MALAHKI 1:7 - Jinghpaw Common Language Bible 2009

⁷ Dai gaw nye a tawn hkungri ntsa hta manu n dan ai lusha hkungga nawng ya ai hku rai myit dai. Nanhte gaw, ‘Anhte nang hpe hkungga na kaning rai hprai kau saga ta?,’ nga nna san myit dai. Nye a tawn hkungri hpe n sawn n sang di ai hpe madun ai hku ngai nanhte hpe tsun dan na made ai.

Jinghpaw Hanson Version Bible

⁷ Nanhte gaw, n san n seng ai muk, nye a tawn hkungri ntsa e nawng ya myit hka; rai timung nanhte gaw, Anhte nang hpe kaning rai awu asin di ga ta? nga nna san myit dai. Yehowa a sha ku gaw hpa lam n la ai, nga nna mung;

MALAHKI 1:7 ပူးပေါင်းရင်းမြစ်များ

EZEKELA 41:22

arai langai mi nga nga ai. Dai gaw tsaw de pe 5 rai nna, nda maga de pe 4 rai nga ai; de a jut ni, madang hte shakum ni yawng hpun rai nga ai. Dai masha wa gaw ngai hpe, “Ndai gaw dai Madu a man e tawn da ai ku rai nga ai,” ngu nna tsun wu ai.

EZEKELA 44:16

Shanhte chyu sha nye a Nawku Htingnu de shang nna, nye a tawn hkungri hta daw jau lu nhtawm Htingnu a nawku ai amu woi awn na mara ai.

JAW JAU 2:11

Dai Madu hpe nanhte sak jaw ai shadung hkungga ni hpe matsi hte galaw lu na myit dai n rai; Dai Madu hpe nanhte lusha nawng jau myit dai shaloi matsi hte lagat ntsin galoi mung lang lu na n rai.

JAW JAU 21:6

Shi gaw chyoi pra nga lu na rai nna nye a mying ningsang hpe jahpoi lu na n rai. Shi gaw ngai hpe lusha hkungga nawng jau ai wa rai nna chyoi pra nga lu na rai wu ai.

JAW JAU 21:8

Ngai hpe lusha hkungga sak jaw nga ai hkinjawng re majaw amyu masha ni mung shi hpe chyoi pra ai hku myit nawn na rai ma ai. Ngai gaw dai Madu rai nna chyoi pra nga nngai majaw nye a amyu masha ni hpe chyoi pra shangun na mawe ai.

JAW JAU 3:11

San da hkrum ai hkinjawng wa gaw dai yawng hpe tawn hkungri ntsa mara nhtawm dai Madu hpe lusha hkungga hku nawng na rai nga ai.

MALAHKI 1:12

Rai ti mung, nanhte mahtang nye a tawn hkungri gaw hpa manu n dan ai nga nna nanhte tsun ai hte nanhte n sawn n sang di ai lusha hpe de a ntsa e nawng ya let ngai hpe kaya jahkrum myit dai.

MALAHKI 1:13

Nanhte gaw, ‘Ndai lam yawng mayawng a majaw anhte kade sha hki ba saga a hka!,’ ngu nna tsun let ngai hpe ladi sharawt dan myit dai. Lagu la ai, shing n rai lagaw hten ai, shing n rai machyi ai dusat langai ngai nanhte la sa nna ngai hpe nawng ya myit yang, nanhte kaw na dai hpe ngai hkap la na re ngu, myit nawn da myit ni?

MALAHKI 1:8

Ngai hpe shagu hkungga nawng ya na nga, myi kyaw ai, shing n rai machyi ai shing n rai lagaw hten ai dusat langai nanhte la sa myit dai shaloi, dai gaw ra rawng ai lam hpa mung n nga ai ngu nanhte myit nawn da myit ni? Dai zawn re ai dusat, mungdu wa hpe jaw chyam yu mu! Shi nanhte hpe ra sharawng ai hte myi man tau ya na rai wu ni?

1 KORINHTU 10:21

Nanhte gaw dai Madu a gawm kaw na lu nhtawm, nat ni a gawm kaw na mung bai lu lu na myit dai n rai, dai Madu a sha ku hta na sha nhtawm, nat ni a sha ku hta na mung bai sha lu na myit dai n rai.

TARA JAHPRANG 15:21

Rai ti mung dai sagu dumsu ni hta lagaw hten ai, myi kyaw ai, grai sawng ai lama ma a majaw hkrang n hkum mat ai yam nga rai yang, dai ni hte dai Madu nanhte a Karai Kasang hpe shagu hkungga nawng ya lu na n rai.