MALAHKI 1:1 - Jinghpaw Common Language Bible 2009

¹ Ndai gaw Israela amyu masha ni hpe htawn tsun dan na matu, dai Madu Malahki hpe jaw ya ai mungga rai nga ai.

Jinghpaw Hanson Version Bible

¹ Malahki a n-gup hte, Israela matu jaw dat ai, Yehowa a shingran mungga, da ndai rai nga ai:

MALAHKI 1:1 ပူးပေါင်းရင်းမြစ်များ

ESAIA 13:1

Ndai gaw Amot a kasha Esaia, Karai Kasang kaw na lu la ai Babelon hte seng ai mungga rai nga ai.

YEREMIA 23:33

Dai Madu gaw ngai hpe, “Yeremia e, nye a amyu masha ni kaw nna marai langai ngai, myihtoi langai ngai, hkinjawng langai ngai nang hpe, ‘Dai Madu a mungga gaw hpa wa rai nga a ta?,’ nga nna san yang, nang gaw shi hpe, ‘Nang gaw dai Madu hpe lit shali ndai majaw shi gaw nang hpe kabai kau na ra ai,’ ngu nna tsun na rai nga ndai.

NAHUM 1:1

Ndai gaw Ninewe hte seng ai mungga rai nga ai, Elkosha mare na Nahum mu ai shingran a lam rai nga ai.

HABAKU 1:1

Ndai mungga gaw dai Madu myihtoi Habaku hpe madun dan sai lam ni rai nga ai.

HAGI 1:1

Persi Hkawseng Dari hkaw dung ai lahkawng ning a shata kru a langai ya shani hta dai Madu gaw myihtoi Hagi hku nna ga shaga wu ai. Dai mungga gaw Shelatila a kasha Yuda munggyi Zerubabela hte Yehozadak a kasha Hkinjawng Kaba Yawshu a matu rai nga ai.

HAGI 2:1

Dai shaning a shata sanit a hkun langai ya shani hta, dai Madu gaw myihtoi Hagi hku nna ga bai shaga nga ai.

ZEHKARIA 12:1

Ndai gaw sumsing lamu ni hpe kahpyan nna ginding aga hpe hpan da let, masha hpe sak jaw ya nga ai dai Madu kaw na Israela hte seng ai mungga rai nga ai.

ZEHKARIA 9:1

Ndai gaw dai Madu a mungga rai nga ai: Shi gaw Hadrak mung hte Damasku mare hpe ari jaw na matu daw dan nu ai. Israela amyu bawsang ni sha n rai, Suri mung a mare daju hpe mung dai Madu madu da nga ai.

MALAHKI 2:11

Yuda amyu masha ni gaw Karai Kasang hpe jaw ai shanhte a ga sadi hpe run kau nhtawm Yerusalem hte mungdan ting hta matsat shabat amu galaw ma ai. Dai Madu tsaw ra ai Nawku Htingnu hpe shanhte awu asin di kau mu ai. Lasha ni gaw maigan karai ni hpe nawku ai numsha ni hpe hkungran la ma ai.