MALAHKI 3:3 - Jinghpaw Common Language Bible 2009

³ Shi gaw gumhpraw janghkam wa zawn jeyang na matu du sa na ra ai. Dai Madu a kasa gaw ja gumhpraw jasan jaseng ai janghkam wa zawn jasan jaseng na ra ai, shing rai shanhte gaw dai Madu hpang de jaw ai shagu hkungga ni la sa na mara ai.

Jinghpaw Hanson Version Bible

³ shi gaw janghkam wa zawn dung let, gumhpraw hpe jasan jaseng nna, jen yu ai zawn, Lewi kashu kasha ni hpe jen yu nna, aja hte gumhpraw zawn, shanhte hpe jet shangun na ra ai: shing rai shanhte gaw dinghpring ai hku hkan nna, Yehowa hpe kumhpa nawng ya na mara ai.

MALAHKI 3:3 ပူးပေါင်းရင်းမြစ်များ

SHAKAWN KUNGDAWN 116:17

Chyeju dum hkungga ni hte ngai nang hpe nawng jau na nngai, nye a akyu hpyi ai ga hte nang hpe sak jaw na nngai.

SHAKAWN KUNGDAWN 4:5

Madu hpe ra n rawng ai shagu hkungga ni hpe nawng jau nna; shi hta kam hpa nga mu.

SHAKAWN KUNGDAWN 4:6

“Madu e, anhte hpe chyeju grau nna jaw ya mi; matsan dum ai myit hte anhte hpe mada mara ya mi,” nga nna masha law law wa akyu hpyi nga ma ai.

SHAKAWN KUNGDAWN 50:14

Chyeju dum shakawn ai gaw Karai Kasang hpe na a shagu hkungga nawng jau ai lam rai nga u ga; Chyahtum Chyalai n-gun rawng ai Madu hpe nang ndat da ai ga sadi yawng hte hpe jaw ya u.

SHAKAWN KUNGDAWN 50:23

Chyeju dum ai shagu hkungga gaw ngai hpe shagrau sha-a ai lam rai nga ai; nye a ga madat mara ai ni yawng hte hpe ngai teng teng hkye hkrang la na nngai.”

SHAKAWN KUNGDAWN 51:19

Dai shaloi, nang gaw ra n rawng ai shagu hkungga ni hte anhte a wan nat hkungga ni hta sharawng awng wa na rin dai; na a tawn hkungri ntsa e mung, usu ni hpe nawng jau wa na mara ai.

SHAKAWN KUNGDAWN 66:10

Karai Kasang e, nang gaw wan hte gumhpraw hpe shabyawng nna jasan ai zawn, anhte hpe chyam yu nga ndai. Dai zawn, nang gaw anhte hpe chyam yu ngut nit dai.

GA SHAGAWP 17:3

Aja hte gumhpraw hpe wan hta ju nna jen yu ai zawn, dai Madu gaw masha a myit masin hpe mung, chyam dinglik yu nga ai.

GA SHAGAWP 25:4

Gumhpraw hta na nhprang hkyi hpe shaw kau ngut ai hpang, janghkam wa gaw tsawm htap ai arai hpe galaw shapraw lu nga ai.

ESAIA 1:25

Ngai gaw nanhte hpe jeyang na nngai. Ngai gaw nanhte hpe nhprang arai jen kau ai zawn jasan shapra na made ai, nanhte a n san n seng ai lam yawng hpe seng kau ya na we ai.

ESAIA 48:10

Wan htung hta gumhpraw jen yu ai zawn, ngai gaw nang hpe nni nkri ngu ai wan hta chyam dinglik yu ni ai. Rai ti mung, nang gaw hpa akyu mi n rawng nga ndai hpe ngai mu ni ai.

ESAIA 61:6

Nang gaw dai Madu a hkinjawng ni hte Anhte a Karai Kasang a shangun ma ni hku gumhkawng na rai ndai. Nang gaw masha amyu baw ni a sut gan hta kabu gara wa nna Dai gaw na a sut gan tai wa ai hte gumrawng wa na ndai.

YEREMIA 9:7

Ndai lam a majaw Chyahtum Chyalai N-gun Rawng ai dai Madu gaw, “Ngai gaw nye a amyu masha ni hpe nhprang arai hpe zawn jen yu na nngai, shanhte hpe ngai chyam dinglik yu na nngai. Nye a amyu masha ni gaw n hkru ai amu galaw masai- Shanhte hpe ngai kaning di lu na rai ta?

EZEKELA 20:38

Nanhte a lapran na gumlau ai ni hte yubak galaw ai ni hpe ngai tsan kau na nngai. Ngai gaw dai ni hpe shanhte shanu nga ai mungdan kaw nna shapraw kau na nngai, rai ti mung dai ni hpe Israela mungdan de ngai bai nhtang wa shangun na n rai. Shaloi nanhte gaw ngai nan dai Madu rai nga nngai ai hpe chye na mara ai.

Daniela 11:35

Dai hpaji rawng ai ningbaw ni hta na nkau mi sat kau hkrum na mara ai; rai ti mung dai lam byin ai a majaw amyu masha ni jasan jaseng ai hkrum na mara ai. Dai zawn re ai amu gaw Karai Kasang masat da ya ai hpang jahtum na aten du hkra a byin nga na ra ai.

Daniela 12:10

Masha law law mung san seng wa na mara ai. N hkru ai ni chye na hkawn hkrang na ma ai n rai, rai ti mung n hkru ai hku sha hkan na mara ai; hpaji rawng ai ni chyu sha chye na hkawn hkrang wa na mara ai.

HOSEA 14:2

Dai Madu kaw nhtang wa mu, ndai akyu hpyi ga hte shi kaw nanhte a hkungga shatai mu: “Anhte a shut hpyit ai yubak mara mahkra mara raw dat ya mi, anhte a akyu hpyi ga hkap la ya mi, anhte ga sadi tawn da saga ai hte maren, anhte nang hpe shakawn kungdawn na ga ai.

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

BU HKAWM 8:6

hpe, “Israela amyu masha ni hta na Lewi masha ni hpe garan ginhka la nhtawm lawu de na lam ni hte maren shanhte hpe jasan jaseng lu na rai ndai;

LUKA 3:16

Shing rai Yawhan gaw, “Ngai gaw nanhte hpe hka hte hkalup jaw made ai; rai ti mung, ngai hta atsam grau rawng ai wa gaw sa wa ra ai; shi a kyepdin sumri raw na pyi ngai n ging nngai. Shi gaw Chyoi Pra ai Wenyi hta mung, wan hta mung, nanhte hpe hkalup jaw na ra ai.

ROMA 12:1

Dai re ai majaw hpu nau ni e, Karai Kasang gaw anhte a ntsa e tsaw ra matsan dum ai myit kaba rawng nga ai majaw shi a amu gun hpai na hte shi sharawng awng ai ahkrung nga ai hkungga tai na matu nanhte a hkum hkrang nawng ya na ngai nanhte hpe shadut jahkat dat made ai. Dai gaw nanhte nawng ya ang ai myit masin a teng man ai daw jau ai lam rai nga ai.

ROMA 15:16

Dai chyalai ahkaw ahkang gaw, maigan amyu ni a matu magam gun na Hkristu Yesu a shangun ma tai lu ai lam rai nga ai. Maigan amyu ni gaw Karai Kasang e hkap la ging ai shagu hkungga ngu ai Karai Kasang kaw dai Chyoi Pra ai Wenyi e shachyoi shapra nna sak nawng tawn ai ni tai wa na matu, ngai gaw hkinjawng langai mi zawn magam gun let Karai Kasang kaw na Kabu Gara Shiga hpe hkaw dan nngai.

HPILIPI 2:17

Lama rai nna, ngai sat kau hkrum wa ai rai yang, dai gaw nanhte Karai Kasang kaw nawng ya ai nanhte a makam masham a hkungga hte daw jau ai hkungri a ntsa e nye a asak hpe dumhpung hkungga zawn ru jaw nawng jau kau timung, ngai kabu nga nna nanhte hte rau kabu ninglaw nga nngai.

HPILIPI 4:18

Nanhte shagun jaw dat ai arung arai alu yawng lu la sai lam hte jahpan ya nang e madun dan nngai. Dai gaw ra ai hta pyi jan hkra rai sai. Dai alu arung arai ni hpe Epahprodi la sa ya ai majaw ngai ra ai hta pyi jan hkra lu ni ai. Dai arai ni gaw Karai Kasang kaw nawng ya ai manam pyaw ai bat zawn mung, Karai Kasang ra sharawng ai hte hkap la ging ai shagu hkungga zawn mung rai nga ai.

2 TIMOHTI 4:6

Nye a matu chyawm gaw, nye a asak hpe nawng kau na aten du ra ai; ya nang e nan nye a matu dinghta asak hpe kau da na aten du magang ra ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

HEBRE 12:10

Shinggyim kawa ni gaw anhte hpe tawng marang mi sha shanhte jaw ang ai ngu nna sawn nawn ai hte maren daru sharin chye ma ai; rai ti mung Karai Kasang chyawm gaw, anhte a mai kaja ai lam a matu mara, shi zawn chyoi pra wa mu ga, nga nna anhte hpe daru sharin mi ai.

1 PETRU 1:7

Dai chyam dinglik hkrum ai lam gaw Karai Kasang hpe nanhte kam sham ai myit gaw jet nga ai kun? jen yu na matu rai nga ai. Jahten kau lu ai ja hpe pyi gaw wan hta ju shabyawng nna jen kau ra ai rai nna ja hta grau hpu reng ai nanhte a makam masham hpe mung ngang grin nga na matu jen kau hkrum lu na rai nga ai. Shing rai yang Yesu Hkristu bai dan pru ai nhtoi hta shakawn kungdawn ai, hpung shingkang hte arawng sadang hpe nanhte hkam la na marin dai.

1 PETRU 2:5

Nanhte gaw asak hkrung nga ai nlung ni zawn Karai Kasang kaw sa nna dai wenyi hte seng ai htingnu gaw gap ai hta nanhte ni nan shang lawm jai lang hkam nga mu. Dai shara hta Madu Yesu a marang e wenyi hte seng nna sharawng awng hkap la ging ai shagu hkungga ni hpe Karai Kasang kaw nawng ya na matu chyoi pra ai hkinjawng ni zawn nanhte daw jau na rai myit dai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

SHINGRAN 1:6

Shi a Kawa a magam amu hpe gun hpai lu na matu anhte hpe mungdan amyu hte hkinjawng aya jaw ya ai Yesu Hkristu kaw hpung shingkang hte daru magam ahkang aya gaw htani htana e anga nga u ga law! Amen.

SHINGRAN 3:18

Dai re ai majaw, nang sut su n ga, wan hta jen kau sai ja jet hpe mung, na a singgu krin re ai kaya kahpa masha a man e n dawng lit ga magap ya na matu, nang lawai na hpraw ai hpun palawng ni hpe mung, na myi mu lit ga chya na matu tsi mung, ngai kaw na mari la na matu, ngai nang hpe hpaji daw ya de ai.

SHINGRAN 5:10

Nang gaw shanhte hpe, anhte a Karai Kasang hpe daw jau ai amu gun hpai lu na matu hkawhkam mungdan hte hkinjawng amyu langai mi shatai nu ai hte, shanhte gaw ga ntsa e up hkang na ahkang aya lu na mara ai.”