MARKU 1:27 - Jinghpaw Common Language Bible 2009

²⁷ Masha ni yawng mung mau mahka mat nna, “Ndai gaw hpa rai nga a ta? Sharin shaga ai lam ningnan lama mi rai nga a ni? Ndai masha wa hta n seng ai nat ni hpe hkang da ai lam ni jaw na daru magam ahkang aya nga nga ai rai nna, shanhte shi hpe madat mara nga ma ai,” nga nna shada da tsun ma ai.

Jinghpaw Hanson Version Bible

²⁷ Nlang hte gaw mau mahka nga nna, Ndai gaw, hpa rai nga a ta? ningnan sharin shaga ai lam rai i? daru magam ahkang hte n seng ai nat ni hpe pyi shi htet da nna, shanhte madat mara nga ma ai, nga nna shada da tsun hkat ma ai.

MARKU 1:27 ပူးပေါင်းရင်းမြစ်များ

MAHTE 15:31

Dai rai nna, n chye shaga ai ni shaga lu ma ai, hkum hkrang hten ai ni mai tsai wa lu ma ai, lagaw hten ai ni hkawm sa lu ma ai hte, myi kyaw ai ni myi mu lu ma ai hpe, shawa masha ni mu ma yang shanhte mau mahka nga ma ai rai nna, Israela Karai Kasang hpe shakawn kungdawn shajang ma ai.

MAHTE 8:9

Ngai mung du kaba ni a ahkang aya npu na masha langai mi rai nga nngai. Nye lawu de mung hpyen ma ni nga ma ai rai nna, marai langai mi hpe, ‘Sa su’ ngu yang, shi sa wa ai; kaga wa hpe ‘Wa rit’ ngu yang shi wa ai; nye a mayam wa hpe mung, ‘Ndai galaw u’ ngu yang shi galaw nga ai,” ngu nna htan wu ai.

MAHTE 9:33

Rai ti mung, dai nat hpe shaden kau ai shaloi jang n chye shaga ai wa gaw shaga lu ai. Masha shagu mung mau nga ma ai hte, “Israela amyu hta ndai zawn re ai, galoi mung n mu yu ga ai!,” nga ma ai.

MARKU 1:26

N seng ai nat gaw dai masha hpe aja wa bu lashan shangun nna, nsen kaba hte kyek jahtau let shi kaw na pru mat wa ai.

MARKU 1:28

Shaloi jang Yesu a lam shiga ni gaw Galile mung shara shagu hkan e chyam bra mat wa ai.

MARKU 10:24

Sape ni mahtang dai ga ni a majaw mau kajawng nga ma ai, rai ti mung Yesu matut nna shanhte hpe tsun mu ai gaw, “Ngai sha ni e, Karai Kasang a mungdan hta shang na gade wa yak la nga a hka!

MARKU 10:32

Ya Yesu hte shi a sape ni gaw Yerusalem mare de lung wa ai lam e rai nga ma ai. Yesu gaw sape ni a shawng e sa wa nga ai; sape ni mahtang hkrit kahpra bu nga ma ai; hpang e hkan nang ai masha ni mung hkrit nga ma ai. Kalang mi bai sape shi lahkawng hte hpe kaga hkran di shaga la nhtawm, shi hta byin magang ra ai lam ni, shanhte hpe tsun dan mu ai.

MARKU 16:5

Dai rai nna, shanhte lup kata de shang yu mu yang, dai kaw hpraw tu ai nba lawai nna hkra maga de dung nga ai shabrang langai mi hpe shanhte mu ma ai. Dai shaloi shanhte hkrit kajawng mat ma ai.

MARKU 16:6

Shi gaw, “Hkum hkrit kajawng myit, wudang hta jen da sai Nazaret wa Yesu hpe nanhte tam nga myit dai hpe ngai chye nga nngai. Shi nang e n nga sai, shi gaw si ai kaw na hkrung rawt wa sai! Yu mu, ndai kaw shanhte shi hpe bang da ma ai.

MARKU 7:37

Dai byin ai lam hpe na lu ai masha yawng mayawng gaw nachying wa mau mahka mat ma ai rai nna, “Shi gaw lam yawng mayawng hte hpe mai kaja ai hku galaw lu nga ai! Na lahpang ai ni hpe na lu shangun nna, n chye shaga ai ni hpe ga tsun shangun lu ai!,” nga nna tsun shajang ma ai.

LUKA 4:36

Dai majaw masha yawng gaw mau mahka nga ma ai rai nna, “Ndai ga gaw kaning nga ai ga re ai i? Daru magam ahkang hte mung, n-gun atsam hte mung, n san n seng ai nat ni hpe hkang dat yang shanhte pru mat wa ma ai,” nga nna shanhte shada da tsun hkat ma ai.

LUKA 9:1

Yesu gaw sape shi lahkawng hte hpe shaga la nhtawm, nat ni yawng hpe shaden kau lu na hte ana ahkya ni hpe shamai ya lu na atsam hte ahkaw ahkang shanhte hpe jaw mu ai.

KASA 17:19

Shing rai shanhte gaw Pawlu hpe Aripagu ngu ai mare kongsi de woi sa nhtawm, “Nang tsun nga ai masa lam ningnan a lam anhte chye mayu ga ai.