MARKU 1:39 - Jinghpaw Common Language Bible 2009

³⁹ Shing rai shi gaw Galile mung ting kawan hkawm nna tara jawng ni hta hkaw tsun dan let nat ni hpe shaden kau mu ai.

Jinghpaw Hanson Version Bible

³⁹ Shaloi, Galile mung ting na shanhte a tara jawng ni hta e, shi sa hkaw dan nna, nat ni hpe shaden kau mu ai.

MARKU 1:39 ပူးပေါင်းရင်းမြစ်များ

MAHTE 4:23

Yesu gaw Galile mung ting hta kawan hkawm let, tara jawng ni hta sharin shaga nga nna, dai Mungdan a lam Kabu Gara Shiga ni hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MAHTE 9:35

Dai hpang Yesu gaw, mare kahtawng shagu hkan e kawan hkawm nna, shanhte a tara jawng ni hta sharin shaga ya ai hte sumsing lamu Mungdan a Kabu Gara Shiga hpe hkaw dan let, ana ahkya amyu myu hte, machyi makaw amyu myu hpe shamai shatsai ya mu ai.

MARKU 1:21

Yesu hte shi a sape ni Kaperna-um mare de sa du ma ai rai nna, hpang shani Bansa Nhtoi e Yesu gaw tara jawng de shang nna sharin shaga nga ai.

MARKU 1:23

Shaloi jang n san n seng ai nat kap ai masha langai mi tara jawng de shang wa ai.

MARKU 1:38

Rai ti mung Yesu gaw, “Ndai grup yin kaga mare kahtawng ni hta e ngai naw hkaw tsun ra nga ai majaw anhte sa wa saga: hpa majaw nga yang de a matu she ngai sa du ring ngai,” ngu mu ai.

MARKU 3:1

Dai hpang Yesu gaw tara jawng de kalang mi bai shang wa ai rai nna, dai yang e lata maga mi katsing si ai masha langai mi nga ai.

MARKU 6:6

Dai masha ni hta makam masham n nga ai majaw, shi grai mau nga ai. Dai hpang, grup yin hkan na kahtawng ni hta e, shi kawan hkawm nna, masha ni hpe sharin shaga nga ai.

MARKU 7:30

Shi nta de bai wa ai rai nna, dai ma gaw shi kaw na nat kaja wa pru mat sai majaw yup ku ntsa asim sha kaleng taw nga ai hpe mu wu ai.

LUKA 4:41

Nat ni mung, “Nang gaw Karai Kasang a Kasha rai nga ndai,” nga nna jahtau let masha law law kaw na pru mat wa ma ai. Shi Meshia rai nga ai hpe shanhte chye ma ai majaw, ga n tsun shangun lu hkra, Nat ni hpe Yesu jet kau mu ai.