MALAHKI 2:3 - Jinghpaw Common Language Bible 2009

³ Ngai gaw nanhte a kashu kasha ni hpe ari jaw na we ai, nanhte nawng ya ai dusat ni a ahkyi hte nanhte a myi man hta chya ya na nngai; nanhte gaw hkyi bum de shapraw kau dat hkrum na myit dai.

Jinghpaw Hanson Version Bible

³ Yu u, nanhte a nli hpe ngai jahten na nngai; nanhte a poi hkungga ahkyi hpe nanhte a myi man ntsa e ngai gat bun nna, dai hkyi hte rau, nanhte hpe shapraw na mara ai.

MALAHKI 2:3 ပူးပေါင်းရင်းမြစ်များ

1 HKAWHKAM 14:10

Shing re ai amu a majaw, na a hkawhkam dap matu ni a ntsa e ru yak tsin-yam tsindam shapraw dat nna, lasha matu mara hta na kaji kaba yawng hpe sat kau na we ai. Na a dinghku hpe ngai yeng kau na nngai; shing rai shanhte gaw nga hkyi hpe zawn ye kau ai hkrum na mara ai.

YOBA 20:7

rai ti mung shanhte gaw ga nhpu zawn mawng mat na mara ai. Shanhte hpe chye sai ni mung shanhte kanang de rai mat wa masai hpe yu mau na mara ai.

SHAKAWN KUNGDAWN 47:5

Karai Kasang gaw shi a tingnyang de lung nga ai. Dai Madu lung wa yang, kabu gara jahtau garu ai nsen hte pahtau dum ai nsen ni hpe na lu nga ai.

SHAKAWN KUNGDAWN 83:10

Nang shanhte hpe Endora e dang kau ai hte shanhte a moi mang ni gaw ga ntsa e, yat taw mat mu ai.

PRU MAT 29:14

Rai ti mung dai usu a ashan, ahpyi hte ahkyi rawng ai pu kaba ni hpe dap shinggan e nat kau na rai ndai. Dai gaw hkinjawng ni a yubak mara hpe la kau ya ai hkungga rai nga ai.

YEREMIA 8:2

Sumpum da na hte lup kau na malai, shanhte a nrut nra ni gaw ga ntsa e namhpun zawn taw nga na mara ai. Shanhte gaw shanhte tsaw ra ai hte daw jau yu nna shanhte bawng ban jahkrup ai hte nawku yu sai ajan, shata hte shagan ni a man e lam da ai hkrum na mara ai.

YOELA 1:10

Yi, sun hkauna ni hkam ma sai; nsi naisi ni hten za mat ai hte, sabyi si ni hkraw mat nna, tsanlun hpun ni nyip mat wa ai majaw, lamu ga sharung shayawt nga ai.

YOELA 1:17

Nli tum ni hkun hkraw ai aga kata hta krau si mat sai. Dum hta bang da na mam n nga sai; kaman re ai mam dum ni hten run mat sai.

JAW JAU 26:16

Ngai gaw nanhte hpe tsi la n lu ai ana ahkya hte mung, nanhte hpe myi n mu shangun lu ai machyi makaw hte nanhte a asak hpe hkra shangun na ru yak tsin-yam tsindam shangun dat na we ai. Nanhte a gumlau hpyen ni mahtang nanhte hpe ka-up kau nhtawm nanhte hkai shakut da ai nsi naisi ni hpe sha kau na mara ai.

NAHUM 3:6

Ngai nang hpe matsat kau nna awu asin hte htinggrum da na we ai. Masha ni gaw nang hpe hkrit makran ai hte azi yu na mara ai.

MALAHKI 2:9

Dai rai nna, ngai gaw Israela amyu masha ni hpe lang let nanhte hpe nhpu nru di shangun na made ai, hpa majaw nga yang nanhte gaw nye a myit n hkan ai sha, nye a amyu masha ni hpe sharin achyin ai shaloi masha shagu hpe maren mara n di nga myit dai.”

LUKA 14:35

Dai gaw lamu ga a matu mung, namhpun di na matu mung, akyu n rawng mat sai rai nna shinggan de kabai kau ga ma ai. Na la na, na tu ai wa gaw, na la u ga!”

1 KORINHTU 4:13

Anhte roi asawng ai hkrum yang, ga ngwi ga pyaw hte htan ga ai. Anhte gaw ya du hkra ndai mungkan ga a shanut shanaw hte masha yawng mayawng e kabai ayai da ai maza mala zawn rai nga ga ai.

TARA JAHPRANG 28:38

“Nai mam nli law law gat myit ti mung dinggam-yaw ni sha kau na mu ai majaw, kachyi mi sha she shu la lu na rai myit dai;