MALAHKI 3:8 - Jinghpaw Common Language Bible 2009

⁸ Ngai nanhte hpe san yu made ga, masha gaw Karai Kasang hpe hkalem sha na jaw nga a ni? Teng teng n rai law, rai ti mung, nanhte ngai hpe masu hkalem nga myit dai. Dai gaw ‘Gara hku?,’ ngu nna san myit dai. Dai gaw htam shi hta na htam mi hte shagu hkungga ni hpe n nawng ya ai majaw rai nga ai.

Jinghpaw Hanson Version Bible

⁸ Shinggyim masha gaw, Karai Kasang hpe, hpya lu hpya sha mai a ni? nanhte mahtang ngai hpe hpya lu hpya sha ma ni ai. Rai timung nanhte gaw, Anhte nang hpe kaning rai hpya lu hpya sha ga ta? nga nna tsun myit dai. Htamshi hta htammi hte, nwat kumhpa n jaw ai majaw, ngai hpe hpya lu hpya sha ai, rai nga ai.

MALAHKI 3:8 ပူးပေါင်းရင်းမြစ်များ

MAHTE 22:21

Shanhte gaw, “Kehta a sumla hte masat laika kap nga ai,” ngu nna htan mu ai. Shaloi shi gaw, “Dai rai yang gaw, Kehta hte seng ai hpe gaw Kehta hpe ya mu; Karai Kasang hte seng ai hpe gaw, Karai Kasang hpe ya mu,” ngu nna shanhte hpe tsun mu ai.

MARKU 12:17

Yesu gaw, “Kaja sai, shaloi rai jang gaw, Kehta hte seng ai hpe gaw Kehta hpe jaw mu, Karai Kasang hte seng ai hpe gaw, Karai Kasang hpe jaw mu,” ngu nna shanhte hpe tsun mu ai. Shanhte mahtang shi a lam grai mau mat nga ma ai.

SHAKAWN KUNGDAWN 29:2

Hpung shingkang rawng ai dai Madu a mying nsang hpe shakawn mu; Chyoi Pra ai Wa dan pru ai shaloi, shi a man e, dingnyawm mu.

ROMA 2:22

“Masha num hkum shaw,” ngu nna nang tsun nhtawm tinang dai num shaw nga n hka? Gawkngu sumla hpe nang matsat nga nhtawm shanhte a hpara nta ni hpe hpya la nga n ni?

ROMA 13:7

Dai rai nna shanhte hpe nanhte jaw ang ai made jaw mu; nanhte jaw ra ai hkansi hte kang nga manga hte hpe jaw mu. Shanhte yawng hpe hkungga lara ai lam hte shagrau shareng ai lam galaw mu.

LUKA 20:25

Dai majaw Yesu gaw, “Rai sa, dai rai yang gaw, hkawseng hte seng ai hpe hkawseng hpe jaw mu; Karai Kasang hte seng ai hpe Karai Kasang hpe jaw mu,” ngu nna shanhte hpe tsun mu ai.

MALAHKI 1:13

Nanhte gaw, ‘Ndai lam yawng mayawng a majaw anhte kade sha hki ba saga a hka!,’ ngu nna tsun let ngai hpe ladi sharawt dan myit dai. Lagu la ai, shing n rai lagaw hten ai, shing n rai machyi ai dusat langai ngai nanhte la sa nna ngai hpe nawng ya myit yang, nanhte kaw na dai hpe ngai hkap la na re ngu, myit nawn da myit ni?

YAWSHU 7:11

Israela chyawm gaw yubak galaw shut masai! Shanhte hkan shatup na matu ngai hkang da ai dai ngai hte tawn da ai ga shaka hpe shanhte run kau manu ai. Jahten sharun kau na matu daw dan da ai arai nkau mi hpe mung shanhte hta la manu ai; shanhte gaw arai mung lagu, masu mung masu, shanhte a arai ni hta dai ni hpe bang la rai ma ai.

MALAHKI 1:8

Ngai hpe shagu hkungga nawng ya na nga, myi kyaw ai, shing n rai machyi ai shing n rai lagaw hten ai dusat langai nanhte la sa myit dai shaloi, dai gaw ra rawng ai lam hpa mung n nga ai ngu nanhte myit nawn da myit ni? Dai zawn re ai dusat, mungdu wa hpe jaw chyam yu mu! Shi nanhte hpe ra sharawng ai hte myi man tau ya na rai wu ni?

ZEHKARIA 5:3

Dai hpang, shi gaw ngai hpe, “Dai ntsa hta mungdan ting de bra nga ai dagam dala lam ka da nga ai. Dai laika katsu a man maga mi hta lagut shagu hte gaw dai mungdan kaw nna seng kau ai hkrum na rai nga ai ngu nna tsun da nga ai. Bai kaga maga de gaw dagam da sai rai tim masu magaw ga naw tsun ai ni langai hte langai la kau ai hkrum na rai nga ai nga nna tsun da nga ai.

JAW JAU 19:25

Rai ti mung manga ning ngu na hta si ai gaw nanhte sha mai nga manit dai. Ndai amu hpe nanhte hkan galaw myit dai rai yang, nanhte a hpun ni hta namsi grau si wa na ra ai; Ngai gaw dai Madu nanhte a Karai Kasang rai nga nngai.

GA SHAGAWP 11:24

Masha nkau mi shanhte a gumhpraw hpe ndut ndang jai lang kau ti mung, grau sut su wa nga ma ai; nkau mi sadi sahka let jai lang ti mung, grau matsan jat wa nga ma ai.

ESAIA 43:23

Nang gaw na a sagu wan nat hkungga ni hpe ngai kaw n la sa nga ndai; nang gaw shagu hkungga ni hte ngai hpe n shagrau sha-a nga ndai. Ngai gaw nang hpe shagu hkungga hpyi ai hku nna lit shali ai n rai; manam pyaw ai baw hpyi ai hku nna nang hpe hki ba shangun ai n rai.