MARKU 1:20 - Jinghpaw Common Language Bible 2009

²⁰ Yesu gaw shan hpe mu mada ai hte rau shan hpe shaga mu ai rai nna, nchyang ni hte rau li hta rawng nga ai shan a kawa Zebedi hpe kau da nna Yesu kaw hkan nang ma ai.

Jinghpaw Hanson Version Bible

²⁰ Shaloi jang, shi shan hpe shaga mu ai: dai rai nna shan gaw, shan a kawa Zebedi hpe, nchyang ni hte rau, dai li hta e jahti da nna shi kaw hkan nang ma ai.

MARKU 1:20 ပူးပေါင်းရင်းမြစ်များ

1 HKAWHKAM 19:20

Dai hpang Elisha gaw shi a utang ni hpe kau da nhtawm Elia hpang de hkan kagat nang let, “Nye nu yan wa hpe pup nhtawm shakram da na we ai. Dai hpang nang kaw hkan nang na nngai,” ngu nna tsun wu ai. Elia mung, “Mai sa, nhtang wa su. Ngai nang hpe hkum da na we ai n rai!,” ngu nna htan wu ai.

MAHTE 10:37

Kadai mung ngai hpe tsaw ra ai hta, kanu kawa hpe grau tsaw ra ai wa gaw, nye a sape tai na matu n ging n dan nga ai; ngai hpe tsaw ra ai hta, shayi shadang sha hpe grau tsaw ra ai wa mung, nye a sape tai na n ging n dan nga ai.

MARKU 1:19

Bai, shi loi mi shawng de hkawm sa wa yang Zebedi a kasha Yaku yan Yawhan hkan nau lahkawng hpe mu wu ai. Shanhte gaw dai li hta e, shanhte a sumgawn ni hpe kapa nna lajang shajin nga ma ai.

MARKU 1:21

Yesu hte shi a sape ni Kaperna-um mare de sa du ma ai rai nna, hpang shani Bansa Nhtoi e Yesu gaw tara jawng de shang nna sharin shaga nga ai.

MARKU 10:29

Yesu gaw, “Rai nga ai, nanhte hpe ngai teng teng tsun made ga, nye a matu mara hte dai Kabu Gara Shiga a matu mara; dum nta, kahpu kana, kanu kawa kashu kasha, yi sun hkauna ni hpe kau da ai wa kadai rai ti mung,

LUKA 14:26

“Ngai hpang de sa ai wa kadai rai ti mung, tinang a kanu kawa, tinang a madu jan kasha ni hte tinang hkum nan hpe tsaw ra ai hta ngai hpe grau tsaw ra ai wa sha n rai yang gaw, nye a sape n tai lu ai.

LUKA 5:11

Dai ni hpe danam e jahkring tawn da nhtawm, shanhte gaw, arai mahkra kau da nna, Yesu kaw hkan nang ma ai.

2 KORINHTU 5:16

Dai re ai majaw, anhte gaw ya kaw nna kadai hpe mung masha a madang ni hpe hkan nna daw dan ai lam n galaw saga ai. Shawng daw de Hkristu hpe masha madang hku hkan nna sawn daw dan ai lam galaw lai wa saga ai, rai ti mung ya dai hku n galaw saga ai.

TARA JAHPRANG 33:9

Shanhte gaw tinang a kanu kawa, kahpu kanau hte kashu kasha ni hta grau nna, Nang hta sadi dung ai lam madun dan nga ma ai. Na a hkang da ai ga ni hpe shanhte madat mara nna, na a ga shaka hta sadi dung nga masai.