MALAHKI 3:1 - Jinghpaw Common Language Bible 2009

¹ Chyahtum Chyalai N-gun rawng ai dai Madu gaw, “Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,” ngu nna htan wu ai.

Jinghpaw Hanson Version Bible

¹ Yu u, nye a Kasa hpe ngai shangun dat nngai; shi gaw nye a man e, lam lajang na ra ai: nanhte hkan tam ai Madu gaw, shi a nawku Htingnu de akajawng sha du na ra ai; nanhte marit nga ai ga shaka a Kasa gaw, yu u, shi du ra ai, nga nna Zaw nawng zaw wa up ai Yehowa tsun ai.

MALAHKI 3:1 ပူးပေါင်းရင်းမြစ်များ

SHAKAWN KUNGDAWN 110:1

Dai Madu gaw, “Na a gumlau hpyen ni hpe na a lagaw kabye lahkum ngai shatai kau ai aten du hkra, ndai nye a hkra maga de, dung nga u,” nga nna nye a Madu hkawhkam wa hpe tsun nga ai.

PRU MAT 23:20

“Ngai lajang da ya sai shara de nang hpe woi hkawm wa ai shaloi, nang hpe bau sin makawp maga na matu, na a shawng e lamu kasa hpe ngai shangun dat ni ai.

PRU MAT 23:21

Shi a man e sadi mu, shi a ga hpe madat mu. Ngai shi hpe shangun da ni ai rai nna shi hpe hkum gumlau nga myit. Dai zawn re ai gumlau lam hpe shi mara dat ya na ra ai n rai.

ESAIA 40:10

Tsaw Htum ai dai Madu gaw daru magam n-gun hte up hkang na du sa nga ai, shi hkye mawai la sai amyu masha ni gaw shi hte rau woi sa wa nga ai.

ESAIA 63:9

shanhte hkam sha ai nni nkri yawng kaw na hkye hkrang la nga ai. Dai gaw lamu kasa galaw ai n rai, rai ti mung dai Madu shi nan shanhte hpe hkye la nu ai. Shi a tsaw ra myit hte matsan dum la ai myit a jaw e, shi shanhte hpe hkye mawai la nga sai. Shi gaw lai sai aten ni hta shanhte hpe galoi mung lanu lahku lai wa nu ai,

ESAIA 7:14

Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

HAGI 1:13

Dai hpang, Hagi gaw dai Madu a mungga hpe amyu masha ni a man e ning ngu hkang dat wu ai: “Ngai gaw nanhte hte rau nga nga na nngai; dai gaw nye a ga sadi rai nga li ai.”

MALAHKI 2:4

Dai hpang, ndai hkang da ai ga nanhte hpe ngai jaw ya sai hpe nanhte chye na marin dai; ndai hku nna Lewi amyu matu hkinjawng ni hte tawn da ai nye a ga shaka gaw hten mat na ra ai n rai.

MALAHKI 2:7

Karai Kasang a teng man ai machye machyang hpe sharin ya na gaw hkinjawng ni a lit rai nga ai. Nye a myit ra ai lam hpe sharin la na matu, masha gaw shanhte hpang de sa ang nga ma ai, hpa majaw nga yang, shanhte gaw Chyahtum Chyalai N-gun rawng ai dai Madu a kasa ni rai ma ai.

MALAHKI 4:5

“Rai ti mung galu kaba ai hte hkrithpa re ai dai Madu a nhtoi garai n du yang, ngai nanhte hpang de myihtoi Elia hpe shangun dat na nngai.

MAHTE 11:14

Shanhte a mungga hpe nanhte madat la nna kam sham mayu myit yang gaw, ndai Yawhan gaw du sa na ra ai ngu nna tau tsun tawn ai Elia nan rai nga ai.

LUKA 1:76

“Ma e, nang gaw Tsaw Htum Ai Wa a myihtoi ngu nna shamying ai lam hkam la nna, shi a lam lajang na matu, shi a shawng numshawn e sa wa na rin dai.

LUKA 19:47

Shi gaw shani shanang Nawku Htingnu e sharin shaga let nga nga ai. Hkinjawng kaba ni, Tara sara ni Yuda amyu masha ni a ningbaw ningla ni mahtang gaw, shi hpe sat kau mayu da mu ai,

LUKA 2:11

Dai ni na nhtoi hta Hkye Hkrang La ai Wa Hkristu ngu ai Madu gaw, Dawi a mare e nanhte a matu shangai wa sai.

LUKA 2:38

Shi mung dai ahkying e nan du sa wa nna Karai Kasang hpe shakawn kungdawn let, Yerusalem hpe hkye hkrang la na lam myit mada nga ai ni yawng hte hpe dai ma a lam tsun dan mu ai.

LUKA 2:46

Ya masum ya na wa sayang she, dai Nawku Htingnu kata, Yuda sara ni a ka-ang e, shanhte a ga madat la nna, shanhte hpe ga san ni san let dung nga ai hpe shan sa mu ma ai.

KASA 19:4

Shaloi Pawlu gaw, “Yawhan a hkalup lam gaw yubak mara kaw na myit malai lu ai ni a matu jaw ai she rai nna, shi a hpang e sa ai Yesu ngu ai wa hpe mahtang kam sham ra ai,” ngu nna Israela masha ni hpe tsun mu ai.

KASA 7:38

Nam mali e hpawng nga ai Israela amyu masha ni hte mung, anhte a ji wa ni hte mung, Sina bum e shingran jaw ai lamu kasa hte mung rau rai nga ai wa gaw shi nan rai nga ai. Anhte hpe bai htawn tsun na ap ya ai Karai Kasang kaw na asak hkrung ai mungga hkap la ai wa mung shi rai nga ai.