ai hpang, shi gaw, “Madat u, ndai byin ai lam kadai hpe mung hkum tsun dan et, rai ti mung hkinjawng wa kaw nang ading tawk wa nhtawm, na a hkum hpe jep yu shangun u. Dai hpang, nang mai tsai san pra mat sai lam masha law law a man e sakse tai na matu Mawshe htet da ai hte maren hkungga wa nawng u,” ngu nna htet matsun dat wu ai.

MARKU 3:12

Yesu gaw, shi kadai rai nga ai ngu ai hpe kadai e mung n tsun shabrawng u ga, n seng ai nat ni hpe shi aja awa hkang da mu ai.

MARKU 5:43

Rai ti mung Yesu gaw, dai lam kadai hpe mung n tsun mu ga, aja awa ginhtim hkang da mu ai; dai hta kaga, “Ma hpe shahpa lama ma jaw mu,” nga nna shi htet da mu ai.

MARKU 7:36

Dai hpang Yesu gaw, dai lam kadai hpe mung n tsun dan mu ga, masha ni hpe ginhtim da mu ai. Rai ti mung, je ginhtim magang je tsun hkai dan shajang ma ai.

LUKA 8:56

Dai ma a kanu yan kawa chyawm gaw, mau mahka mat ma ai. Rai ti mung, dai byin ai lam kadai hpe mung n tsun dan u ga, shi shanhte hpe ginhtim da mu ai.