MALAHKI 1:4 - Jinghpaw Common Language Bible 2009

⁴ Esaw a matu mara Edom masha ni gaw, “Anhte a kahtawng ni jahten sharun kau hkrum sai, rai ti mung dai ni hpe anhte bai gaw gap na ga ai,” ngu nna lama tsun ai rai yang, dai Madu gaw, “Shanhte bai de da mu ga-dai ni hpe ngai bai run kau ya na we ai. Amyu masha ni gaw shanhte hpe, ‘Dai n hkru ai mungdan’ hte ‘Dai Madu tut nawng pawt nga ai amyu,’” ngu nna shaga na ra ai.

Jinghpaw Hanson Version Bible

⁴ Edom masha ni gaw, Anhte hten byak hkrum timung, anhte bai wa nna, akrin akraw re ai shara ni hpe bai dè da na ga ai, nga nna tsun ma timung, Zaw nawng zaw wa up ai Yehowa ning nga ai, Shanhte dè da timung, ngai run kau na nngai: masha ni gaw shanhte hpe, Tara n lang ai mungdan, Yehowa tutnawng pawt nga ai amyu, ngu nna shamying na maru ai.

MALAHKI 1:4 ပူးပေါင်းရင်းမြစ်များ

YOBA 12:14

Karai Kasang run hpya kau ai shaloi, kadai wa bai de da lu nga a ta? Karai Kasang sharen da ai wa hpe kadai shalawt dat lu a ta?

YOBA 34:29

Karai Kasang gaw hpa mung n galaw na hku daw dan ai rai yang, kadai mung shi hpe sharu lu ai n rai. Shi a myi man makoi kau ai rai yang, masha gaw karum la lam kata rai na wu ai.

YOBA 9:4

Karai Kasang gaw hpaji grai rawng ai hte daru magam n-gun rawng nga ai; kadai mung shi hpe gumlang lu ai n rai.

SHAKAWN KUNGDAWN 127:1

Dai Madu gaw dai nta hpe n gap da ai rai yang, nta gap ai ni a amu kaman lila rai nga ai. Dai Madu gaw dai mare hpe n makawp maga ai rai yang, sin langa ni a makawp maga ai lam kaman sha rai nga ai.

SHAKAWN KUNGDAWN 137:7

Madu e, Yerusalem mare hpe dang la ai shani, Edom amyu masha ni galaw ai amu ni hpe dum nga u; “Ndai mare hpe ga du hkra run kau gaw!,” nga nna shanhte tsun ai ga ni hpe adum nga u.

SHAKAWN KUNGDAWN 33:10

Dai Madu gaw masha amyu baw ni a shatawng shada ai lam ni hpe shanut kau ya nga ai; shanhte a maw mawn ai lam ni n awng dang u ga, shi shanhte hpe hkum shingdang da nga ai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

ESAIA 10:4

Nanhte gaw majan ginra hta sat kau ai hkrum na rai myit dai, bawng masha ni hpe zawn dun garawt mat wa ai hkrum na marin dai. Dai rai tim pyi, dai Madu a masin kahtet ai gaw kawp mat na ra ai n rai; shi a lata gaw ari jaw na matu naw ladawn da na ra ai.

ESAIA 11:14

Shanhte gaw sinna maga de nga ai Hpilisti masha ni hpe jawm gasat na mara ai, sinpraw maga de nga ai masha ni a sut gan hpe kashun la na mara ai. Shan gaw Edom hte Moba mung masha ni hpe gasat dang kau na mara ai, Amon masha ni gaw shan a ga hpe madat mara na mara ai.

ESAIA 34:10

Dai mungdan gaw shani shana hkru nga na ra ai, wan hkut mung dai mungdan kaw na htani htana rawt mawng taw nga na ra ai. Dai mung gaw prat mi hte prat mi katsi katsang shara tai mat nna kadai mung dai mung hku bai ga lai hkawm sana ma ai n rai.

ESAIA 34:5

Dai Madu gaw sumsing lamu hta shi a nhtu hkyen lajang da nu ai, ya chyawm gaw dai hte Edom mung hte jahten kau na matu shi daw dan kau nu ai masha ni hpe adup kayat na ra ai.

YEREMIA 31:17

Du na ra ai aten hta na a matu myit mada shara nga nga ai; na a nshu nsha ni gaw dum nta de bai wa na mara ai. Dai Madu ngai nan tsun ni ai.

YEREMIA 49:20

Dai rai nna, Edom masha ni a ntsa e ngai hpaji daw ai lam hte Teman mare masha ni a ntsa e, ngai galaw na maw mawn ai lam ni hpe madat mu. Dai mung na shanhte a kashu kasha ni gaw dun garawt kau ai pyi hkrum na mara ai; masha shagu hkrit kahpra na mara ai.

YEREMIA 49:7

Ndai gaw Chyahtum Chyalai N-gun rawng ai dai Madu, Edom mung hte seng nna tsun da ai mungga rai nga ai: “Edom masha ni hta shanhte a mai kaja ai tara daw dan ai lam n nga mat sani? Shanhte hpe hpaji jaw ai ni shanhte hpe kaning re ai amu galaw na loi mi pyi hpaji n lu jaw manu ni? Shanhte a hpaji yawng hkoi mat manu ni?

YEREMIA 49:8

Dedan masha ni e, kayin mat wa nna hprawng mu! Makoi gyem nga mu! Esaw a aru arat ni hpe ari jaw na aten du sai majaw, ngai gaw shanhte hpe jahten kau na nngai.

YEREMIA 5:17

Shanhte gaw na a nsi naisi ni hte lusha ni hpe sha kau na mara ai; shanhte gaw na a shadang sha ni hte shayi sha ni hpe sat kau na mara ai. Shanhte gaw na a yam nga hpung hte sagu bainam hpung ni hpe mung sat kau ya na mara ai, na a sabyi ru ni hte lakum hpun ni hpe mung jahten kau ya na mara ai. Nang kam nga ai bunghku kum ai mare ni hpe mung shanhte a hpyen luksuk ni jahten kau ya na ra ai.

SHARUNG SHAYAWT 3:37

Dai Madu a myit chyu sha hpa lam hpe rai tim tut nawng shabyin ya lu nga ai.

EZEKELA 11:10

shaloi nanhte gaw nanhte a mungdan kata e byin ai majan hta sat kau hkrum na marin dai. Ngai gaw dai Madu rai nga nngai hpe masha shagu chye lu na ra ai.

EZEKELA 25:13

Ya chyawm gaw, Edom mung hpe ari jaw na matu mung, masha shagu hte dusat yam nga ni hpe sat kau na matu mung, ngai ndau na nngai. Ngai gaw dai mung hpe Teman mare kaw nna Dedan mare du hkra dai mung na shara hpe shingran katsi kau shangun na nngai; masha ni mung majan pa e sat kau ai hkrum na mara ai.

EZEKELA 25:14

Nye a amyu masha Israela ni gaw Edom masha ni hpe nye a matu matai dawp ya na mara ai; shanhte gaw Edom masha ni hpe nye a masin kahtet ai hpe hkam sha shangun na mara ai. Edom gaw nye a matai dawp ai lam kaning re ai majaw rai nga ai hpe shanhte chye lu na mara ai,” ngu nna tsun wu ai. Tsaw Htum ai dai Madu tsun nu ai.

EZEKELA 26:14

Nga hkan ai ni shanhte a sumgawn ni lam jahkraw la ai dai krin ai lungrawk shara hpe chyu sha ngam tawn da na nngai. Dai mare hpe galoi mung bai de da lu na n rai. Tsaw Htum ai dai Madu ngai nan tsun ni ai,” ngu nna tsun wu ai.

EZEKELA 35:4

Ngai gaw na a mare ni hpe jahten sharun kau na nngai, Na a mungdan gaw katsi katsang shara tai mat na ra ai; Dai hpang nang gaw ngai nan dai Madu rai nga nngai hpe chye wa na rai ndai.

EZEKELA 35:9

Ngai gaw nang hpe htani htana katsi katsang shatai kau na nngai, na a mare ni hta kadai mung bai shanu nga lu na n rai, nang gaw ngai nan dai Madu rai nga nngai hpe chye lu na rai ndai.

AMO LAIKA (AMOS) 1:11

Dai Madu gaw, “Edom masha ni lang hte lang yubak galaw shut nga masai, dai lam a majaw ngai shanhte hpe teng teng ari jaw na we ai. Shanhte gaw shanhte a kahpu kanau ni rai nga ai Israela amyu masha ni hpe matsan dum ai lam n nga ai sha nhtu lang let hkan shachyut ma ai. Shanhte a masin kahtet ai gaw shadaw shadang n nga nga ma ai; shanhte a masin kahtet ai hpe galoi mung n lu shakawp nga masai.

AMO LAIKA (AMOS) 3:15

Ngai gaw nshung ta na nta ni hte nlum ta na nta ni hpe jahten kau ya na nngai. Magwi kawng hte mawn sumli da ai nta ni hten run mat wa nna, kaba dam lada ai nta shagu jahten kau hkrum na mara ai,” nga nna tsun ai.

AMO LAIKA (AMOS) 5:11

Nanhte gaw matsan mayan masha ni hpe dip gamyet sha nna shanhte a nsi naisi ni kashun la kau ya nga myit dai majaw, nanhte gaw gap da ai tsawm ai nlung wahpang nta ni hta nga lu na myit dai n rai, nanhte hkai da ai tsawm la ai sabyi sun kata kaw na sabyi ntsin lu lu na myit dai n rai.

AMO LAIKA (AMOS) 6:11

Dai Madu hkang dat ai ga jaw dat ai shaloi, nta kaji kaba ni daw agrawp mat na mara ai.

AMO LAIKA (AMOS) 6:2

Hkalna mare hpe sa yu yu mu. Dai hpang Hamat a galu kaba ai mare de matut sa nhtawm Gat a Hpilisti mare de yu sa wa mu. Dai ni gaw Yuda hte Israela mungdan ni hta grau kaja nga a ni? Shanhte a lamu ga gaw nanhte a lamu ga hta grau dam lada nga a ni?

OBEDIA 1:1

Ndai gaw Tsaw Htum ai Madu, Edom masha ni hte seng nna tsun ai Obadia a myihtoi ga rai nga ai. Dai Madu gaw masha amyu baw ni hpang de shi a kasa hpe shangun dat wu ai rai nna, anhte gaw ning nga tsun ai shi a mungga hpe na saga ai: “Jin jin rai nga mu! Edom hpe majan gasat na matu rawt sa saga!.”

OBEDIA 1:10

“Na a kahpu kanau ni rai nga ai Yaku a matu mara ni hpe nang ashep ashin di nna sat kau nit dai majaw, nang gaw shamyit kau hkrum ai hte htani htana kaya kahpa hkrum na rin dai.

MALAHKI 1:3

Esaw hte shi a matu mara ni hpe chyawm gaw n dawng nngai. Ngai gaw Esaw nga ai bum ga hpe katsi katsang shara shatai kau nna, dai lamu ga hpe nam gwi ni a lata de tawn kau da ya ni ai,” ngu nna htan wu ai.

MAHTE 12:30

“Ngai hpang maga de n nga ai wa gaw, nye a gumlau maga de rai nga ai: ngai hte kahkyin gumdin n re ai wa gaw ayai aya rai nga ai.