MALAHKI 2:4 - Jinghpaw Common Language Bible 2009

⁴ Dai hpang, ndai hkang da ai ga nanhte hpe ngai jaw ya sai hpe nanhte chye na marin dai; ndai hku nna Lewi amyu matu hkinjawng ni hte tawn da ai nye a ga shaka gaw hten mat na ra ai n rai.

Jinghpaw Hanson Version Bible

⁴ Shing rai nye a ga shaka, Lewi amyu hta grin wa lu na matu, ndai hkang da ai ga ngai nanhte hpang de shangun dat nngai gaw, nanhte chye lu na marin dai, nga nna Zaw nawng zaw wa up ai Yehowa tsun ai.

MALAHKI 2:4 ပူးပေါင်းရင်းမြစ်များ

1 HKAWHKAM 22:25

Mihkaia gaw, “Shingdu gawk shara ra hta sa makoi nga na matu nang shang wa ndai shaloi mu lu na rin dai,” ngu nna tsun htang wu ai.

NEHEMIA 13:29

Karai Kasang e, ndai masha ni gaw hkinjawng aya hpe mung, hkinjawng ni hte Lewi masha ni hte tawn da ai ga shaka hpe mung kaning rai awu asin di kau nga masai hpe adum nga u law.

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

ESAIA 27:9

Rai ti mung maigan htung tara hkan ai ni a nlung tawn hkungri ni hpe namhtun ga hpraw hpe zawn gang daw kau ai hte, Ashera hpara num a masat dingsat kumla shing n rai manam pyaw ai baw tawn ai tawn hkungri ni, htawm hpang de galoi mung n nga mat hkra kabai kau lu ai shaloi chyu sha, Israela amyu masha ni a yubak ni raw dat kau ai hkrum na ra ai.

YEREMIA 28:9

Rai ti mung dai Madu gaw kaja wa teng teng myihtoi wa hpe shangun dat wu ai shaloi myihtoi wa a ga ni gaw dik wa nga ai zawn, myihtoi wa gaw ngwi pyaw sim sa lam hpe htoi yang, dai hpe chyu sha hkap la lu nga ai,” ngu nna tsun wu ai.

EZEKELA 33:33

Rai ti mung, nang tsun ai ga ni yawng teng tup wa ai shaloi, dai ni yawng teng teng byin wa na ra ai. Dai shaloi, myihtoi wa gaw shanhte hta e nga nga ai hpe shanhte chye lu na mara ai,” ngu nna tsun wu ai.

EZEKELA 38:23

Ndai lam hku nna ngai gaw galu kaba ai hte chyoi pra nga nngai hpe masha amyu baw ni yawng hpe madun dan na nngai. Dai shaloi, ngai nan dai Madu rai nga nngai hpe shanhte chye lu na mara ai.

EZEKELA 44:7

Nye a matu ngu nna sau man hte shagu hkungga asai ni hpe nawng ya myit dai shaloi, nye a ga n madat n mara ai maigan masha ni ngu ai matu n gadoi ai ni hpe jashawn nna nye a Nawku Htingnu hpe awu asin di kau nga myit dai. Dai rai nna nye a amyu masha ni gaw shanhte galaw kau sai matsat shabat amu ni yawng a jaw e, nye a ga shaka hpe jahten kau manu ai.

MALAHKI 3:1

Chyahtum Chyalai N-gun rawng ai dai Madu gaw, “Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,” ngu nna htan wu ai.

BU HKAWM 18:2

Nang hte na a shadang sha ni Sum hta daw jau nga ai shaloi nang hpe amu galaw karum na matu Lewi amyu kaw na na a nhpu nnau ni hpe sit sa shangun u.

BU HKAWM 18:21

Dai Madu gaw, “Israela amyu masha ni ngai hpe sak jaw ai htam shi hta na htam mi shagu, Lewi masha ni hpe ngai jaw ni ai. Dai gaw nye a hpung shingkang shanu nga ai Sum hpe yu lajang ai shanhte a daw jau magam bungli a matu shabrai rai nga ai.

BU HKAWM 25:12

Dai re ai majaw shi hte prat dingsa shagrin da lu na ga shaka hpe ngai tawn da na lam shi hpe tsun u.

BU HKAWM 3:11

Dai Madu gaw Mawshe hpe, “Ya chyawm gaw Lewi masha ni nye a matu rai nga masai. Egutu masha ni a shadang sha alat ni yawng hpe ngai sat kau ai shaloi, Israela dinghku shagu na shadang sha kaba htum wa hpe rai ti mung, nye a matu ngu nna ap nawng da se ai. Ya chyawm gaw Israela shadang sha alat ni a malai Lewi masha ni hpe nye a matu ngai lu la ni ai. Shanhte gaw nye a ni rai na mara ai; Ngai gaw dai Madu rai nga nngai,” ngu nna tsun wu ai.

BU HKAWM 3:45

Lewi masha ni hpe mung, Israela ni hta na shawng hkrat ai yam nga alat ni yawng a malai Lewi masha ni a yam nga ni yawng ngai hpe ap nawng ya nga ai.

MAHTE 3:12

Shi a lata hta mam yit jasan na matu hkuwawn shi lang da nga ai. Shi a mam chyarang hpe shi yit jasan nhtawm, shi a mam gu hpe gaw mam dum hta shinggyin bang da nna, mam nsan hpe gaw galoi mung n krip ai wan hta nat kau na ru ai, ngu mu ai.

LUKA 10:11

‘Anhte a lagaw hta kap ai nanhte a mare na ga nhpu pyi, nanhte hpe deng u ga matu anhte ahpu katsut kau da ga ai, rai ti mung, Karai Kasang a Mungdan gaw nanhte hte ani sha du ra ai hpe chye nga mu, ngu nna tsun da mu,’ ngu mu ai.

YAWHAN 15:2

Ngai hta asi n si ai lakung shagu hpe gaw, shi krum kau wu ai; asi si ai lakung shagu hpe chyawm gaw asan aseng rai nna asi grau si u ga nga, tsan kau ya wu ai.