MALAHKI 2:6 - Jinghpaw Common Language Bible 2009

⁶ Shanhte gaw shut ai lam hpe n rai, jaw ai lam sharin ya ma ai. Shanhte gaw ngai sharawng awng ai hku nga ma ai; shanhte gaw shanhte hkum nan jaw ai amu sha galaw ma ai n rai, masha law law ni hpe mung n hkru ai amu jahkring kau na matu karum nga ma ai.

Jinghpaw Hanson Version Bible

⁶ Shi a shinglet tengman ai tara tsun nga nna, shi a n-gup hta hkalem hkalau ai ga n rawng nga ai: ngwipyaw ai hte malang ai hku hkan let, shi ngai hte rau hkawm nga nna, masha law law hpe shut hpyit lam kaw na, kayin shangun mu ai.

MALAHKI 2:6 ပူးပေါင်းရင်းမြစ်များ

NINGPAWT NINGHPANG 17:1

Abram a asak jahku shi jahku ning du ai shaloi, dai Madu gaw shi kaw dan pru nna, “Ngai gaw Chyahtum Chyalai N-gun Rawng Ai Karai Kasang rai nga nngai. Nye a ga hpe madat mara nna teng man ai amu hpe tut nawng a galaw nga u.

NINGPAWT NINGHPANG 6:9

Da ndai gaw Noa a maumwi rai nga ai. Shi gaw shadang sha masum lu ai; dai ni gaw Shem, Ham, hte Yahpet ni rai nga ai. Noa gaw yubak mara hpa mung n lu ai hte shi a aten hta shi chyu sha mai kaja ai wa rai nga ai. Shi gaw Karai Kasang hte rau kanawn mazum let hkrung nga ai.

SHAKAWN KUNGDAWN 119:142

Na a ding man ai lam htani htana prat dingsa agrin nga na ra ai. na tara mung tut nawng e teng man nga ai.

SHAKAWN KUNGDAWN 119:151

Rai ti mung, Madu e, nang ngai hte ani sha nga nga ai; na a hkang da ai ga ni mahkra agrin nga ai.

SHAKAWN KUNGDAWN 37:30

Mai kaja ai masha langai mi a n-gup ga ni hta hpaji ga rawng nga ai; shi gaw tut nawng e tara ding nga ai.

SHAKAWN KUNGDAWN 37:37

Mai kaja ai masha wa hpe matsing da u, ding hpring ai masha wa hpe maram masam yu u; ngwi pyaw sim sa ai masha wa gaw aru arat law law lu nga ai;

GA SHAGAWP 5:2

Shaloi, nang gaw gara hku jaw hkrak ai asak hkrung na lam hpe chye wa na ra ai hte na a n-gup aga gaw na a machye machyang hpaji hpe shapraw dan na ra ai.

YEREMIA 23:22

Shanhte gaw nye a makoi magap da ai myit mang lam ni hpe chye ya ma ai rai yang gaw, nye a amyu masha ni hpang de nye a mungga hkaw tsun na ma ai; shanhte hkawm sa ai n hkru ai asak hkrun lam ni hte shanhte galaw ai n shawp n kap ai amu ni hta na shanhte hpe shabai la lu na ma ai.

Daniela 12:3

dai hpaji rawng ai ningbaw ni gaw lamu na htoi tu ai arai ni zawn mung, amyu masha law law hpe jaw ai hku amu galaw na lam sharin ya ai ni gaw shagan ni zawn htani htana htoi tu nga na mara ai.

HOSEA 4:6

Nye a amyu masha ni gaw ngai hpe n chye yin la nga ma ai majaw dingnye hkrum nga masai. Nanhte hkinjawng ni mung ngai hpe yin la na matu ningdang kau myit dai, nye a sharin achyin ai hpe n madat nga myit dai, dai rai nna ngai gaw nanhte hpe ningdang ai hte nanhte a shadang sha ni hpe mung nye a hkinjawng ni hpe zawn yin la na nngai n rai.

MAHTE 22:16

Dai hpang shanhte a sape ni nkau mi hte Herod a hpung kaw na masha nkau mi hpe Yesu hpang de shangun dat mu ai. Shanhte gaw, “Sara e, nang gaw teng man ai lam hpe sha tsun nga ndai hpe anhte chye ga ai. Nang gaw masha a myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai.

MARKU 12:14

Shanhte shi kaw du nna, “Sara e, nang gaw masha ni hpa myit nga ai hpe hpa zawn n nawn ai sha, teng man ai lam hpe nang tsun nga ndai hpe anhte chye nga ga ai. Nang gaw masha a myi nan n tau ai sha, masha a matu Karai Kasang a myit ra ai lam hpe teng man ai hku sharin shaga nga ndai. Kehta Hkawhkam kaw hkanse bang ai rai yang, anhte a tara hte nhtan shai a ni? Anhte bang na rai kun? N bang na rai kun? Anhte hpe tsun dan mi,” ngu nna tsun mu ai.

LUKA 1:6

Dai yan gaw Karai Kasang a man e ding hpring ai yan rai nga ma ai. Shan gaw Madu a jep ai tara nga manga hte hkang da mada yawng hpe htep lahti hkan nang ma ai.

LUKA 20:21

Dai kin-yu ni gaw, “Sara e, nang tsun sharin shaga ai lam ni gaw teng man nga ai hpe anhte chye ga ai. Nang gaw masha langai mi a arawng aya madang hpe myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai gaw anhte chye ga ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

TARA JAHPRANG 33:10

Shanhte gaw na a Tara madat mara na matu na a amyu masha ni hpe sharin ya na mara ai; Na a tawn hkungri ntsa hta shagu hkungga ni hpe shanhte nawng jau na mara ai.

TARA JAHPRANG 33:8

Shi gaw Lewi amyu bawsang hte seng nna, ning nga nna tsun wu ai: “Madu e, nang gaw Urim hte Htumim lang nna na a myit ra ai hku madun dan nga ndai. Nang hta sadi dung ai Lewi shangun ma ni hte hpawn, Masa shara e shanhte hpe nang dinglik yu nit dai. Meriba hka kau e, shanhte hpe teng man ai sakse madun dan nit dai.

TARA JAHPRANG 33:9

Shanhte gaw tinang a kanu kawa, kahpu kanau hte kashu kasha ni hta grau nna, Nang hta sadi dung ai lam madun dan nga ma ai. Na a hkang da ai ga ni hpe shanhte madat mara nna, na a ga shaka hta sadi dung nga masai.

SHINGRAN 14:5

Shanhte galoi mung masu magaw ai hku n chye tsun ma ai. Mara tsun na lam hpa n nga ai ni rai nga ma ai.

1 SAMUELA 2:12

Eli a shadang sha yan gaw n shawp n kap nga ma ai rai nna, dai Madu hpe mung,