MARKU 1:31 - Jinghpaw Common Language Bible 2009

³¹ Shaloi shi sit sa nna, shi a lata hte jum let machyi ai jan hpe sharawt wu ai. Shing rai shi hta hkum kahtet ai kawp mat nna, shi shanhte hpe galaw daw mu ai.

Jinghpaw Hanson Version Bible

³¹ Shaloi shi sit wa nna, shi a lata jum let shi hpe sharawt wu ai. Dai hkali mung kawp mat nna, shi shanhte hpe galaw daw mu ai.

MARKU 1:31 ပူးပေါင်းရင်းမြစ်များ

SHAKAWN KUNGDAWN 116:12

Dai Madu ngai hpe jaw ya ai chyeju nlang hte hpe, hpa baw hte wa daw jau lu na rai nga a ta?

MAHTE 27:55

Galile mung kaw nna Yesu kaw hkan nang wa ai hte shi hpe galaw daw ai numsha ni law law mung, dai shara e nga nga ma ai rai nna, tsan tsan kaw nna ayu nga ma ai.

MARKU 1:30

Simun a kani hkum kahtet nna yup ra e machyi taw nga ai. Yesu du sa wa ai hte rau dai lam shi hpe tsun dan mu ai.

MARKU 1:32

Ya, jan shang wa ai hpang shana ahkying du jang, masha ni gaw machyi makaw hkrum ai ni hte nat kap ai masha ni yawng hte hpe Yesu kaw woi sa ma ai.

MARKU 15:41

Shanhte gaw shi Galile mung e naw nga yang, shi kaw hkan nang nna galaw daw ai ni rai nga ma ai. Yerusalem mare de shi hte rau lung wa ai numsha kaga ni law law mung dai yang e nga nga ma ai.

MARKU 5:41

Dai ma a lata hpe shi jum da nna, “Talitha, koum,” ngu wu ai. (De a lachyum gaw, “Mahkawn ma e rawt u, ngu nna ngai tsun de ai,” nga ai re.)

KASA 9:41

Petru mung lata ladawn nna gang sharawt la wu ai. Dai hpang gaida jan ni hte kam sham ai hpung masha ni yawng hpe shaga la nna asak bai hkrung wa ai Dorka hpe ap ya mu ai.