MALAHKI 1:3 - Jinghpaw Common Language Bible 2009

³ Esaw hte shi a matu mara ni hpe chyawm gaw n dawng nngai. Ngai gaw Esaw nga ai bum ga hpe katsi katsang shara shatai kau nna, dai lamu ga hpe nam gwi ni a lata de tawn kau da ya ni ai,” ngu nna htan wu ai.

Jinghpaw Hanson Version Bible

³ Esaw hpe ngai n dawng nna, shi nga ai bum ni hpe katsi katsang shara shatai ai hte, shi a sali wunli hpe, zaibru jang na nam gwi ni hpe, ap kau ya ni ai, nga nna Yehowa tsun ai.

MALAHKI 1:3 ပူးပေါင်းရင်းမြစ်များ

NINGPAWT NINGHPANG 25:23

Dai Madu gaw shi hpe, “Na a hkum hta amyu lahkawng nga lit dai; Shada da htinghtawng shingjawng hkat ai amyu lahkawng hpe nang shangai dat na rin dai. Langai wa mi gaw kaga wa hta grau n-gun ja na ra ai; Kaba ai wa mahtang kaji ai wa hpe daw jau na ra ai,” ngu nna tsun wu ai.

ESAIA 35:7

hkru nga ai zaibru jang gaw hka nawng tai na ra ai, hkun hkraw ai lamu ga gaw hka hpawk ni hte hpring na ra ai. Nam gwi ni nga ga ai shara gaw hka shaman hte mai-aw ni tu na mara ai.

YEREMIA 49:10

Rai ti mung, ngai gaw Esaw a aru arat ni hpe atsai awai singgu krin di kau nngai; shanhte a shim ai shara ni hpe mung hpaw malang da ya na nngai, shanhte gaw loi mi pyi n lu makoi lu ma ai. Edom masha ni yawng jahten shaza kau hkrum nga masai. Shanhte kaw na langai wa mi mung ngam nga lu na ra ai n rai.

YEREMIA 49:20

Dai rai nna, Edom masha ni a ntsa e ngai hpaji daw ai lam hte Teman mare masha ni a ntsa e, ngai galaw na maw mawn ai lam ni hpe madat mu. Dai mung na shanhte a kashu kasha ni gaw dun garawt kau ai pyi hkrum na mara ai; masha shagu hkrit kahpra na mara ai.

YEREMIA 49:33

Hazora mung gaw htani htana shingran sharat katsi ai shara tai mat nna, nam gwi ni chyu sha dai shara ni hkan machyu nga na mara ai. Kadi mung dai shara hta bai nga nga na mara ai n rai. Dai Madu ngai nan tsun ni ai.”

YEREMIA 49:7

Ndai gaw Chyahtum Chyalai N-gun rawng ai dai Madu, Edom mung hte seng nna tsun da ai mungga rai nga ai: “Edom masha ni hta shanhte a mai kaja ai tara daw dan ai lam n nga mat sani? Shanhte hpe hpaji jaw ai ni shanhte hpe kaning re ai amu galaw na loi mi pyi hpaji n lu jaw manu ni? Shanhte a hpaji yawng hkoi mat manu ni?

YEREMIA 49:8

Dedan masha ni e, kayin mat wa nna hprawng mu! Makoi gyem nga mu! Esaw a aru arat ni hpe ari jaw na aten du sai majaw, ngai gaw shanhte hpe jahten kau na nngai.

YEREMIA 51:37

Dai mungdan gaw nam na gwi ma-a ni shanu ai hte marawng marang rai hten sumpum taw ai mung tai mat na ra ai. Dai mungdan gaw yu mau na zawn rai mat nhtawm, kadai mung dai shara hta shanu nga na ma ai n rai, dai mungdan hpe mu ai ni yawng hkrit kajawng mat na mara ai.

YEREMIA 9:11

Dai Madu gaw, “Ngai gaw Yerusalem hpe marawng marang di sumpum tawn nna, gwi ma-a ni nga ai shara shatai na nngai; Yuda mare ni gaw katsi katsang shara tai mat nna kadai mung n shanu ai shara tai mat na ra ai,” ngu nna tsun ai.

SHARUNG SHAYAWT 4:22

Ziun gaw shi shut hpyit ai yubak a matu shabrai lu nu ai; Dai Madu gaw anhte hpe galoi mung bawng dung shangun sana n rai. Rai ti mung, Edom e, dai Madu gaw nang hpe ari jaw na ra ai; shi gaw na a shut hpyit ai arawn alai ni hpe shadan dan na ra ai.

EZEKELA 36:7

Tsaw Htum ai dai Madu ngai nan gaw grup yin hkan nga ai masha amyu baw ni shagrit kau hkrum na mara ai lam ga sadi hte dagam nngai.

EZEKELA 36:9

Ngai gaw nanhte hpang maga de rai nga nngai, nanhte a lamu ga hta yi hkauna ni hpe ngai teng teng galaw shangun nna, dai hta nli gat lu na rai myit dai.

YOELA 3:19

“Shanhte gaw Yuda mung hpe gasat nna, dai hta nga ai mara n kap ai masha ni hpe sat kau mu ai majaw, Egutu mung gaw zaibru jang tai mat nna, Edom gaw katsi katsang hten run mat na ra ai.

OBEDIA 1:10

“Na a kahpu kanau ni rai nga ai Yaku a matu mara ni hpe nang ashep ashin di nna sat kau nit dai majaw, nang gaw shamyit kau hkrum ai hte htani htana kaya kahpa hkrum na rin dai.

LUKA 14:26

“Ngai hpang de sa ai wa kadai rai ti mung, tinang a kanu kawa, tinang a madu jan kasha ni hte tinang hkum nan hpe tsaw ra ai hta ngai hpe grau tsaw ra ai wa sha n rai yang gaw, nye a sape n tai lu ai.