MALAHKI 4:1 - Jinghpaw Common Language Bible 2009

¹ Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

Jinghpaw Hanson Version Bible

¹ Kaning rai nme law, dai nhtoi du ra ai; dai gaw wan htung zawn grung kahtet nga ai: gumrawng gumtawng ai ni hte, tara n lang ai amu galaw ai ni yawng, yi hku ndu tai na mara ai: du ra ai nhtoi gaw, npawt ndung n ngam hkra, shanhte hpe hkru kau na ra ai, nga nna Zaw nawng zaw wa up ai Yehowa tsun ai.

MALAHKI 4:1 ပူးပေါင်းရင်းမြစ်များ

YOBA 18:16

Shanhte a aru hte lakung lakying ni nyui mat nna hkraw mat na ra ai.

SHAKAWN KUNGDAWN 119:119

N hkru n hkra re ai ni yawng hte hpe maza mala hpe zawn, nang kabai kau nga ndai; ngai chyawm gaw na a sharin matsun ai ga ni hpe tsaw ra nga nngai.

SHAKAWN KUNGDAWN 37:9

Dai Madu hta kam hpa nga ai ni gaw lamu ga hpe madu lu na mara ai; rai ti mung, tara n lang ai ni chyawm gaw gawt shapraw kau ai hkrum na mara ai.

PRU MAT 15:7

Hpung shingkang hte hpring ai padang ninglaw hte na a gumlau hpyen ni hpe jahten kau nna na a pawt sindawng ai gaw kahtet pru wa ai hte yihku zawn shanhte hpe hkru kau mu ai.

ESAIA 40:24

Shanhte gaw gat hkai nna ru garai n jung ai aten na hkai bawng ni zawn rai ma ai. Dai Madu gaw nbung hpe dat dat ai shaloi, dai ni hkraw mat ai hte yihku zawn shapoi kau ai hkrum nga ma ai.

ESAIA 41:2

“Sinpraw mung kaw na awng padang lu ai wa hpe kadai sharawt tawn nna, shi du hkawm ai shara shagu hta shi hpe awng padang kadai jaw ya nga a ta? Hkawhkam ni hte masha amyu baw ni a ntsa e awng dang na ahkang shi hpe kadai jaw a ta? Shi a nhtu shanhte hpe ga nhpu hpe zawn kahtam kau nga ai. Shi a ndan pala ni gaw nbung bungsha hta yihku poi lawm ai zawn shanhte hpe shabra kau na ra ai.

ESAIA 47:14

“Shanhte gaw yihku ahkyep alep ni zawn tai mat na mara ai, wan gaw shanhte hpe hkru kau na ra ai! Shanhte gaw tinang a hkum ni hpe pyi hkye la lu na ma ai n rai, wan shinglet ni shanhte a matu nau kahtet na ra ai, shanhte a hkum hpe shalum na matu lum lum re ai wan pyi nga na n rai.

ESAIA 5:24

Dai majaw, Chyahtum Chyalai N-gun rawng ai dai Madu Israela a chyoi pra ai Karai Kasang gaw anhte hpe sharin da ya mi ai hpe nang ningdang kau nga ndai majaw yihku hte tsingdu jahkraw ni nyip mat nna wan hta hkru mat ai zawn na a ru ni tsam mat nna na a nampan pu ni hkraw nyui mat ai hte poi mat wa na ra ai.

ESAIA 9:18

Amyu masha ni a tara n lang ai amu gaw ju sumwum hte ju hpun ni hpe hkru kau ai wan hte bung nga ai. Dai gaw wan hkut shadaw shalun dat ai maling htinggram wan zawn jahkru kau nga ai.

ESAIA 9:19

Chyahtum Chyalai N-gun rawng ai dai Madu gaw pawt sindawng nga ai majaw, shi jaw ai ari gaw mungdan ting hkru mat wa ai wan zawn hkru nga nna, amyu masha ni hpe jahten kau nga ai, masha ni gaw shanhte a kahpu kanau ni hpe ngam da na n rai.

EZEKELA 20:38

Nanhte a lapran na gumlau ai ni hte yubak galaw ai ni hpe ngai tsan kau na nngai. Ngai gaw dai ni hpe shanhte shanu nga ai mungdan kaw nna shapraw kau na nngai, rai ti mung dai ni hpe Israela mungdan de ngai bai nhtang wa shangun na n rai. Shaloi nanhte gaw ngai nan dai Madu rai nga nngai ai hpe chye na mara ai.

EZEKELA 21:32

Nang gaw wan hte jahten shabyak kau hkrum na rin dai. Na a asai gaw mungdan hta nan jahkaw kau hkrum na rin dai; kadai mung nang hpe htawm hpang e dum na mara ai n rai.’” Dai Madu tsun nu ai.

EZEKELA 24:11

Ya chyawm gaw, Magri mang di kaman hpe wan n-ga ntsa e dun nna kahtet hkyeng shangun u. Dai hpang kap nga ai nhkan hkru mat ai hpang, nhkan kap ai yawng n hkru mat ti mung,

EZEKELA 34:17

“Dai rai nna, nye a sagu hpung e, ngai gaw nanhte langai hte langai hpe tara jeyang nna kaja ai hte n kaja ai hpe karan ginhka la nna sagu ni hpe bainam ni kaw na karan la na ngu nna Tsaw Htum ai dai Madu ngai nan nanhte hpe tsun nngai.

EZEKELA 7:10

Tsin-yam tsindam nhtoi gaw du ra ai. Kashun kashe du daw sai hkaw amu gaw prut gumjawm lung wa nga ai. Gumrawng gumtawng ai mung tsaw dik sai.

YOELA 2:1

Karai Kasang a chyoi pra ai kawng, Ziun hta e, pahtau dum mu; shadum ai nsen shapraw mu. Yuda amyu masha ni e, hkrit gari nga mu! Dai Madu a nhtoi gaw kade n na yang du wa na ra ai.

YOELA 2:31

Galu kaba re ai hte hkrit mai ai dai Madu a Nhtoi garai n du yang, ajan gaw nsin sin mat wa nna shata gaw sai zawn hkyeng mat na ra ai.

AMO LAIKA (AMOS) 2:9

“Ti mung, nye a amyu masha ni e, arit hpun daram tsaw nna wamyi hpun zawn n-gun ja ai Amori la wa-ngan ni hpe na a majaw ngai tsep kawp jahten shaza kau ni ai.

OBEDIA 1:18

Yaku hte Yosep a amyu masha ni gaw wan zawn rai wa nna; shanhte gaw Esaw a masha ni hpe yihku wan shachyi ai zawn jahkru kau na mara ai. Esaw a amyu matu ni kadai mung ngam nga na ra ai n rai. Dai Madu ngai nan ga tsun ni ai.

NAHUM 1:10

Tsa chyaru nang ai ni gaw gindun hkri ai ju hpun hte yihku jahkraw hpe zawn nat kau hkrum na mara ai!

ZEHPANI 1:14

Dai Madu a galu kaba ai nhtoi gaw ni wa ra ai; dai gaw grai ni wa ai hte grai lawan du wa nga ai! Dai shani gaw ahkup ahka nga na ra ai, dai sharung shayawt ai nhtoi shani e, share shagan ai hpyenla ni pyi myit htum ai hte marawn jahtau wa na mara ai!

ZEHPANI 1:18

Shi a sindawng kahtet ai hpe madun ai shani hta, shanhte a ja gumhpraw mahkra hte pyi shanhte hpe hkye la lu na n rai. Shi a masin kahtet ai wan hte mungkan ga ting hpe jahten kau na ra ai. Mungkan ga ntsa e nga ai masha hkum shagu a matu, akajawng sha re ai jahtum nhtoi shabyin dat na ra ai.

ZEHKARIA 14:1

Dai Madu shi a tara tingnyang hta dung na ra ai aten gaw ni wa nga sai. Shaloi Yerusalem gaw lanep kashun la hkrum na ra ai; dai lanep ni nanhte a man e karan la na mara ai.

MALAHKI 3:15

Dai hpe anhte mu ai hte maren nga yang, gumrawng gumtawng ai ni gaw kabu gara ai ni rai ma ai. N hkru ai ni gaw ngamu ngamai wa ai sha n-ga, shanhte a n hkru ai arawn alai ni hte Karai Kasang a hkam sharang ai hpe shanhte chyam yu ai hte lawt lu nga ai,’” ngu nna tsun manit dai.

MALAHKI 3:18

Nye a amyu masha ni gaw ding hpring ai wa hte tara n lang ai wa a lapran ngai hpe daw jau ai wa hte n daw jau ai wa a lapran e shai ai hpe lang mi bai chye ginhka mu lu na mara ai,” ngu nna tsun wu ai.

MALAHKI 3:2

Rai ti mung, shi du ai nhtoi hpe kadai hkam sharang lu na rai ta? Shi dan pru yang kadai wa hkrung nga lu na rai ta? Shi gaw ja ai sabya zawn nhprang arai hpe shatsawm ai wan zawn rai na ra ai.

MALAHKI 3:3

Shi gaw gumhpraw janghkam wa zawn jeyang na matu du sa na ra ai. Dai Madu a kasa gaw ja gumhpraw jasan jaseng ai janghkam wa zawn jasan jaseng na ra ai, shing rai shanhte gaw dai Madu hpang de jaw ai shagu hkungga ni la sa na mara ai.

MALAHKI 4:5

“Rai ti mung galu kaba ai hte hkrithpa re ai dai Madu a nhtoi garai n du yang, ngai nanhte hpang de myihtoi Elia hpe shangun dat na nngai.

MAHTE 3:12

Shi a lata hta mam yit jasan na matu hkuwawn shi lang da nga ai. Shi a mam chyarang hpe shi yit jasan nhtawm, shi a mam gu hpe gaw mam dum hta shinggyin bang da nna, mam nsan hpe gaw galoi mung n krip ai wan hta nat kau na ru ai, ngu mu ai.

LUKA 19:43

Na a hpyen ni nang hpe kaduk ni hte dap jung nna wang da let, lam maga shagu pat shingdang da ai aten du wa na ra ai.

LUKA 21:20

“Yerusalem mare hpe hpyen hpung ni e wang kawan da ai hpe, nanhte mu myit yang, dai mare gade n na yang, jahten kau ai hkrum na ra ai hpe dum chye mu.

LUKA 6:23

Dai zawn hkrum sha ai shaloi, kabu nna gumlawt nga mu, hpa majaw nga yang, sumsing lamu e nanhte a shabrai kaba nga malit dai. Shanhte a kaji kawa ni mung myihtoi ni hpe dai zawn di yu manu ai.

2 PETRU 3:7

Rai ti mung Karai Kasang gaw ya nga nga ai sumsing lamu ni hte ginding aga hpe wan hte jahten kau na matu moi na mungga hte nan kyem mazing da nga wu ai. Shanhte hpe tara n hkungga ai masha ni hte rau tara daw dan nna jahten kau na nhtoi du hkra naw tawn da wu ai.