MARKU 1:24 - Jinghpaw Common Language Bible 2009

²⁴ Dai wa gaw, “Nazaret wa Yesu e, anhte nang hte hpa seng ga ta? Anhte hpe jahten kau na matu nang sa du n ni? Nang kadai re ai hpe ngai chye nga nngai, nang gaw Karai Kasang a Chyoi Pra ai Wa rai nga ndai!,” nga nna marawn jahtau ai.

Jinghpaw Hanson Version Bible

²⁴ shi jahtau nna, Nazaret wa Yesu e, anhte nang hte hpa seng ga ta? anhte hpe jahten na nang sa du nni? nang kadai re ai ngai chye nga nngai; Karai Kasang a Chyoi pra ai wa nang rai nga ndai, ngu wu ai.

MARKU 1:24 ပူးပေါင်းရင်းမြစ်များ

PRU MAT 14:12

Ndai zawn byin wa na ra ai ngu, anhte garai n pru wa ai aten kaw na nang hpe tsun yu saga ai n rai ni? Anhte hpe chyu sha tawn da nhtawm Egutu mung masha ni kaw matut nna mayam tai nga na lam mung anhte nang hpe nan tsun saga ai. Ndai nam mali e si mat na hta Egutu mung e mayam tai nga na gaw grau nna mai kaja nga ai,” ngu nna tsun ma ai.

Daniela 9:24

“Sanit shi sanit lang ngu ai gaw yubak hte n hkru ai amu kaw nna na a amyu masha ni hte na a chyoi pra ai mare lawt wa na matu Karai Kasang masat da ya ai aten galu rai nga ai. Yubak dat kau ai hkrum nna prat dingsa teng man rap ra ai tara grin ngang nga na ra ai; shaloi shingran hte myihtoi ga teng teng byin wa ai hte chyoi pra ai Nawku Htingnu hpe bai ap nawng da na ra ai.

MAHTE 2:23

Nazaret ngu ai mare hta dum nta hte rai anga nga ai. Dai rai nna, “Shi hpe Nazaret wa ngu na maru ai,” nga nna myihtoi ni tsun ai ga gaw dik wa sai.

MAHTE 8:29

Shaloi jang shan gaw, “Karai Kasang a Kasha e, an nang hte hpa seng nga ga ta? Aten garai n du yang, an hpe ari jaw na nang sa du rin ni?,” ngu nna jahtau tsun mu ai.

MARKU 1:23

Shaloi jang n san n seng ai nat kap ai masha langai mi tara jawng de shang wa ai.

MARKU 1:25

Shaloi Yesu gaw, “Atsin sha nga u, shi kaw na pru mat wa u!,” ngu nna shi hpe daru kau wu ai.

MARKU 10:47

Shi gaw Nazaret wa Yesu nga nga ai hpe na wu yang, “Dawi a Kasha Yesu e! Ngai hpe matsan dum la e law,” ngu nna hpyi jahtau wu ai.

MARKU 14:67

Dai numsha gaw wan kra nga ai Petru hpe mu wu yang, shi hpe azi yu da nna, “Nang mung, Yesu ngu ai Nazaret masha hte rau nga ga ndai,” ngu wu ai.

MARKU 16:6

Shi gaw, “Hkum hkrit kajawng myit, wudang hta jen da sai Nazaret wa Yesu hpe nanhte tam nga myit dai hpe ngai chye nga nngai. Shi nang e n nga sai, shi gaw si ai kaw na hkrung rawt wa sai! Yu mu, ndai kaw shanhte shi hpe bang da ma ai.

MARKU 5:7

“Tsaw htum ai Karai Kasang a Kasha Yesu e! Nang ngai hpe hpa di mayu n ta? Nang ngai hpe n zingri n ga, Karai Kasang a marang e nang hpe ngai hpyi nem, nngai law!,” ngu nna nsen kaba hte jahtau wu ai.

LUKA 1:35

Dai lamu kasa gaw, “Chyoi Pra ai Wenyi na a ntsa e du nna, Karai Kasang a atsam nang hpe shingnip ka-up na ra ai; dai re ai majaw, shangai wa na ra ai wa hpe Karai Kasang a Kasha ngu nna shamying ai hkam la na ra ai.

LUKA 24:19

Shi gaw, “Hpa lam ni rai ta?,” ngu nna bai san mu yang, shan gaw, “Nazaret mare na Yesu a lam rai nga ai; Ndai wa gaw myihtoi langai mi rai nna, Karai Kasang a man e mung, masha yawng a man e mung shi tsun ai hte galaw ai lam shagu hta n gun atsam rawng ai wa rai nga ai ngu nna myit sawn da hkrum ai wa rai nga ai.

LUKA 4:34

“Ah! Nazaret wa Yesu e, anhte nang hte hpa seng ga ta? Anhte hpe jahten kau na matu ndai kaw nang sa du nga n ni? Nang kadai re ai ngai chye nga nngai, nang gaw Karai Kasang a chyoi pra ai wa rai nga ndai,” nga ai.

LUKA 8:28

Dai wa gaw Yesu hpe mu jang, jahtau nna shi a man e dingnyawm dagup let, “Tsaw Htum ai Karai Kasang a Kasha Yesu e, nang ngai hte hpa daw nga a ta? Nang ngai hpe n zingri n ga, ngai nang hpe hpyi nem nga nngai,” ngu nna marawn tsun wu ai.

LUKA 8:37

Shaloi, buga ginwang hkan na masha ni yawng gaw, hkrit kaba hte hkrit ma ai majaw shanhte kaw na pru mat wa na matu Yesu hpe jawm hpyi nem ma ai. Dai rai nna Yesu gaw li de shang nhtawm, dai shara na pru mat wa ai.

YAWHAN 6:69

Nang gaw Karai Kasang kaw na du sa ai chyoi pra ai Wa rai nga ndai hpe anhte kam sham ai hte chye lu saga ai,” ngu nna shi hpe htan wu ai.

KASA 2:27

Hpa majaw nga yang nang ngai hpe Katsan ga e kabai kau da ndai n rai; na a kangka ai shangun ma wa hpe, lup sung hku hta yat tsam mat shangun na ndai n rai.

KASA 24:5

Ndai wa gaw, grai hkrit tsang ra ai dingbai dingna jaw ai wa, mungkan ting na Yuda masha ni kabring kabrawng woi galaw ai wa re ai hta n ga, Nazaret wa a hpung hta lawm ai ningbaw ningla langai mi mung rai nga ai.

KASA 3:14

Shi gaw Chyoi Pra ai hte Mai Kaja ai Wa rai nga ai rai ti mung nanhte gaw shi hpe ndang kau nna masha sat ai wa langai mi hpe mahtang nanhte ra sharawng ai hku dat dat ya na Pilat kaw hpyi myit dai.

KASA 4:27

Dai hte maren kaja wa teng teng Herod yan Pontu Pilat gaw maigan masha ni, Israela amyu masha ni hte rau Madu a Chyoi pra ai shangun ma rai nga ai, nang Meshia shatai sai Yesu hpe tai ninghkap na matu ndai mare e jawm hpawng nga ma ai.

YAKU 2:19

Karai Kasang langai sha nga ai hpe nang kam n ni? Rai sa, mai kaja nga ai! Nat ni mung kam sham nga nna hkrit gari nga ma ai.

1 YAWHAN 2:20

Rai ti mung Yesu Hkristu gaw nanhte a ntsa e dai Chyoi Pra ai Wenyi ru jaw bun ya ai hkrum manit dai rai nna, nanhte yawng mayawng gaw, dai tengman ai hpe chye lu myit dai.

SHINGRAN 3:7

“Bai, Hpiladehpi mare na hpung a lamu kasa hpe ning ngu ka dat u: “Ndai gaw, Chyoi pra ai hte tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa kaw na mungga rai nga ai.