MARKU 1:4 - Jinghpaw Common Language Bible 2009

⁴ Shing rai nam mali e Yawhan paw pru nna, hkalup jaw ai hte hkaw tsun nga ai. Shi gaw, “Nanhte a yubak mara ni kaw na kayin wa nna hkalup hkam la mu, shing rai yang Karai Kasang gaw nanhte a yubak mara ni hpe raw dat kau ya na ra ai,” ngu nna masha ni hpe tsun mu ai.

Jinghpaw Hanson Version Bible

⁴ myihtoi Esaia laika hta ka da nga ai hte maren, yubak raw dat kau na matu, myit malai baptisma hkaw dan ai hte, nam mali hkan e baptisma jaw ai Yawhan gaw, paw pru ra ai.

MARKU 1:4 ပူးပေါင်းရင်းမြစ်များ

MAHTE 3:11

Nanhte myit malai lu sai lam madun na matu ngai nanhte hpe hka hta hkalup jaw made ai, rai ti mung, nye a hpang e du sa na ra ai wa gaw nanhte hpe Chyoi Pra ai Wenyi hta mung, wan hte mung hkalup jaw na myit dai. Shi gaw ngai hta grau galu kaba nga ai rai nna, shi a kyepdin gun na pyi ngai n ging n dan nngai.

MAHTE 3:6

Shanhte gaw tinang a yubak mara ni hpe shapraw shadan yin la ma ai majaw, Yawhan gaw shanhte hpe Yawdan hka hta hkalup jaw mu ai.

MARKU 1:5

Yawhan hkaw tsun ai ga hpe madat la na matu Yerusalem mare hte Yuda mung hkan na masha ni law law pru sa wa ma ai. Shanhte gaw tinang a yubak mara ni hpe yin la ma ai rai nna, shi shanhte hpe Yawdan hka hta hkalup jaw mu ai.

LUKA 1:77

Nang gaw shi a amyu masha ni hpang de sa nna shanhte a mara ni hpe dat kau ya nna hkye hkrang la na ra ai lam tsun dan na rai ndai.

YAWHAN 3:23

Yawhan mung Salim hte nau wa n tsan ai Enun ngu ai shara e hka n taw ntsang nga nga ai majaw, dai yang e hkalup jaw let nga nga ai. Masha ni mung Yawhan kaw sa nna hkalup hkam la shajang ma ai.

KASA 10:37

Yawhan shi a hkalup hkam ai tara hpe hkaw tsun dan ai hpang kaw nna Galile mung kaw npawt hpang nhtawm Israela mungdan ting hta kajai gara byin lai wa sai lam kaba hpe mung nanhte chye nga myit dai.

KASA 22:16

Dai majaw, ya nang hpa rai nna naw ganung nga n ta? Rawt u, Madu a mying nsang gang nna hkalup hkam la u, Na a yubak kashin kau ya u ga, shi kaw akyu hpyi nem nga u,’ nga nna ngai hpe tsun ni ai.