MARKU 1:34 - Jinghpaw Common Language Bible 2009

³⁴ Yesu gaw ana ahkya amyu myu hte machyi ai masha law law hpe shamai ya nna, nat law law hpe mung shaden kau mu ai. Shi kadai rai nga ai hpe shanhte chye nga ma ai majaw, shi shanhte hpe ga tsun na ahkang n jaw mu ai.

Jinghpaw Hanson Version Bible

³⁴ Shing rai ana ahkya amyu myu hte machyi ai masha law law hpe shi shamai shatsai ya nna, nat law law hpe mung, shaden kau mu ai; shi gaw Hkristu rai nga ai hpe, nat ni chye nga ma ai majaw, shi shanhte hpe ga tsun na ahkang n jaw mu ai.

MARKU 1:34 ပူးပေါင်းရင်းမြစ်များ

MAHTE 4:23

Yesu gaw Galile mung ting hta kawan hkawm let, tara jawng ni hta sharin shaga nga nna, dai Mungdan a lam Kabu Gara Shiga ni hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MARKU 1:25

Shaloi Yesu gaw, “Atsin sha nga u, shi kaw na pru mat wa u!,” ngu nna shi hpe daru kau wu ai.

MARKU 3:12

Yesu gaw, shi kadai rai nga ai ngu ai hpe kadai e mung n tsun shabrawng u ga, n seng ai nat ni hpe shi aja awa hkang da mu ai.

LUKA 4:41

Nat ni mung, “Nang gaw Karai Kasang a Kasha rai nga ndai,” nga nna jahtau let masha law law kaw na pru mat wa ma ai. Shi Meshia rai nga ai hpe shanhte chye ma ai majaw, ga n tsun shangun lu hkra, Nat ni hpe Yesu jet kau mu ai.