MALAHKI 3:2 - Jinghpaw Common Language Bible 2009

² Rai ti mung, shi du ai nhtoi hpe kadai hkam sharang lu na rai ta? Shi dan pru yang kadai wa hkrung nga lu na rai ta? Shi gaw ja ai sabya zawn nhprang arai hpe shatsawm ai wan zawn rai na ra ai.

Jinghpaw Hanson Version Bible

² Rai timung, shi du ai nhtoi hpe, kadai hkam sharang lu na rai ta? shi paw pru yang, kadai tsap nga lu na rai ta? kaning rai nme law, shi gaw janghkam wa a wan hte, rai hkrut ai wa a sabya zawn, rai nga ai:

MALAHKI 3:2 ပူးပေါင်းရင်းမြစ်များ

NINGPAWT NINGHPANG 19:28

Sodom hte Gomora mare ni hte kadit ting hpe shi mada yu wu yang, wan htung kaba kaw na pru ai wan hkut zawn ga kaw nna mawng lung nga ai hpe mu lu wu ai.

YOBA 28:1

Gumhpraw htu la ai maw nhkun ni nga nga ai; Aja jen la ai shara ni mung nga nga ai.

SHAKAWN KUNGDAWN 130:3

Lama rai nna, anhte a yubak ni hpe ka matsing da ai rai yang; kadai wa mara daw dan ai kaw nna hprawng lawt lu na rai nga a ta?

SHAKAWN KUNGDAWN 2:7

Hkawhkam wa gaw, “Madu kaning nga tsun ai lam hpe ngai tsun shabra na nngai,” nga nna tsun ai. Shi gaw ngai hpe, ‘Nang gaw nye a kasha rai nga ndai; dai ni, ngai gaw na a kawa tai nga ni ai.

SHAKAWN KUNGDAWN 76:7

Rai ti mung, Madu e, nang hpe masha yawng hte wa, hkrit kamyin nga ma ai. Nang masin pawt ai shaloi kadai mung na a man e, n lu rawt tsap nga ma ai.

GA SHAGAWP 25:4

Gumhpraw hta na nhprang hkyi hpe shaw kau ngut ai hpang, janghkam wa gaw tsawm htap ai arai hpe galaw shapraw lu nga ai.

ESAIA 1:18

Dai Madu gaw, “Ya, anhte bawng jahkrup yu ga. Nanhte a yubak gaw sai zawn hkyeng nga ti mung hkyen zawn hpraw san hkra ngai kashin kau ya na nngai. Nanhte a yubak gaw dik hkra hkyeng nga ti mung, sagu mun zawn hpraw wa lu na marin dai.

ESAIA 33:14

Yubak kap ai Ziun a amyu masha ni gaw hkrit gari nga ma ai. Shanhte gaw, “Karai Kasang a tara jeyang ai gaw htani htana agrung nga ai wan zawn rai nga ai. Anhte hta na kadai wa dai zawn re ai wan hta asak hkrung lu nga a ta?,” ngu nna tsun ma ai.

ESAIA 4:4

Dai Madu gaw shi a daru magam n-gun hte tara jeyang nna amyu baw hpe jasan jaseng ai hte Yerusalem a mara hpe mung dai mare hta jahkaw kau sai asai hpe mung kashin kau ya na ra ai.

YEREMIA 2:22

Kaja htum ai sabya hte nang kashin kau tim pyi, na a mara numsha hpe ngai naw mu nngai.

EZEKELA 22:14

Ngai nang hte amu shangut ai shaloi, nang hta nsen marai mung, na a lata sharawt lu na n-gun atsam mung naw ngam na ra ai ngu, nang myit nawn da wu ni? Dai Madu ngai tsun ni ai hte maren, nye a mungga hpe ngai shatup na nngai.

Daniela 11:35

Dai hpaji rawng ai ningbaw ni hta na nkau mi sat kau hkrum na mara ai; rai ti mung dai lam byin ai a majaw amyu masha ni jasan jaseng ai hkrum na mara ai. Dai zawn re ai amu gaw Karai Kasang masat da ya ai hpang jahtum na aten du hkra a byin nga na ra ai.

YOELA 2:11

Dai Madu gaw shi a hpyen hpung hpe nsen sharawt dat wu ai. shi a ga madat ai hpyen hpung ni law ai hte n-gun rawng nga ma ai. Dai Madu a nhtoi gaw kade sha hkrit hpa rai nga a hka! Kadai wa hkrung nga lu na rai ta?

NAHUM 1:6

Shi pawt sindawng ai shaloi, kadai hkrung nga lu a ta? Shi a hkrithpa masin kahtet ai a majaw, kadai hkrung lu nga a ta? Shi gaw agrung nga ai shi masin kahtet ai hpe ru bun nga ai; shi a man e, lunghkrung ni ga nhpu zawn agrawp mani mat nga ai.

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

MAHTE 25:10

Shing rai myit n su ai mahkawn ni sau mari na sa wa ai laman e, la ningnan du sa wa ai. jin jin rai nga ai mahkawn manga hte gaw hkungran ai poi de shi hte rau shang lu ma ai rai nna, dai chyinghka hpe la kau manu ai.

MARKU 9:3

shi a hpun palawng gaw kabrim kabram wa nna nachying hpraw tu wa lu ai, ndai daram hpraw tu hkra ga ntsa na sumpan chyaw ai kadai wa mung n di lu nga ai.

LUKA 2:34

Simun gaw shanhte hpe shaman ya nna, kanu Mari hpe, “Yu u, ndai ma gaw, Israela ni hta law law a matu kataw shara hte, law law a matu rawt wa na lam mung, masha law law ndang kalang hkat na Karai Kasang kaw na kumla matu mung san da ai wa rai nga ai.

LUKA 21:36

Nanhte gaw dai byin wa na ra ai lam ni yawng hpe lai di nna lawt lu na n-gun atsam lu la myit ga hte Masha Kasha a man e tara daw dan hkam na matu tsap lu ging ai ni tai lu myit ga akyu hpyi nga let amaja nga mu,” ngu mu ai.

LUKA 3:17

Shi a lata hta shi hkuwawn lang nna shi a mam ni mahkra hpe yit jasan kau nhtawm, mam gu hpe shi a dum hta shinggyin da na ra ai, nsan hpe chyawm gaw galoi mung n krip ai wan hta nat kau na ra ai,” ngu nna shanhte hpe tsun mu ai.

LUKA 3:9

Dai nwa gaw, hpun ni hpe ru kaw nna hkawt kran kau na matu hkyen da chyalu rai nga sai, dai rai nna, asi kaja n si ai hpun shagu hpe kran daw kau nna, wan hta kabai bang kau na rai nga ai,” ai.

LUKA 7:23

Ngai hta myit kataw ai lam n mu ai ni kadai mung a lu nga ai,” ngu nna tsun mu ai.

YAWHAN 8:55

Rai ti mung nanhte shi hpe n chye myit dai, ngai chyawm gaw chye nngai. Lama shi hpe n chye nngai ngu yang gaw, nanhte zawn masu ai wa ngai rai na ra ai. Rai ti mung ngai shi hpe chye nga nngai rai nna, shi a ga hpe madat mara hkan sa nga nngai.

HEBRE 12:25

Nanhte gaw, dai mungga tsun ai wa hpe n madat ya ai sha ningdang kau ai lam n byin u ga, sadi nga mu. Ndai ga ntsa e shadum shahprang ai wa a ga hpe na la na ningdang kau ai ni yubak ari hta na n lawt lu ma ai, Dai rai nna, anhte gaw, Sumsing lamu kaw nna tsun ai wa hpe shingdu kayin kau ga yang gaw yubak ari kaw na anhte lawt na lam grau n nga mali ai.

SHINGRAN 19:8

hpraw tu nna san seng ai lachyit hpun nba hte tinang hkum hpe mawn sumli na ahkang shi lu da nu ai.” (Dai lachyit hpun nba gaw, Karai Kasang a masha ni a kaja ai arawn alai, amu bungli hpe ngu ai rai nga ai.)

SHINGRAN 2:23

Shi a hpang hkan nang ai ni hpe mung ngai sat kau na mawe ai. Dai shaloi ngai gaw, masha shagu a myit mang ai lam ni hte maw mawn ai lam ni hpe yawng chye ya ai Madu ngai rai nga nngai gaw, hpung ni chye lu na mara ai. Nanhte hta na langai hte langai hpe, tinang galaw sai amu hte maren ngai htang jaw na made ai.

SHINGRAN 6:17

Shan a hkrithpa pawt bu ai nhtoi kaba nang e du ra ai rai nna, kadai wa mi dai hpe tsap shingdang da lu na rai nga a ni?,” nga ma ai.

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.

1 SAMUELA 6:20

Dai rai nna, Bet Sheme masha ni gaw, “Ndai chyoi pra ai Madu Karai Kasang a man e, kadai wa tsap lu nga a ta? Anhte kaw nna shi hpe gara shara de anhte shangun dat lu na rai nga ga ta?,” ngu nna tsun ma ai.