MALAHKI 4:4 - Jinghpaw Common Language Bible 2009

⁴ “Israela amyu masha ni yawng hkan sa madat mara na matu, Sina Bum e nye a shangun ma Mawshe hpe ngai jaw ya sai shi a sharin achyin ga, jep ai tara hte hkang da ai ga ni hpe adum nga u.

Jinghpaw Hanson Version Bible

⁴ Israela amyu ting a matu, Horeb bum e, nye a shangun ma Mawshe hpe, ngai hkang da ai jep ai tara, matsun maroi ga hte tara dara ai ga ni hpe, adum nga mu.

MALAHKI 4:4 ပူးပေါင်းရင်းမြစ်များ

ESAIA 42:21

Dai Madu gaw hkye la na matu sharawng awng ai Karai Kasang rai nga ai, dai rai nna, shi gaw shi a tara ni hte sharin shaga lam ni hpe shagrau da nga ai, shi gaw shanhte hpe shagrau sha-a na matu shi a amyu masha ni hpe ra nga ai.

ESAIA 8:20

Nanhte gaw shanhte hpe, “Dai Madu nanhte hpe kaning nga sharin nga ai hpe madat mu! Nat myihtoi ni tsun ai ga hpe hkum madat myit, shanhte nanhte hpe tsun ai ga gaw ru yak tsin-yam hpe yeng seng kau ya lu ai n rai,” ngu nna htan na myit dai.

YEREMIA 6:16

Dai Madu gaw shi a amyu masha ni hpe, “Lam numshe hkan e tsap nga nna yu yu mu. Lam dingsa ni hte kaja htum ai lam hpe san mu; shing rai dai lam hta hkawm sa mu, shaloi nang gaw myit masin sim sa ai hte nga lu na rai ndai,” ngu nna tsun ni ai. Rai ti mung, shanhte gaw, “N rai law, anhte n hkan na ga ai!,” ngu nna tsun ma ai.

ROMA 3:31

Dai rai yang gaw, kam sham ai hte anhte gaw dai jep ai Tara hpe yeng seng kabai kau sagaw ni? N rai law! Anhte dai tara hpe shangang shagrin ga ai.

TARA JAHPRANG 4:23

Dai Madu nanhte a Karai Kasang nanhte hte tawn da ai ga shaka hpe n malap kau myit ga, sadi nga mu; shi hkang da sai ga hpe hkan sa madat mara nhtawm nanhte a matu kaning re ai hpara sumla ni hpe mung hkum tawk myit;

TARA JAHPRANG 5:2

Dai Madu anhte a Karai Kasang gaw Sina Bum e, anhte a kawa ni hte sha n rai;

TARA JAHPRANG 8:11

“Dai ni ngai nanhte hpe jaw ya ai shi a hkang da ai tara hpa hpe mung n hkan kau nna, dai Madu nanhte a Karai Kasang hpe malap kau ai kaw n du myit ga, sadi nga mu.

TARA JAHPRANG 8:19

Dai Madu nanhte a Karai Kasang hpe galoi mung hkum malap kau myit; kaga karai ni hpe nawku daw jau na dai de galoi mung hkum kayin mat myit. Nanhte rai nna hkan nang myit yang chyawm gaw teng teng shamyit kau ai hkrum na rai myit dai ngu nna, dai ni ngai nanhte hpe sadi jaw nga nngai.