MALAHKI 3:7 - Jinghpaw Common Language Bible 2009

⁷ Nanhte gaw nanhte a shawng na nji nwa ni zawn, nye a tara ni hpe kau da nna n hkan shatup myit dai. Ngai hpang de nhtang wa marit, ngai mung nanhte hpang de nhtang wa na nngai. Rai ti mung nanhte mahtang, “Anhte mahtang nang hpang de kaning rai nhtang wa lu na rai ta?,” nga nna san myit dai.

Jinghpaw Hanson Version Bible

⁷ Nanhte gaw, nji nwa ni a prat kaw nna, nye a matsun maroi ga n hkan ai, kau da manu ai. Ngai hpang de nhtang wa marit, shaloi ngai nanhte hpang de nhtang wa na nngai, nga nna Zaw nawng zaw wa up ai Yehowa tsun ai. Nanhte mahtang, Anhte kaning rai nhtang wa na rai ta? nga nna tsun myit dai.

MALAHKI 3:7 ပူးပေါင်းရင်းမြစ်များ

NEHEMIA 9:26

“Rai ti mung na a amyu masha ni gaw nang hpe gumlau hte na a ga n madat nga ma ai; shanhte gaw na a Tara hpe shingdu dat kau ma ai. Shanhte gaw sadi jaw ai myihtoi ni hpe mung, nang hpang de kayin wa na matu tsun ai ni hpe mung sat kau ma ai. Shanhte gaw nang hpe aten mi hte aten mi n kaw n law di ma ai,

ESAIA 65:2

Shut hpyit amu hpe du ja ja hte galaw nna shanhte a lam hku sha hkawm nga ai nye a amyu masha ni hpe hkalum la na matu ngai tut nawng jin jin rai nga nngai.

YEREMIA 16:11

Dai hpang, dai Madu gaw ning nga ai nga nna shanhte hpe tsun u: ‘Na a nji nwa ni gaw ngai kaw nna kayin mat wa nna kaga hpara ni hpe nawku ai hte daw jau ma ai. Shanhte gaw ngai hpe kau da nhtawm nye a sharin shaga ai ga ni hta n hkan nga ma ai.

YEREMIA 16:12

Rai ti mung, nang gaw na a nji nwa ni hta grau nna pyi n hkru ai amu galaw manit dai. Nanhte yawng hte gaw adu ja ai hte n hkru nga myit dai; nye a ga hpe mung n madat nga myit dai.

YEREMIA 3:22

Dai Madu kaw na kayin mat wa ai nanhte yawng hte e, nhtang wa marit; shi gaw nang hpe shamai shatsai nna nang hpe sadi dung shangun na ra ai. Nang gaw, “Rai sa, shi gaw anhte a Karai Kasang rai nga ai majaw, anhte dai Madu hpang de sa wa nga ga ai.

YEREMIA 7:25

Nanhte a nji nwa ni Egutu mung kaw nna pru wa ai shani kaw na dai ni du hkra, ngai gaw nye a shangun ma ni rai nga ai myihtoi ni hpe nanhte hpang de matut manoi shangun dat ya ni ai.

YEREMIA 7:26

Rai tim, marai langai mi pyi madat ai n rai, dai lam hpe hpa zawn n nawn ya nga ma ai. Dai zawn madat ya na malai, nanhte gaw du grau ja wa ai hte nanhte a nji nwa ni hta grau nna pyi gumlau nga myit dai.

EZEKELA 2:3

“Si chye ai masha wa e, ngai gaw nang hpe Israela amyu masha ni hpang de shangun dat nga nngai. Shanhte gaw ngai hpe gumlau nna hpyen tai ma ai, shanhte a kaji kawa ni zawn ya du hkra naw gumlau ma ai.

EZEKELA 20:13

Rai ti mung, shanhte gaw ngai hpe nam mali hkan e pyi nye a hkang da ai ga hpe ninghkap lale nga ma ai. Shanhte gaw nye a tara ni hpe jahten kau ma ai; dai lam ni hpe hkan sa madat mara ai ni kadai rai ti mung asak hkrung nga shangun na, nye a hkang da ai matsun maroi ga ni hpe kau da mu ai. Shanhte gaw Bansa Nhtoi hpe awu asin di kau ma ai. Shanhte hpe jahten shaza kau na matu dai nam mali hkan e nye a sindawng kahtet ai n-gun hkam sha shangun lu na matu ngai shajin da ni ai.

EZEKELA 20:21

“Rai ti mung, dai ban na masha ni mung ngai hpe gumlau ninghkap ma ai. Shanhte gaw nye a tara ni hpe jahten kau ma ai hte dai lam ni hpe hkan sa madat mara ai ni kadai hpe mung asak hkrung shangun lu ai nye a hkang da ai matsun maroi ga ni hpe n hkan ma ai. Shanhte gaw dai Bansa Nhtoi hpe awu asin di kau ma ai. Shanhte yawng hpe dai nam mali e jahtum kau na matu nye a sindawng kahtet ai a n-gun hkam sha lu mu ga, ngai shajin da ni ai.

EZEKELA 20:28

Shanhte hpe jaw na ngu nna ngai ga sadi dagam da ai mungdan de shanhte hpe ngai woi wa ni ai. Shanhte gaw tsaw ai kawng ni hte tsit lali ai hpun ni hpe mu mada ma ai shaloi, dai shara ni yawng hta shagu hkungga nawng ya ma ai. Shanhte gaw dai hkan e manam pyaw ai baw wan nat hkungga hte sabyi hkungga ru jaw ai lai hte ngai hpe pawt bu shangun ma ai.

EZEKELA 20:8

Rai ti mung, shanhte gaw ngai hpe ninghkap ma ai hte nye a ga hpe n madat mara nga ma ai. Shanhte gaw shanhte a matsat shabat re ai hpara ni hpe n kabai kau ma ai; Egutu hpara ni hpe mung n kau da lu ma ai. Nye a masin kahtet ai n-gun gaw dai Egutu mung hta hpring tup hkam sha shangun na, ngai shajin da ni ai.

HOSEA 14:1

Israela amyu masha ni e, nanhte a yubak gaw nanhte hpe ahtu kataw shangun nga manit dai majaw dai Madu nanhte a Karai Kasang hpang de nhtang wa mu.

ZEHKARIA 1:3

rai ti mung, ya chyawm gaw, ‘Ngai hpang de nhtang wa marit; ngai mung nanhte hpang de nhtang wa na nngai,’ ngu nna ngai nanhte hpe tsun nga nngai.

MALAHKI 1:6

Chyahtum Chyalai N-gun rawng ai dai Madu gaw hkinjawng ni hpe, “Kasha gaw shi a kawa hpe shagrau hkungga ai; shangun ma wa gaw shi a madu hpe shagrau hkungga nga ai. Ngai gaw na a nwa rai nga nngai-hpa majaw nang ngai hpe n shagrau hkungga a ni? Ngai gaw na a madu rai nga nngai-hpa majaw nang ngai hpe n hkungga a ni? Nang gaw ngai hpe n kaw n law di nga ndai, shing rai tim, nang gaw, “Anhte nang hpe kaning rai n kaw n law di kau saga ta?,” nga nna san myit dai.

MALAHKI 3:13

Dai Madu gaw, “Nanhte gaw ngai hte seng ai hkrithpa amu ni hpe tsun myit dai. Rai ti mung nanhte gaw, ‘Nang hte seng ai lam anhte hpa baw tsun kau saga ta?,” ngu nna san myit dai.

MAHTE 23:27

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw namhtun hpraw chya ai lup hte bung nga myit dai; dai ni gaw shinggan de tsawm dam ti mung, kata de n ra hte mang chyayat ni hte hpring nga ai.

LUKA 15:16

Shaloi shi gaw, wa ni sha nga ai shapre kawp hte sha pyi shi a kan jahkru mayu timung, gade e mung n jaw sha mu ai.

ROMA 10:21

Rai ti mung Israela amyu masha ni hte seng nna shi bai tsun ai gaw, “N madat n mara nna gumlau ai amyu hpe hkap la na matu, nye a lata shani tup ngai ladawn wak nga nngai,” nga ai.

ROMA 10:3

Shanhte gaw masha hpe Karai Kasang a man e ding hpring wa shangun ai Karai Kasang a lai masa n chye ma ai rai nna dai hpe hkan na malai tinang dai gyin shapraw la ma ai majaw Karai Kasang a lai masa hku ding hpring wa lu na lam n hkan sa ma ai.

ROMA 7:9

Ngai hkum nan dai jep ai Tara hpe hpa n chye ai sha asak hkrung ai aten lang mi nga lai wa yu sai; rai ti mung dai jep ai Tara hpe ngai chye wa ai hte rau yubak gaw rawt prawn wa sai.

TARA JAHPRANG 31:20

Ngai gaw shanhte a kaji kawa ni hpe ga sadi jaw da sai hte maren, dai ngamu ngamai ai sut hte hpring nna ningru ningja ai mungdan de shanhte hpe woi wa ai shaloi, dai mung e shanhte sha mayu, lu mayu ai lusha hkum dingnum sha lu nna, ngwi pyaw sim sa ai hte nga lu na mara ai. Rai ti mung, shanhte mahtang lam dam mat nhtawm hpara shaje ni hpe nawku daw jau mat na mara ai; ngai hpe ningdang kau ma ai majaw nye a ga shaka hpe jahten kau na mara ai;

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak lu ai ni e, nanhte a lata ni hpe jasan jaseng da mu. Sawt ai ni e, nanhte a myit masin kraw lawang ni hpe jasan jaseng da mu.